Nieto Bible Page

Kawikaan 1:8 Anak ko, dinggin mo ang turo ng iyong ama, at huwag mong pabayaan ang kautusan ng iyong ina:9 Sapagka't sila'y magiging tali ng biyaya sa iyong ulo, at mga kuwintas sa ligid ng iyong leeg. Matapos sabihing ang takot sa Diyos ang pundasyon ng karunungan, sinundan ito ni Solomon ng dalawang utos na dapat sundin ng kabataan. Ang dalawang utos na ito ay 1) Dinggin ang turo ng ama; at 2) Huwag pabayaan ang kautusan ng iyong ina. Ang ama at ina ay madalas na gamitin ng Diyos bilang ahente ng karunungan. Samakatuwid bahagi ng pagkatakot sa Diyos ang sumunod sa mga ahenteng Kaniyang ginagamit upang turuan ang kabataan.  "Anak ko, dinggin mo ang turo ng iyong ama, at huwag mong pabayaan ang kautusan ng iyong ina." Kausap ni Solomon ang kaniyang anak, marahil si Rehoboam. Sinisikap niyang ituro ang kahalagahan ng pagsunod sa mga magulang. Ang salitang "dinggin" ay nangangahulugan ng pakikinig na may intensiyong sumunod. Hindi ito tumutukoy sa estimulasyon

Basahin ang teksto (at kung maaari ay buong kabanata) at sagutin ang mga sumusunod na tanong. Gawa 10:43 Siya ang pinatotohanan ng lahat ng mga propeta, na ang bawa't sumasampalataya sa kaniya ay magkakamit ng kapatawaran sa mga kasalanan sa pamamagitan ng kaniyang pangalan. 1. Maraming tao ang nagsasabing upang maligtas, kailangan mong maging matuwid, magdasal lagi at magbigay ng abuloy. Ang lahat ng mga ito ay ginagawa ni Cornelio ngunit malinaw na walang tao ang maliligtas sa kaniyang sariling gawa (Tito 3:5; Efeso 2:8-9: Roma 4:1-8), sapagkat kung oo, hindi na si Cornelio susuguin ng angel upang ipasundo si Pedro, Gawa 11:14. Kung sapat na ang mabubuting gawa upang maligtas ang tao, bakit kailangan pa ang biyaya ng Diyos at kamatayan ni Cristo? Silipin ang Gawa 2:21 at Roma 11:6 para sa sagot ni Pablo sa tanong na ito.  2. Paano kumikilos ang Diyos upang ihanda ang taong positibo sa Kaniyang salita at ihanda ang taong gagamitin Niya para ibahagi ang mensahe ng buhay na walang h

Kawikaan 1:7 Ang takot sa Panginoon ay pasimula ng kaalaman: nguni't ang mangmang ay humahamak sa karunungan at turo. Matapos ibahagi ang layon ni Solomon sa pagkatha, pag-edit at pagtipon ng mga Kawikaan, sa v7 ibinigay ni Solomon ang pundasyon ng karunungan. Hindi ito ang taas ng IQ o kung anong seminaryo ang tinapusan kundi isang bagay na kahit sinong ordinaryong mananampalataya ay magagawa- ang pagkatakot sa Diyos. Nangangahulugan itong kahit sinong mananampalataya ay maaaring maging.aalam at marunong, hindi lamang ang iilang tapos sa seminaryo o may mataas na IQ.  Ano ba ang pagkatakot sa Diyos. Ito ay ang paggalang at pagkamangha sa kung sino at ano ang Diyos. Samakatuwid ang takot sa Panginoon ay humanahanga at namamangha at gumagalang sa Diyos. Yamang siya ay gumagalang sa Diyos, sinusunod niya ang Salita ng Diyos at sa ganitong paraan nalilipat sa Kaniya ang karunungan ng Diyos. Sa pamamagitan ng pag-aaral ng Salita ng Diyos, ang pananaw at saloobin ng Diyos sa iba't i

