Nieto Bible Page

  Santiago 1:21 Kaya't ihiwalay ninyo ang lahat na karumihan at ang pagapaw ng kasamaan, at tanggapin ninyo na may kaamuan ang salitang itinanim, na makapagliligtas ng inyong mga kaluluwa. Sa liwanag ng katotohanang ang galit ng tao ay hindi makagagawa ng katuwiran ng Diyos, paano tayo magiging matuwid kapag nahaharap ng pagsubok?  Kailangan tayong maliksi sa pakikinig ng Salita ng Diyos, makupad sa pagsasalita kapag tinuturo ang Salita at makupad sa pagkagalit kapag tinatamaan ng Salita.  Paano natin matatanggap ang Salita? "Kaya't ihiwalay ninyo ang lahat na karumihan at ang pagapaw ng kasamaan." Negatively, upang matanggap natin ang Salita ng Diyos, kailangan nating ihiwalay o hubarin ang lahat ng karumihan at pag-apaw ng kasamaan. Ito ang dahilan kung bakit kailangan nating magkumpisal ng kasalanan bago mag-aral ng Biblia. Nililinis natin ang ating sarili ng mga karumihang ating napupulot sa paglakad sa buhay. "At tanggapin ninyo na may kaamuan ang salitang i...

  Awit 119:105 Ang salita mo'y ilawan sa aking mga paa, at liwanag sa aking landas. Sa mga nakaraang blogs tiningnan natin kung paanong ang Salita ng Diyos ay nagbibigay ng katatagan. Nakita nating ang bahay na nakatayo sa bato (ang buhay na nakatayo sa Salita ng Diyos) ay hindi bibigay sa harap ng mga unos ng buhay. Nakita rin natin ang panganib ng buhay na hindi nakatayo sa Salita ng Diyos.  Ipagpatuloy natin. Sa Awit 119:105, makikita nating ang Salita ay tanglaw sa paglakad. Ito ang tiyak na gabay sa pamumuhay ng kabanalan at kasiyahan.  Nagbibigay linaw ang Biblia sa oras ng pagkalito. May mga pagkakataong nalilito tayo sa kung ano ang dapat gawin. Ang Biblia ay magbibigay ng moral na gabay na dapat nating lakaran. Anumang sinasabi nito ay dapat nating sundin at ang mga bagay na pinagbabawal ay dapat nating iwasan. Anumang bagay na hindi nito nababanggit, ay malaya tayong magdesisyon ayon sa karunungang taglay natin.  Pinapalakas nito ang ating panloob na buhay ...

Santiago 1:20 Sapagka't ang galit ng tao ay hindi gumagawa ng katuwiran ng Dios. Sa v19 sinulat ni Santiago ang tamang response kapag nasa gitna ng pagsubok: maliksi sa pakikinig, makupad sa pananalita at makupad sa pagkagalit. Ang nakalulungkot ay kadalasan, baligtad ang ating natural na reaksiyon. Tayo ay madaling magalit, madaling magsalita at madalas hindi nakikinig. Mas interesado tayo sa ating nararamdaman kaysa sa unawain ang tunay na isyu. Maraming Cristiano ang lumalakad sa emosyon. Mas interesadong iboses ang kaniyang iniisip kaysa sa makipag-ayos at hanapin ang kapayapaan. No wonder na tinawag na mapalad ang gumagawa ng kapayapaan - hindi lahat ng Cristiano ay kapable nito.  Sa v20 sinabi ang dahilan: "Sapagka't ang galit ng tao ay hindi gumagawa ng katuwiran ng Dios." Wala pa akong kilalang magagalitin na gumagawa ng katuwiran ng Diyos. Oo may dibinong galit laban sa kasalanan ngunit ang tinutukoy ni Santiago ay galit ng tao. Galit na nagmumula sa taong ay...

  Mateo 7:26 At ang bawa't dumirinig ng aking mga salitang ito at hindi ginaganap, ay matutulad sa isang taong mangmang, na itinayo ang kaniyang bahay sa buhanginan:27 At lumagpak ang ulan, at bumaha, at humihip ang mga hangin, at hinampas ang bahay na yaon; at nabagsak: at kakilakilabot ang kaniyang pagkabagsak. Ang tao ay naligtas sa pamamagitan ng pananampalataya lamang kay Cristo lamang, Ef 2:8-9; Gawa 16:31; Juan 3:16. Hindi niya kailangang pagtrabahuhan ang libreng ibinigay ng Diyos sa sinumang mananampalataya. Pagkatapos niyang maligtas, siya ay mabubuhay sa pamamagitan ng pananampalataya. Ang nakalulungkot na bagay ay marami ang naligtas sa pamamagitan ng pananampalataya ngunit sinisikap na mabuhay sa pamamagitan ng legalismo. Ang mas malungkot ay may ginagamit ang eternal na seguridad bilang lisensiya sa kasalanan at namumuhay ng buhay na walang pagkakaiba sa hindi mananampalataya. Mababaw kung mayroon man ang kaniyang buhay bilang mananampalataya.  Ang mababaw na pan...

