Nieto Bible Page

  Kawikaan 1:8 Anak ko, dinggin mo ang turo ng iyong ama, at huwag mong pabayaan ang kautusan ng iyong ina. Isang malaking tungkulin at pribilehiyo ang binigay ng Diyos sa mga ama. Nakalulungkot na ang tungkulin at pribilehiyong ito ay napababayaan. Sa isang banda ang sanlibutan ay minamaliit ang institusyon ng pagiging ama. Kinakapon ng sanlibutang ito ang pagiging ama sa pamamagitan ng pagmamaliit sa kapangyarihan nito. Sa mga kwento at pelikula madalas na ilarawan ang mga ama bilang iresponsable at pabaya, at ang mga ina ang sumasalo ng kakulangan. Maaaring totoo ito sa ilang pamilya ngunit sa patuloy na pagkakarikatura ng institusyon ng ama, nino-normalize nito ang kawalang kapanyarihan at puwang ng mga ama sa tahanan. Hindi nakapagtatakang ni hindi na tumataas ang ating mga kilay kapag nakakakita tayo ng mga tahanang walang haligi. Sinanay na tayong ito ay normal at dapat tanggapin na walang pagmumuni. Ang nakalulungkot ang emaskulasyon na ito ay naririnig na rin sa mga pulpit...

  Narito ang ikatlong puntos ng mensahe (at panghuling blog) sa paksang Ang Diyos Ama ba ay gaya ng aking ama? III. Paano tayo magiging ama sa ibang Cristianong nangangailangan ng ama sa pananampalataya? Ang pariralang espirituwal na ama ay hindi makikita sa Biblia bagama't ang may mga sitas na nagpapakita ng espirituwal na pagkaana sa pagitan ng mga indibidwal at ng mga iglesia. Tinawag ni Pedro si Marcos na anak sa 1 Pedro 5:13. Tinawag ni Pablo si Timoteo na anak (1 Tim 1:2) at gayon din kay Onesimo (Filem 1:10).  Tumayong ama rin ang mga apostol sa iba't ibang kongregasyon. Tinawag ni Apostol Juan ang simbahang kaniyang sinulatan na mga anak, 1 Juan 2:1, 12-13. Ikinumpara ni Pablo ang kaniyang relasyon sa mga taga-Corinto bilang kapareho ng ama sa anak, 2 Cor 12:14-15. Ang parehong sentimyento ay makikita sa 1 Cor 4:13-15. Tinuring nilang nga anak ang mga mananampalataya na dapat alagaan at palakihin sa pananampalataya. Ngunit kapansin-pansing kailan man ay hindi tinawag n...

  Bilang Ama ng mga mananampalataya kay Cristo, Juan 1:12; Gal 3:26, ang Diyos ang nagbibigay ng ating mga pangangailangan. Dinirinig Niya ang ating mga panalangin, Mat 7:7-11, at dinidisiplina kung kinakailangan, Heb 12:3-11. Dahil Siya ang ating ama, Siya ay laging nariyan personally, emotionally and socially.  Ibinigay ng Diyos ang lahat ng mga bagay sa mga mananampalataya kay Cristo, Roma 8:32: Ef 1:3. Kabilang sa "lahat ng mga bagay" ang mga sumusunod: 1. Malapit sa biyaya Ef 2:8 2. Inampon bilang Anak ng Diyos, Gal 4:3-7 3. Tumanggap ng mana, Gawa 26:18 4. Hinirang, 1 Ped 1:2; Ef 1:4; Juan 15:16 5. Anak ng Diyos, Juan 1:12; 1 Juan 3:1 6. Mamamayan ng langit, Fil 3:20 7. Tagapagmana ng Diyos, Roma 8:17; Gal 3:29 8. Bagong Nilalang 2 Cor 5:17 9. Alipin ng Diyos, Roma 6:22 10. Saserdote ng Diyos, 1 Ped 2:9 11. Pakikipagkasundo sa Diyos, Roma 5:10; Ef 2:12 12. Pinagpaging banal, 1 Cor 6:11 13. May pagkalinga ng Diyos Anak, Ef 1:6 14. Binautismuhan sa Katawan ni Cristo, 1 Co...