Basahin ang teksto (kung maaari ay ang buong kabanata) at sagutin ang mga sumusunod na tanong. Mga Gawa 8:37 At sinabi ni Felipe Kung nanampalataya ka ng buong puso ay mangyayari. At sumagot siya at sinabi: Sumasampalataya ako na si Jesu-Cristo ay Anak ng Dios. 1. Sino si Felipe? Ano ang mga pangyayaring naging dahilan upang magsanga ang landas nila ng Etiopeng bating?  2. Sa naratibong ito binabasa ng Etiopeng bating ang isang bahagi ng propesiya ni Isaias. Ano ang sinasabi nito sa kakayahan ng Lumang Tipang magturo sa sinumang positibo na manampalataya kay Cristo para sa buhay na walang hanggan? 3. Pinaliwanag ni Felipe sa Etiopeng bating na si Isaias ay sumusulat patungkol sa Cristo at sa patotoo ng bating mismo siya ay nanampalataya. Lahat ng ito ay nangyari bago siya humiling ng bautismo sa tubig. Ano ang implikasyon nito sa relasyon ng bautismo at kaligtasan? Kailangan bang mabautismuhan ang tao upang maligtas? Kung ligtas na ang bating, bakit siya humihiling na mabautismuhan? 4.

1 Corinto 11:23 Sapagka't tinanggap ko sa Panginoon ang ibinibigay ko naman sa inyo; na ang Panginoong Jesus nang gabing siya'y ipagkanulo ay dumampot ng tinapay;24 At nang siya'y makapagpasalamat, ay kaniyang pinagputolputol, at sinabi, Ito'y aking katawan na pinagputolputol dahil sa inyo: gawin ninyo ito sa pagaalaala sa akin.25 At gayon din naman hinawakan ang saro pagkatapos na makahapon, na sinasabi, Ang sarong ito'y siyang bagong tipan sa aking dugo: gawin ninyo ito sa tuwing kayo'y magsisiinom, sa pagaalaala sa akin.26 Sapagka't sa tuwing kanin ninyo ang tinapay na ito, at inuman ninyo ang saro, ay inihahayag ninyo ang pagkamatay ng Panginoon hanggang sa dumating siya. Banal na Hapunan na naman bukas. Kada ikatlong buwan sinasagawa sa aming simbahan ang Banal na Hapunan. Gusto ko sanang mas madalas ngunit kinikilala natin ang lohistikang kasama sa pagbili ng mga elemento ng Hapunan at kinakailangang pagsusuri sa sarili ng mga lalahok. "Sapagka

Basahin ang teksto at sagutin ang mga tanong. Gawa 4:12 At sa kanino mang iba ay walang kaligtasan: sapagka't walang ibang pangalan sa silong ng langit, na ibinigay sa mga tao, na sukat nating ikaligtas. 1. Sino ang nagsasalita sa tekstong ito at sino ang kaniyang kausap? Ano ang paksa ng kanilang usapan?  2. Ayon sa tekstong ito, kaninong pangalan lamang makasusumpong ng kaligtasan? 3. Tama o mali. 3.1. Ang kaligtasan ay masusumpungan sa pangalan ng relihiyon. 3.2. Ang kaligtasan ay masusumpungan sa interbensiyon ni Maria o ng mga santo at santa. 3.3. Ang kaligtasan ay masusumpungan sa pamamagitan ng pagsunod sa mga rito at ritwal ng relihiyon gaya ng bautismo, kumpisal, pag-aayuno o kumpirmasyon. 3.4. Ang kaligtasan ay masusumpungan sa pakikilahok sa mga pistang panrelihiyon o sa pangingilin ng mga mahal na araw. 3.5. Ang kaligtasan ay masusumpungan lamang sa pananampalataya lamang kay Cristo lamang.  4. Ayon sa teksto, maliligtas ba tayo ng sarili nating kabanalan o kabaitan (ma