  Santiago 1:19 Nalalaman ninyo ito, minamahal kong mga kapatid. Nguni't magmaliksi ang bawa't tao sa pakikinig, magmakupad sa pananalita, magmakupad sa pagkagalit. "Nalalaman ninyo ito, minamahal kong mga kapatid." Ano ang nalalaman ng mga Cristiano? Ang katotohanang ang pakikinig sa tukso ng masamang pita ay nagreresulta sa kasalanan at ito ay namumunga ng kamatayan. Ang katotohanang ang kalooban ng Diyos ay nagbubunga ng mga Cristiano nang sila ay makinig at sumampalataya sa Salita ng katotohanan. Sa bawat hakbang, sila ay laging nahaharap sa desisyon - makikinig sa tukso ng pita ng laman o pasasakop sa kalooban ng Diyos.  Considering na ang mga Cristiano ay ipinanganak nang dahil sa kalooban ng Diyos, hindi ba dapat lang na kumilos sila sa kaloobang ito?  "Nguni't magmaliksi ang bawa't tao sa pakikinig." Sa liwanag ng kaalamang ito, ano ang dapat gawin ng isang Cristianong nahaharap sa pagsubok? Una siya ay dapat maging maliksi sa pakikinig. Ang ...

  Galatia 1:10 Sapagka't ako baga'y nanghihikayat ngayon sa mga tao o sa Dios? o ako baga'y nagsisikap na magbigay-lugod sa mga tao? kung ako'y magbibigay-lugod pa sa mga tao, ay hindi ako magiging alipin ni Cristo. Efeso 6:6 Hindi ang paglilingkod sa paningin, na gaya ng pagbibigay lugod sa mga tao; kundi bagkus gaya ng mga alipin ni Cristo, na ginagawa mula sa puso ang kalooban ng Dios. Colosas 3:22 Mga alipin, magsitalima kayo sa lahat ng mga bagay sa mga yaong ayon sa laman ay inyong mga panginoon: hindi ang paglilingkod sa paningin, na gaya ng pagbibigay lugod sa mga tao, kundi sa katapatan ng puso, na mangatakot sa Panginoon. Juan 7:13 Gayon man ay walang taong nagsasalita ng hayag tungkol sa kaniya dahil sa takot sa mga Judio. Juan 19:38 At pagkatapos ng mga bagay na ito si Jose na taga Arimatea, palibhasa'y alagad ni Jesus, bagama't lihim dahil sa katakutan sa mga Judio... Given ang maraming sitas sa Kasulatan kung saan ang isang tao ay kailangang mamili...

  Santiago 1:18 Sa kaniyang sariling kalooban ay kaniya tayong ipinanganak sa pamamagitan ng salita ng katotohanan, upang tayo'y maging isang uri ng mga pangunahing bunga ng kaniyang mga nilalang. Sa v13-16, nakita natin ang talambuhay ng kasalanan. Nagmula sa pita, naging kasalanan at ang bunga ay kamatayan. Sa v17 nakita natin ang kagandahang-loob ng Diyos bilang insentibo upang takasan ang kasalanan. Lahat ng mabuting bagay ay mula sa Diyos at sino ang nanaising ipagpalit ang kagandahang ito sa lumilipas na kasiyahan ng sanlibutan?  Dito sa v18 makikita naman natin ang talambuhay ng kalooban ng Diyos. Bakit mas bentahe sa Cristiano ang piliin ang kalooban ng Diyos kaysa sa kasalanan?  "Sa Kaniyang sariling kalooban." Sa kalooban ng Diyos, at hindi ng tao (Juan 1:12-13) tayo ay ipinanganak Niya. Sa bawat hakbang ng ating buhay, tayo ay nahaharap sa opsiyon- pita ng laman na ang bunga ay kasalanan o ang kalooban ng Diyos. "Ay kaniya tayong ipinanganak sa pamamagitan...

