Nieto Bible Page

  Totoo ang sinasabi ng larawan: "Until Jesus is enough for you, no person, place or thing ever will be." Hanggang si Jesus ay hindi pa sapat para sa iyo, walang tao, walang lugar, at walang bagay ang magiging sapat kailanman. Ito ang problema ng maraming tao ngayon. Hinahanap natin ang kasiyahan sa maling lugar. May naghahanap ng kasiyahan sa ibang tao - sa asawa, sa anak, sa kaibigan. Kapag wala sila, pakiramdam natin ay kulang tayo. May naghahanap ng kasiyahan sa lugar - sa ibang bansa, sa bagong bahay, sa paglalakbay. Iniisip nating kapag nakarating tayo doon, sasaya tayo. May naghahanap ng kasiyahan sa bagay - sa pera, sa cellphone, sa sasakyan, sa posisyon. Ngunit pagkatapos makuha ang lahat ng ito, bakit parang may kulang pa rin? Sapagkat ang puso ng tao ay ginawa para sa Dios, at hindi ito mapupuno ng kahit anong bagay sa mundong ito. Sinabi ni Felipe kay Jesus ang ganitong klaseng pagnanasa. Sinasabi sa Biblia, Juan 14:8, "Sinabi sa kaniya ni Felipe, Panginoon, ...

  Totoo ang sinasabi ng larawan: "Your tongue has legs; what you say can go places you never intended." Kapag ang salita ay lumabas na sa ating bibig, hindi na natin ito mababawi. Ito ay tatakbo, lalayo, at makakarating sa mga lugar at taong hindi natin inakala. Ito ang dahilan kung bakit binigyan ng malaking pansin ng Biblia ang ating dila. Hindi ito maliit na bagay na walang kapangyarihan. Sinasabi sa Kawikaan 18:21, "Kamatayan at buhay ay nasa kapangyarihan ng dila; at ang nagsisiibig sa kaniya ay magsisikain ng kaniyang bunga." Ang ating dila ang nagdadala ng dalawang malaking bagay - kamatayan at buhay. Sa pamamagitan ng salita, maaari tayong pumatay ng damdamin ng isang tao, sumira ng reputasyon, o magwasak ng isang pamilya. Sa pamamagitan din ng salita, maaari tayong magbigay ng pag-asa, magpalakas ng loob, at maghatid ng katotohanan na magliligtas. Ipinaliwanag pa ito nang malinaw sa Santiago 3:5-6, "Gayon din naman ang dila ay isang maliit na sangkap, ...

  Maraming tao ang nalilito sa tunay na kahulugan ng biyaya. May nagsasabing dahil sa biyaya, maaari ka nang mamuhay sa kasalanan at ayos lang. Mayroon namang nagsasabi tulad ng nasa larawan: "When grace becomes an excuse to live in sin, you are no longer under grace but under deception." May katotohanang ang biyaya ay hindi lisensya sa pagkakasala, ngunit kailangan nating maunawaan kung ano ang itinuturo ng Biblia tungkol sa biyaya. Una, ano ba ang biyaya? Ang biyaya ay ang kagandahang-loob ng Dios na hindi natin pinaghirapan at hindi natin kayang bayaran. Ito ang hindi tampat na kabutihan ng Diyos.  Sinasabi sa Efeso 2:8-9, "Sapagka't sa biyaya kayo'y nangaligtas sa pamamagitan ng pananampalataya; at ito'y hindi sa inyong sarili, ito'y kaloob ng Dios; Hindi sa pamamagitan ng mga gawa, upang ang sinoman ay huwag magmapuri." Maliwanag na ang kaligtasan ay kaloob ng Dios sa biyaya, sa pamamagitan ng pananampalataya. Hindi ito dahil sa ating gawa. Wala...

  Maraming tao ang sumusukat sa simbahan sa pamamagitan ng dami ng tao, ganda ng ilaw, at lakas ng musika. Ngunit ang larawang ito ay nagpapaalala sa atin ng isang mahalagang katotohanan. Sa itaas ay may madilim na kamay ng kaaway na nag-aabang, at sa ibaba ay may mga kabataang taimtim na nananalangin at nagdadamayan. Ipinapakita nitong ang simbahan ay hindi isang palabas. Ang tunay na simbahan ay hindi nasusukat sa kung ilang upuan ang napuno, kundi sa kung ilang buhay ang tunay na binago ng Ebanghelyo. Ang mundo ay puno ng relihiyong nagsasabing kailangan mong magbago muna bago ka tanggapin ng Diyos. Ngunit ang Biblia ay kabaligtaran ang sinasabi. Ang tao ay makasalanan at walang kakayahang iligtas ang sarili. Sabi sa Roma 3:23 - Sapagka't ang lahat ay nangagkasala nga, at nangagkukulang sa kaluwalhatian ng Dios. At ang kabayaran ng kasalanan ay kamatayan. Sabi sa Roma 6:23 - Sapagka't ang kabayaran ng kasalanan ay kamatayan; datapuwa't ang kaloob na walang bayad ng Dios ...