  Ipinagdiwang ngayon sa San Rafael National High School ang mga guro. Sa araw na ito kinilala ang malaking ambag ng mga guro sa paghubog ng mga kabataan at paglago ng lipunan. Ang mga guro ang ahente ng paglilipat ng mga karunungan sa susunod na henerasyon. Nagtuturo sila ng kapakipakinabang na kasanayan at modelo ng tama at magandang pag-uugali. Kung wala ang mga guro, walang inhenyero, abugado, sundalo, doktor, abugada atbp propesyon.  Bilang isang guro sa pampublikong paaralan, nakatataba sa puso ang pagkilalang ito. Isang araw sa isang taon, nabibigyang katarungan ang aming pagpupuyat at pagsisikap na maturuan ang aming mga estudyante. Ngunit nakalulungkot na samantalang apresyado ang puwang ng mga guro sa pampublikong paaralan, isang uri ng pagkaguro (at sa aking palagay ay mas mahalaga) ang hindi nabibigyang atensiyon. Ito ay ang pagiging guro ng Biblia. Bilang isang indibidwal na guro pareho sa paaralan at ng Biblia, masasabi kong walang alinlangan na mas mataas ang pagtingin n

Basahin ang teksto (kung maaari ang buong kabanata) at sagutin ang mga sumusunod na tanong. Juan 11:42 At nalalaman ko na ako'y lagi mong dinirinig: nguni't ito'y sinabi ko dahil sa karamihang nasa palibot, upang sila'y magsisampalataya na ikaw ang nagsugo sa akin. 1. Sino ang nagsasalita sa tekstong ito? Sino ang Kaniyang kausap? Ano ang layon ng panalanging ito? 2. Sino ang "ko," "ako," "mo," "ikaw," at "sila" sa tekstong ito? Ang pagkakakilanlan ng mga panghalip na ito ay mahalaga sa pagkaunawa ng mensahe ng tekstong ito. 3. Sa konteksto ito ay binanggit ni Jesus bago Niya tinawag si Lazaro mula sa kamatayan. Paano ang himalang ito naging isang tanda sa aklat ni Juan (may pitong tanda sa aklat na ito.)? 4. Ang layon ng tandang ito ay hindi upang magbigay ng comfort sa namatayan (bagama't siguradong oo) o upang bawasan ang kalungkutang kaakibat ng kamatayan. Ano ang layon ng panalangin at ng himalang ito? 5. Ano an

  Katatapos pa lang ng unang markahang pagsusulit at siyempre kasunod nito ang pagtsek ng papel. Masaya sa pakiramdam kapag mataas ang marka na nakukuha ngga estudyante bagama't minsan mapapakamot ka sa ulo kung paanong ang isang napakadaling tanong ay hindi nila nasagot. Mga tanong na napakadali at dapat ay alam ng lahat (common knowledge) ngunit mali ang sagot. Gaya ng, "Sino ang pambansang bayani ng Pilipinas?" At ang sagot ay Andres Bonifacio. O kaya ay "Ano ang pangalan ng tatlong paring martie?" At ang sagot ay MAJOHA sa halip na GOMBURZA. Hindi ko layon sa blog na ito na pagtawanan ang mga estudyanteng nagsisikap sa abot ng kanilang makakaya na makuha ang tamang sagot kundi ang gumawa ng pagkukumpara sa mga Cristiano. Minsan napapakamot tayo ng ulo sa mga Cristianong paulit-ulit na ginagawa ang alam nilang (at alam ng lahat, kahit ng mga hindi nag-aaral ng Biblia) kasalanan.    Kawikaan 30:33 Sapagka't sa pagbati sa gatas ay naglalabas ng mantekilya,