  II. Ang Pagkaama ng Diyos Puntahan natin ang ikalawang bahagi ng ating mensahe. Ano ba ang sinasabi ng Biblia tungkol sa pagkaama ng Diyos? Ang Biblia ay nagpapahayag ng limang aspeto sa pagkaama ng Diyos.  Una, Siya ang Unang Persona ng Trinidad. Naniniwala tayong may Tatlong Persona sa Iisang Diyos at ang Unang Persona ay ang Diyos Ama. Ang Tatlong Persona ng Diyos ay pantay-pantay sa ontolohiya ngunit ang Ama ang Una sa ekonomiko.  Ikalawa, hinahayag ng Biblia ang Diyos bilang Ama ng Panginoong Jesucristo, Roma 1:3. Nang pinili ng Diyos ang metaporang gagamitin sa paghahayag ng Kaniyang unique na relasyon kay Cristo, pinili Niya ang metapora ng pagiging Ama. Hindi nangangahulugang may asawang babae ang Diyos at si Cristo ang Anak. Bilang Diyos, si Cristo at ang Ama ay parehong walang pinagmulan at walang patutunguhan, isang katangiang tinatawag na eternidad. Ang eternal na pagkaama ng Diyos at eternal na pagkaanak ni Cristo ay larawan ng Kanilang maintimasyang relasy...

  Ito ang ikalawang bahagi ng aking post tungkol  sa papel ng mga ama sa espirituwal na buhay ng pamilya. Ang ikalawang bahagi ay makikita rito: https://www.facebook.com/share/p/NGbQsHYhLwgpnMHH/?mibextid=oFDknk Pero maaaring magtanong, paano pala ang walang mga ama sa bahay? Paano kung namayapa na ang ama? O kaya ang ama ay nasa ibang lugar dahil nagtatrabaho at ang mga anak ay naiwan sa nanay o sa ibang kamang-anak gaya ng lola? O baka ang ama ay kumabilang-bahay na, nakipaghiwalay sa nanay at ang mga bata ay walang tumatayong ama? O baka may ama nga ngunit iresponsable at walang pakialam. Ang inaatupag lang ay bisyo? O wala ngang bisyo ang ama pero wala pa ring oras dahil ang nasa isip lang ay trabaho at pera? O wala ang tunay na ama ngunit muling nag-asawa ang ina at ang padrasto ay iba ang pagtrato sa tunay na anak at sa mga ampon? O ikaw ay ganap nang ulila at inampon na lang ng iba? Paano kung walang umampon?  Alam ko ang lahat ng mga ito ay mahihirap na tanong. Wa...

  Isa sa pinakapaborito kong bahagi ng Biblia ay ang Genesis 5:21-24. Makikita ninyo ang komentaryo ng Bagong Tipan sa Hebreo 11:5. Nang bata pa ako, nabasa ko ang isang aklat ni Jack Hyles ng First Baptist Church of Hammond, Indiana (yes isa akong fan niya, kahit pa nang ang pangalan niya ay mabalot ng eskandalo kalaunan). Isa sa mga sermon doon ay patungkol kay Enoch at ito ay mabilis kong naging paborito. Bukod sa Juan 3:16 at 1 Tesalonica 4:13-18, ito na siguro ang bahagi ng Biblia na pinakamadalas kong itinuro at ipinangaral. Marahil dahil sa lumaki akong walang ama, kaya iba ang saya na dala ng sermong ito. Mabilis kong kinabisa ang balangkas ni Hyles at nang nagsisimula pa lang akong magturo, ito ang aking go-to sermon. Kapag nagipit, takbo sa Genesis 5. Naalala ko nuon sa dati naming simbahan sa Santa Maria, nang hindi sumipot ang aking una't ngayo'y namayapa nang pastor dahil sa isyung domestiko, tumayo ako sa pulpito at dalawang sermon ang aking tinuro. At ang isa ay,...