  Sa larawan na ito ay makikita ang dalawang magkaibang mukha ng buhay. Sa itaas, mga kabataang tumatawa, umiinom, at nagsasaya sa party. Akala nila ay kaligayahan ang lahat. Ngunit sa itaas nila ay may maitim na kamay ng kaaway na nakabantay. Sa ibaba, ang katotohanan ng kanilang piniling saya - isang lalaking nasa kulungang umiiyak, at isang lalaking nasa higaang puno ng pagdurusa at pagsisisi. Ito ang tunay na sinasabi ng mensahe: THE JOY OF WORLDLY PLEASURE IS TEMPORARY, BUT ITS CONSEQUENCE IS SPIRITUAL DESTRUCTION AND DEATH. Ito ang pandaraya ni Satanas. Ipinapakita niya ang kasiyahan ng alak, barkada, kalayawan, at kasalanan na parang masaya. Ngunit hindi niya ipinapakita ang dulo nito. Ang Biblia ay napakalinaw tungkol dito. Kawikaan 14:12 - May daan na tila matuwid sa tao, nguni't ang dulo niyaon ay mga daan ng kamatayan. Maraming tao ang naghahanap ng kaligayahan sa mundo. Akala nila kapag nakuha nila ang gusto ng laman, magiging masaya sila. Ngunit ang lahat ng ito ay pan...

  Ang larawang ito ay nagpapakita ng dalawang magkaibang kalagayan. Isang babaeng sagana sa marangyang buhay, nakaupo sa trono, may hawak na alak, at tumatawa. At sa kanyang harapan, isang babaeng payat, marumi ang damit, nakaluhod at nagmamakaawa sa ilang patak ng tubig na tumutulo mula sa isang malaking tubo. Sa larawan ay may nakasulat: "You are not in lack because you have too little, but because you forget that everything comes from God. Matthew 4:4" Ngunit ang tunay na sinasabi ng Mateo 4:4 ayon sa Biblia ay hindi tungkol sa materyal na kasaganaan. Ang sabi doon, "Datapuwa't siya'y sumagot, at sinabi, Nasusulat, Hindi sa tinapay lamang mabubuhay ang tao, kundi sa bawa't salitang lumalabas sa bibig ng Dios." Ito ang malaking kamalian ng marami. Inaakala nating ang tunay na kakulangan ay ang kakulangan ng pera, ng pagkain, ng tubig, o ng ginhawa. Ngunit itinuturo ng Panginoon na ang pinakamalalim na kakulangan ng tao ay espirituwal. Maaari kang busog...

  Ang tungkulin ng pastor ay hindi lamang mangaral tuwing Linggo, kundi ihanda ang kawan ng Dios upang makilala ang katotohanan at malayo sa kasinungalingan. Malinaw ang babala sa larawan: kailangang sanayin ang mga mananampalataya sa Biblikal na pagkilatis upang maprotektahan ang mga tupa laban sa mga lobong nagkukunwaring lider na espirituwal. Ito ay utos mismo ng Biblia. Sa Gawa 20:28-30, Ang Biblia ay nagsabi si Pablo sa mga matatanda sa Efeso, "Ingatan ninyo ang inyong sarili, at ang buong kawan, na sa kanila'y ginawa kayo ng Espiritu Santo na mga obispo, upang pakanin ninyo ang iglesia ng Dios na binili niya ng kaniyang sariling dugo. Nalalaman kong pagkaalis ko ay magsisipasok sa gitna ninyo ang mga ganid na lobo, na hindi mangagpapatawad sa kawan; At magsisilitaw sa mga kasamahan din ninyo ang mga taong mangagsasalita ng mga bagay na masasama, upang mangagdala ng mga alagad sa kanilang hulihan." Hindi ito hula lamang. Ito ay nangyayari na. Kaya nagbabala rin ang P...

  Simple ang mensahe ng larawan pero matalim. Kung kaya mong pumasok araw-araw sa trabaho o sa school kahit pagod ka, kahit umuulan, kahit tinatamad ka, dapat kaya mo ring hindi umabsent sa church. Bakit? Dahil kung importante ang trabaho mo para sa katawan mo, mas importante ang Iglesia para sa kaluluwa mo. Pero para maintindihan natin ito ng tama ayon sa Biblia, kailangan nating paghiwalayin ang dalawang bagay: ang buhay na walang hanggan at ang paglago ng mananampalataya. 1. Ang Trabaho At School, Ginagawa Natin Dahil Kailangan Bakit ka pumapasok sa work? Dahil kailangan mo ng sweldo. Bakit ka pumapasok sa school? Dahil kailangan mo ng diploma. May disiplina. May commitment. Gigising ka ng maaga kahit puyat. Papasok ka kahit masama ang pakiramdam dahil alam mong may kahihinatnan kapag hindi ka pumasok. Sabi sa Biblia: "Sa pagpapagal ng iyong mukha ay kakain ka ng tinapay" - Genesis 3:19. Ang tao ay tinawag para magtrabaho at mag-aral nang tapat. Kung ganyan tayo kasipag sa...

  Sa buhay natin, maraming tao ang dumarating at umaalis. May mga kaibigan noong bata kang ngayon ay hindi mo na kasama. May mga taong akala mo ay habang-buhay na nandyan, pero nagbago, lumayo, at nawala. At may mga tao namang kahit anong mangyari, nananatili. Sila yung "right ones." Masakit ang katotohanang ang tao ay nagbabago. Ngayon kaibigan, bukas kaaway. Ngayon malapit, bukas malayo. Iyan ang realidad ng mundong ito. 1. Ang Tao Ay Nagbabago At Umaalis Sabi sa Biblia, ang puso ng tao ay pabago-bago. Hindi tayo dapat magtaka kung ang mga taong pinagkatiwalaan natin ay iiwan din tayo. Kahit si Apostol Pablo ay naranasan ito. Sabi niya sa Biblia: "Sapagka't ako'y pinabayaan ni Demas palibhasa'y iniibig niya ang sanglibutang ito" - 2 Timoteo 4:10. Iniwan siya ng kasama niya sa paglilingkod. Maging ang Panginoong Jesus, naranasan ang pag-iwan ng mga alagad. Nang Siya ay hulihin, "Iniwan siya ng lahat ng mga alagad, at nagsitakas" - Mateo 26:56....