Basahin ang teksto at sagutin ang mga sumusunod na tanong. Juan 11:25 Sinabi sa kaniya ni Jesus, Ako ang pagkabuhay na maguli, at ang kabuhayan: ang sumasampalataya sa akin, bagama't siya'y mamatay, gayon ma'y mabubuhay siya; 26 At ang sinomang nabubuhay at sumasampalataya sa akin ay hindi mamamatay magpakailan man. Sinasampalatayanan mo baga ito? 1. Paano ipinakilala ni Jesus ang Kaniyang sarili kay Martha? 2. Ang sinabi ni Jesus na "Ako ang pagkabuhay na maguli at ang Kabuhayan" ay isa sa mga kasabihang "Ako nga" ni Jesus. Ano ang signipikansiya ng mga kasabihang "Ako nga" na ito? Ano ang kaugnayan nito sa pagpapakilala ng Diyos kay Moises bilang "Ako ay si Ako nga?" 3. Ayon sa v25 ano araw ang mangyayari sa sumasampalataya kay Cristo?  4. Ano kaya ang ibig pakahulugan ni Cristo sa sinabi Niya sa v26? 5. Ano ang nag-iisang kundisyong hinihingi ng teksto upang magkaroon ng buhay at huwag mamatay magpakailan man? (Kung gusto ninyo ng

Ang mga kawikaan ay mga salitang nagsusumaryo ng karunungang madaling maalala. Sa unang siyam na kabanata na nagsisilbing prologo ng aklat, ang mga kawikaan ay binabanggit sa anak na lalaki (siyempre pati babae rin). Ang mga kawikaan ay mga salita ng karunungan, ng masusing pag-oobserba sa mga realidad ng buhay at hindi dapat tratuhing absolutong doktrina na totoo sa lahat ng bagay. Isang halimbawa ay Kawikaan 22:6. Hindi ito nangangahulugang kapag pinalaki ang bata sa daang dapat niyang lakaran, hindi siya maaaring sumuway dito. Maraming bata, kahit sa Biblia mismo, ang pinalaki ng matuwid na mga magulang ngunit paglaki ay tinalikuran ang katuwiran. Sa halip ang sinasabi ng Kawikaan, sa pangkalahatan, ang batang tinuruan sa daan ng katuwiran ay hindi lalayo rito. Mas malaki ang posibilidad na lalaki ang bata sa pananampalataya at pagpapahalaga ng magulang kung siya ay araw-araw na nakaririnig ng mga aral. Hindi inaalis ng Kawikaang malayang kalooban ng tao at hindi ito mahikang kapag

Basahin ang teksto at sagutin ang mga sumusunod na tanong. Juan 8:46 Sino sa inyo ang makasusumbat sa akin tungkol sa kasalanan? Kung sinasabi ko ang katotohanan, bakit hindi ninyo ako sinasampalatayanan? 47 Ang sa Dios ay nakikinig ng mga salita ng Dios: dahil dito'y hindi ninyo dinirinig, sapagka't kayo'y hindi sa Dios. 1. Sino ang nagsasalita at sino ang kinakausap sa tekstong ito? Tungkol saan ang kanilang pinag-uusapan? 2. Paano ipinakita ng mga kausap ni Jesus ang pagtakwil ng mga ito sa Kaniya? 3. Ayon mismo kay Jesus, ano ang dahilan kung bakit tinatakwil (hindi sinasampalatayahan) ng mga tao si Jesus? 4. Ano ang dahilan kung bakit hindi dinirinig ng mga tao ang salita ng Diyos? (v47). Ano ang bahagi ni Satanas sa pagtakwil na ito (tingnan ang v48). 5. Ano ang hinihingi ng tekstong ito tungkol sa buhay na walang hanggan na tinatakwil ng mga tao? (Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-1