  Ituloy natin kung ano ang mga kabanalang dapat imodelo ng isang ama sa kaniyang mga anak.  8. Ang maka-Diyos na ama ay hindi naiimpluwensiyahan ng alak at bisyo. Sa halip na kontrolado ng bisyo gaya ng alak (o droga), ang maka-Diyos na ama ay kontrolado ng Espiritu Santo. Ginagaya ng mga anak kung ano ang kumokontrol sa kanilang mga ama at kung ang diyos nila ay alak at droga, iyan din ang didiyosin nila, Exo 20:4-5.  9. Ang maka-Diyos na ama ay nagpapasakop sa awtoridad. Siya ay sumusunod sa mga namamahala sa gobyerno, sa simbahan at sa trabaho, 1 Ped 2:18; Roma 13:1-2; Heb 13:17. Hindi niya ginagaya ang orihinal na kasalanan ni Satanas na kapalaluan at pagtangging magpasakop sa pamahalaan ng Diyos. Sa ganitong halimbawa, natututo ang mga bata maging masunurin sa mga awtoridad sa paaralan, simbahan at lipunan.  10. Ang maka-Diyos na ama ay may leadership. Siya ang nangunguna sa pagsasagawa ng kabanalan. Dahil dito ang kaniyang mga anak ay susunod at tutulad sa kan...

  Tinapos ko ang nakaraang blog sa pagsabing ang Salita ng Diyos ang dapat maging batayan ng ating pagka-ama. At bilang mga ama, dapat nating imodelo ang mga espirituwal nitong katotohanan. Ngunit ano nga ba ang kabanalang dapat imodelo ng isang ama sa kaniyang mga anak? 1. Ang maka-Diyos na ama ay kilala ang Diyos. Dapat siya mismo ay mananampalataya kay Cristo at lumalago sa kaniyang relasyon sa kaniya. Hindi niya matuturuan ang anak na sumampalataya kay Cristo kung siya mismo ay hindi nanampalataya. Gayon din, hindi niya matuturuan ang mga batang lumapit at matakot Diyos kung siya mismo ay hindi lumalapit at walang takot sa Diyos. Paano niya masasabihan ang anak na magsimba, manalangin o mag-abuloy kung siya mismo ay hindi ito ginagawa? 2. Ang maka-Diyos na ama ay may paggalang sa kaniyang asawa. Isa ito sa pinakamalaking regalo ng ama sa kaniyang mga anak. Kapag nakita ng mga bata ang pagmamahal at paggalang ng ama sa asawa, lalaki silang may paggalang sa lahat ng kababaihan ha...

  Una sa lahat, Happy Father's Day sa lahat ng makababasa ng Blog na ito. Tayo ang mga unsung heroes, mga bayaning hindi kinikilala ng mundo ngunit sandigan ng lipunan at simbahan.  Sa araw na ito ang mensahe ko ay hamon sa mga ama na mamuhay sa biblikal na pagkaama at tingnan kung paano ang Diyos naging Ama sa ating mananampalataya.  Sa isang blog na sinulat ni Jonathan Edwards sa TGC (July 20, 2016), malungkot niyang kinuwento na sa loob ng mahabang panahon, hindi niya matawag ang Diyos na Ama. Ito ay tila paghahambing ng mansanas sa kahel. Paano niya magagamit ang isang salitang tinuturing niyang marumi upang ilarawan ang pinakabanal at mapagmahal na Persona sa sansinukob? Sa loob ng mahabang panahon, ang salitang ama ay nagdadala ng imahen ng pang-aabuso. Paano niya masisigurong ang Diyos ay hindi kagaya ng kaniyang ama? Mabuti na lamang at sa biyaya ng Diyos nabago ang kaniyang pananaw, nagkaroon siya ng kapatawaran at pagtanggap sa puso at masayang natatawag ang Diy...

  Happy Father's Day to all the fathers out there. May we never forget and be always thankful to the great privilege the Father gave us to be fathers to our children to lead them to salvation and maturity and conformity to the Son.  Ephesians 3:14-15 [14]For this reason I bow my knees before the Father, [15]from whom every family in heaven and on earth derives its name, (Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)

  Fatherhood is unappreciated today. People take for granted that fathers trade their bodies and souls to earn money to support the family. Some didn't appreciate the stability the mere presence of a father provides in the home. Show me a messed up child and/or family and the culprit is an absentee father, an unappreciated father, or father with unresolved issues with his own father. If we took the time to appreciate fathers, we'll end this culture of domestic SNAFU.  https://www.facebook.com/story.php?story_fbid=671898274980494&id=100064809816193&post_id=100064809816193_671898274980494&mibextid=Nif5oz (Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)