  Mateo 7:24 Kaya't ang bawa't dumirinig ng aking mga salitang ito at ginaganap, ay matutulad sa isang taong matalino, na itinayo ang kaniyang bahay sa ibabaw ng bato: 25 At lumagpak ang ulan, at bumaha, at humihip ang mga hangin, at hinampas ang bahay na yaon; at hindi nabagsak: sapagka't natatayo sa ibabaw ng bato. Santiago 1:22 Datapuwa't maging tagatupad kayo ng salita, at huwag tagapakinig lamang, na inyong dinadaya ang inyong sarili. Ang buhay ay puno ng pagsubok — bagyo, paghihirap, pagkalito, at tukso. Malinaw na sinabi ni Jesus na ang taong matatag ay ang nakikinig sa Kanyang mga salita at isinasapamuhay ito. Ang blog na ito ay tungkol sa kung paano ang masigasig na pag-aaral ng Salita ng Diyos ang nagsisilbing matibay na pundasyon upang hindi tayo bumagsak kapag dumaan sa unos ng buhay. Ang Salita ng Diyos ay hindi lamang kaalaman; ito ay pundasyon. Para sa maraming Cristiano, ang Salita ay mga impormasyong pinag-aaralan kapag Linggo ngunit walang tunay na apl...

  Santiago 1:17 Ang bawa't mabuting kaloob at ang bawa't sakdal na kaloob ay pawang buhat sa itaas, na bumababa mula sa Ama ng mga ilaw, na walang pagbabago, ni kahit anino man ng pagiiba. Ayon kay Santiago kailangan nating layuan ang mga tuksong dulot ng masamang pita ng laman. Magreresulta ang mga pitang ito sa kasalanan at ang bunga ay kamatayan. Hindi mo kailangang maging iskolar ng Biblia upang maunawaan ito.  Ang taong bumibigay sa layaw ng kaniyang laman at umaasa ng kasaganaan ng buhay ay nililinlang ang kaniyang sarili (San 1:16). Ngunit paano natin matatanggihan ang mapanghikayat na alok ng kasalanan?  Ang pinakamahusay na paraan upang maiwasan ito ay ang ikumpara ang alok nito sa alok ng Diyos.  Sa merkado, maraming paninda. Ang mga tindera ay nagkukumpitensiya sa atensiyon ng bawat mamimili sa pamamagitan ng pagpapakita ng superioridad ng kaniyang paninda sa iba.  Ganuon din naman, kung tayo ay uupo sa gilid at ikukumpara ang kabutihan ng Diyos sa ka...

  Let's be honest, nasanay tayong chill-chill during school vacation. Ang mga nanay at estudyante ay pwedeng tanghaliing magising at ang mga teacher na kagaya ko ay walang inisiip na lesson log. Kaya ang unang linggo ng pasukan is always a stressful event.  Hindi tayo ready.  Kahit alam na nating magpapasukan na, after all nag-Brigada na, hindi tayo magiging ready.  If we are honest.  Dahil dito, tayo ay stressed. The danger of stress is well known. Naaapektuhan nito ang mental health and psychomatic diseases are real. Ang tanong ay paano natin mababawasan ang stress na ito? Ang iba sa atin ay may safe places kung saan tayo ay nagre-retreat. Mayroon tayong mga hobbies. Mayroon tayong support group.  May I make a suggestion?  How about we find rest in God, Phil 4:6-7? Let us unplug from the world and immerse ourselves into the Word of God. Ang Bible ay maraming promises (someone counted 8000 promises although not all is directed to Christians) and if we...

  Ang Diyos ang awtor ng pamilya. Nang likhain Niya ang tao, nilikha Niya ito sa paraang nagbibigay-halaga sa pamilya. Binigyan Niya ng asawa si Adan at binigyan ng kapangyarihang humayo at magpakarami. Ganuon din nang lumikha Siya ng espirituwal na pamilya (ang Simbahan), nilikha Niya ito sa paraang bawat mananampalataya ay awtomatikong bahagi ng Simbahang ito, miyembro man sila o hindi ng isang lokal na simbahan.  Ito ay patunay na mahalaga ang pamilya sa Diyos.  Ngunit gaya nang naranasan ninyo, anumang asosasyon ng mga taong makasalanan ay laging lumilikha ng problema. Mayroong hindi pagkakasundo, mayroong sigalot at minsan ay hayagang pag-aaway. Ang nakalulungkot ay karamihan sa mga ito ay maiiwasan kung bukas ang linya ng komunikasyon at mayroong kooperasyon sa miyembro ng pamilya, sa laman man o sa espirituwal. Sa sandaling ang linya ng komunikasyon ay mawala o kaya ang maghari ay pagkakaniya-kaniya sa halip na kooperasyon, ang pamilyang iyan ay nasa bingit ng kama...