  Sa dispensasyon ng biyaya mayroon tayong mga rebelasyong hindi masumpungan sa Lumang Tipan at gabay sa ating espirituwal na buhay. Ganuon din, malaking bahagi ng Lumang Tipan, gaya ng Kautusan ni Moises, ay hindi nakakasakop sa atin. Kung ganuon, bakit kailangang basahin ng mga Cristiano ang Lumang Tipan? Narito ang ilang dahilan.  1. Ang Lumang Tipan ang Kasulatan ni Jesus at ng mga apostol. Sa aking NASB, 52 na beses ginamit ang Kasulatan at mga Kasulatan at sa lahat ng pagkakataon ito ay tumutukoy sa Lumang Tipan. Dahil sa hindi pa nasusulat (o nasa proseso pa lang ng pagsusulat ang mga aklat ng Bagong Tipan), bawat gamit ng Kasulatan sa Bagong Tipan ay patungkol sa Lumang Tipan. Ito ang Kasulatang natupad sa buhay ni Cristo (Lu 4:21); ang Kasulatang pinaliwanag ni Cristo (Lu 24:32,45) at Kasulatang nagbibigay ng karunungan sa kaligtasan kay Cristo (2 Tim 3:15). Ito ang Kasulatang kinasihan ng Espiritu (2 Tim 3:16-17) at Kasulatang masikap na siniyasat ng mga taga-Berea sa Gawa 17

Basahin ang sitas (kung maaari ay ang buong kabanata) at sagutin ang mga tanong.  Juan 8:24 Sinabi ko nga sa inyo, na kayo'y mangamamatay sa inyong mga kasalanan: sapagka't malibang kayo'y magsisampalataya na ako nga ang Cristo, ay mangamamatay kayo sa inyong mga kasalanan. 1. Sino ang nagsasalita sa sitas na ito? Sino ang "inyo" na Kaniyang kausap? 2. Ano ang pag-aangkin ni Jesus na dapat sampalatayahan ng Kaniyang mga kausap? 3. Ano raw an mgangyayari sa mga hindi "magsisampalataya" sa Kaniya? 4. Ano pala ang dapat gawin ng mga kausap Niya upang hindi "mangamatay kayo sa inyong mga kasalanan?" 5. Ano ang dapat gawin ng mga tao kung gusto nilang mabuhay at huwag mamatay sa kasalanan? (Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo. Kung nakatulong sa inyo ang mga blogs na ito, mangyaring pasubsc

Basahin ang mga sitas at sagutin ang mga sumusunod na tanong. Juan 7:38 Ang sumasampalataya sa akin, gaya ng sinasabi ng kasulatan, ay mula sa loob niya ay aagos ang mga ilog ng tubig na buhay. 39 (Nguni't ito'y sinalita niya tungkol sa Espiritu, na tatanggapin ng mga magsisisampalataya sa kaniya: sapagka't hindi pa ipinagkakaloob ang Espiritu; sapagka't si Jesus ay hindi pa niluluwalhati.) 1. Sino ang nagsasalita sa tekstong ito? Sino ang Kaniyang kausap? 2. Ayon kay Jesus, ano raw ang sinasabi ng Lumang Tipan tungkol sa sumasampalataya sa Kaniya? 3. Ano ang ibig sabihin ng "mula sa loob niya ay aagos ang mga ilog ng tubig na buhay?" 4. Ano raw ang tatanggapin ng mha magsisisampalataya sa Kaniya? 5. Ang pinakamahalagang tanong: nananampalataya ka ba kay Jesus para sa buhay na walang hanggan? Tinanggap mo na ba ang Espiritu Santo? (Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am.

Mateo 7:24 Kaya't ang bawa't dumirinig ng aking mga salitang ito at ginaganap, ay matutulad sa isang taong matalino, na itinayo ang kaniyang bahay sa ibabaw ng bato. Matthew 7:24[24]"Therefore everyone who hears these words of Mine and acts on them, may be compared to a wise man who built his house on the rock. Hindi sapat ang dumalo ng lingguhang pag-aaral ng Biblia at makinig. Kailangang ito ay unawain, isapuso at isagawa. Ito ay dapat pakinggan at ganapin. Samakatuwid dapat makita sa ating mga buhay ang mga bagay na ating pinag-aaralan. Halimbawa kung pinag-aaralan natin ang pagpapatawad sa kapwa ngunit nagtatanim ng galit sa kapatid, nangangahulugan itong walang aplikasyon ang pinag-aralan. Ito ay katulad ng taong nagtayo sa buhanginan. Kapag dumating ang bagyo ng buhay, bumibigay. Ilang Cristianong nagtatanim ng galit sa kapwa at hindi marunong magpatawad ang nahiwalay sa Panginoon? Ang nakikinig at gumaganap ng aral ay nagtatayo sa batuhan. May matibay at hindi nagag

  Tito 2:6 Turuan mo rin ang mga kabataang lalaki na maging mapagpigil sa sarili.  Sa Tito 2, nagbigay si Pablo ng mga alituntunin sa pagkilos ng mga mananampalataya, mula sa matatandang lalaki, matatandang babae, at nakababatang lalaki at babae. Sa v6 sinabihan ni Pablo si Tito na turuan ang mga kabataang lalaki na maging mapagpigil sa sarili.  Ang kabataan ay edad kung kailan ang mga tinedyer ay mapusok at naghahanap ng kanilang pagkakakilanlan. Ito ang edad kung saan hindi na sila bata na asa lamang sa magulang ngunit hindi pa rin sila sapat na gulang upang independyenteng kumilos. Nasa edad sila na batid nilang may kakayahan silang higit sa mga bata, at dahil dito nagnanais silang mag-asal matanda. Ngunit ito rin ang edad na hindi pa sila sapat na matanda at nangangailangan ng superbisyon. Ito ang edad na naghahanap sila ng kanilang tinitingalang halimbawa o may hero worship. Ngunit ito rin ang edad na gusto nilang ipakita ang kanilang indpendensiya laban sa anumang uri ng regulasy

Basahin ang teksto at sagutin ang mga tanong.  Juan 6:68 Sinagot siya ni Simon Pedro, Panginoon, kanino kami magsisiparoon? ikaw ang may mga salita ng buhay na walang hanggan. 1. Dahil sa pahayag ni Jesus na kailangang kainin at inumin ang Kaniyang laman at dugo upang magkaroon ng buhay na walang hanggan, marami sa mga disipulo Niya ang umalis at hindi nagpatuloy na sumama sa Kaniya. Ano ang mga bagay na maaaring magtulak sa iyo palayo sa Panginoon? 2. Ngunit kahit maraming tumalikod, mayroon pa ring natira. Sa tingin ninyo, ang mga tumalikod kaya ay ligtas o hindi? Bakit oo at bakit hindi? Paano ang ating prekonsepsiyon maaaring makaapekto sa ating sagot? 3. Nang diretsong tinanong ni Jesus si Pedro kung gusto niya ring umalis, tumanggi siya. Ano ang mga dahilan kung bakit pipiliin mong magpatuloy na lumakad kasama Niya? 4. Ano ang patotoo ni Pedro patungkol sa buhay na walang hanggan? Saan daw ito masusumpungan?  5. Tama o mali. 5.1 Ang mga salita ng buhay na walang hanggan ay masusu

  Ano ba ang non-denominational church at ano ang bentahe nito? Ang non-denominational church ay isang simbahan na hindi bahagi ng isang denominasyon o ng isang partikular na tradisyong Cristiano. Samakatuwid ang isang Cristianong miyembro ng non-denominational church ay hindi identified bilang Baptist o Presbyterian o anupamang tradisyon kundi isang Cristianong independyenteng miyembro ng kaniyang simbahan.  Ano ba ang bentahe at disbentahe ng pagiging non-denominational? Ang pinakamalaking bentahe ay ang kalayaang mag-aral at magturo nang ayon sa konsekwensiya. Dahil hindi siya bahagi ng anumang tradisyon, hindi niya kailangang limitahan ang kaniyang sarili sa kung ano ang tanggap na turo o gawi ng kaniyang denominasyon. Malaya siyang tanggapin at itakwil ang anumang aral ayon sa takbo ng kaniyang pag-aaral ng Biblia.  Ang ikalawa ay ang kalayaan sa pamamahala ng kaniyang simbahan. Hindi niya kailangang komunsulta sa kung kanino kung anong pagbabago sa pamamahala ang pwede niyang gaw

Basahin ang teksto (kung maaari ay basahin ang buong kabanata) at sagutin ang mga sumusunod na tanong.  Juan 6:58 Ito ang tinapay na bumabang galing sa langit: hindi gaya ng mga magulang na nagsikain, at nangamatay; ang kumakain ng tinapay na ito ay mabubuhay magpakailan man. 1. Sino ang nagsasalita sa sitas na ito? Ano ang Kaniyang paksa? 2. Ano (o SINO) ang tinapay na bumabang galing sa langit? Paano naiba ang Tinapay na ito sa tinapay na kinain ng mga magulang sa ilang? (Para sa kaalaman sa tinapay na kinain ng mga magulang, bisitahin ang Exodo 16:1-36).  3. Sa paanong paraan superyor ang Tinapay na galing sa langit kaysa sa tinapay na kinain ng mga magulang? 4. Ano kaya ang ibig sabihin ng "kumakain ng tinapay na ito?" Ano ang ibig sabihin ng "mabubuhay magpakailan man?" 5. Ano ang nag-iisang kundisyon upang magkaroon ng buhay na walang hanggan ayon sa sitas na ito? (Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat,

Mateo 5:14 Kayo ang ilaw ng sanglibutan. Ang isang bayan na natatayo sa ibabaw ng isang bundok ay hindi maitatago. Matthew 5:14 [14]"You are the light of the world. A city set on a hill cannot be hidden." Lagi kong nakakalimutang i-update ang serye na ito. Pahingi ng paumanhin.  Sa sitas na ito, itinuturo ni Cristo ang kahalagahan ng testimonyo sa ating paligid. Ang ating reputasyon ay ating puhunan sa ating pakikisalamuha sa mga tao sa paligid. Kung ang ating salita at gawa ay umaayon sa ating pinahahayag na pananampalataya, tayo ay ilaw ng sanlibutan. Paano? Nakikita sa ating ang Ilaw ng Sanlibutan na walang iba kundi si Cristo. Ngunit kung hindi Siya nakikita sa ating buhay tayo ay kadiliman sa mga tao sa ating paligid. Wala silang nakikitang ilaw at hindi nila makita ang tamang daan sa ating halimbawa.  Ang ating goal ay ang mamuhay para kay Cristo sa paraang nakikita Ang Ilaw ng Sanlibutan na si Cristo. Sa liwanag ng ating pamumuhay, tayo ay nagbibigay tanglaw sa daan ng

Basahin ang teksto at sagutin ang mga sumusunod na tanong. Juan 6:53 Sinabi nga sa kanila ni Jesus, Katotohanan, katotohanang sinasabi ko sa inyo, Maliban nang inyong kanin ang laman ng Anak ng tao at inumin ang kaniyang dugo, ay wala kayong buhay sa inyong sarili. 54 Ang kumakain ng aking laman at umiinom ng aking dugo ay may buhay na walang hanggan; at siya'y aking ibabangon sa huling araw. 1. Ano ang katotohanang sinasabi ni Jesus sa pasaheng ito?  2. Ano kaya ang ibig sabihin ng pagkain ng laman at pag-inom ng dugo sa pasaheng ito? Tingnan ang v47 bilang paralel na pasahe.  3. Paano raw magkakaroon ang tao ng buhay sa kaniyang sarili? 4. Ano ang matatamo ng kumakain ng laman at umiinom ng dugo? Punan ang mga patlang. Siya ay may buhay na _________________ Siya ay _______________ sa huling araw.  5. Dahil sa hindi tinuturo ng Biblia ang kanibalismo, malinaw na ang pagkain ng laman at pag-inom ng dugo ay isang tayutay. Ano ang nag-iisang kundisyong dapat matupad ng isang tao upan