  Santiago 1:16 Huwag kayong padaya, mga minamahal kong kapatid. Sa v2-12 sinabi ni Santiagong dapat nating yakapin ang PEIRASMOS ng Diyos nang may kagalakan sapagkat ito ay lumilikha ng pagtitiis at kasakdalan ng karakter, nagbibigay ng panloob na pagpapala at sa Bema ay putong ng buhay.  Ngunit sa v13-16 binabanggit ni Santiago ang PEIRASMOS na hindi galing sa Diyos at hindi dapat tanggapin nang may kagalakan. Ito ay galing sa masamang pita ng tao at dapat na takasan. Ito ay nagreresulta sa kasalanan at ang bunga ay kamatayan.  Hindi mahirap na makita ang katotohanang ito sa pang-araw-araw na pamumuhay. Kung nagnasa ka sa iyong kapitbahay na may asawa at iyong sinipingan, at ito ay nadiskubre ng mister, ang bunga nito ay kamatayan. Kung ikaw ay nagnasa sa kayamanan ng iyong kapitbahay at inakyat mo upang nakawan at ikaw ay nasukol ng pulis... Kung nagmadali kang yumaman at nagtinda ng droga... Sa mga halimbawang ito, makikita natin ang kamatayan bilang bunga ng pagsunod...

  Santiago 1:15 Kung magkagayo'y ang kahalayan, kung maipaglihi ay nanganganak ng kasalanan: at ang kasalanan, pagka malaki na ay namumunga ng kamatayan. Sa Santiago 1:13-16, nagbabala si Santiago laban sa tuksong hindi dapat tanggapin nang may kagalakan. Sa halip dapat itong takbuhan.  Itinatangi ni Santiagong ang nga tuksong ito ay galing sa Diyos. Ito ay galing sa masamang pita ng laman.  Sa halip na sisihin ang Diyos sa mga negatibong konsekwensiya ng ating mga desisyon, kailangan nating alamin ang katotohanang tayo ang naglagay ng ating mga sarili sa kalagayang iyan. Ito lamang ang tanging paraan upang malaman ang solusyon at matakasan ang problemang ito.  "Kung magkagayo'y ang kahalayan." Ang lahat ay nagsisimula sa kahalayan. Ang kahalayan ay hindi lamang tumutukoy sa sexual lusts, kasama rin dito ang iba pang mga lusts na umaagaw ng ating debosyon sa Diyos - kabilang na ang pag-ibig sa pera, droga, alak, aprubasyon ng tao at kapangyarihan. Ang kahalayan, o pi...

  Zacarias 13:6 At sasabihin ng isa sa kaniya, Ano ang mga sugat na ito sa pagitan ng iyong mga bisig? Kung magkagayo'y siya'y sasagot, Iyan ang mga naging sugat ko sa bahay ng aking mga kaibigan. Sa Zacarias 13:6 tinatanggi ng mga huwad na propeta ang kanilang asosasyon sa idolatriya. Sa Kaharian, sa harap ng matuwid na Hari, walang nais na masabihang mananamba sa idolo. Sasabihin nilang ang mga sugat na kanilang natamo ay nakuha mula sa bahay ng kanilang mga kaibigan, sa halip na bahagi ng mga ritong pagano gaya ng ginawa ng mga propeta ni Baal, 1 Hari 18. Mayroong kaparehong sugat na natatamo ang Kasulatan. Pero hindi gaya ng mga huwad na propetang ito na excuses lang ang sugat, ang Kasulatan ay aktuwal na sinusugatan ng kaniyang mga kaibigan.  Sino ang mga kaibigang sumusugat? Ang ating mga teologong binabasa ang Kasulatan sa liwanag ng kanilang mga teolohiya.  Sa halip na basahin ang Kasulatan ayon sa kaniyang sariling diwa, binabago nila ang Kasulatan upang umayon s...

  Nakita ko ito sa Facebook and I agree. Hindi mo madadala ang Cristianismo sa Lingguhang gawain lamang.  Nakalulungkot na para sa maraming mananampalataya, inisiip nilang kapag nakasimba na sila kada Linggo, natiis ang dalawang oras ng nakababagot ng sermon at nakapag-abuloy na, nagawa na nila ang kanilang Cristianong obligasyon.  It doesn't work that way.  Hindi mo kailangang maging iskolar ng Biblia upang ma-realize ang katotohanan nito.  Ang mga bagay na ating napakikinggan at natututunan kada Linggo ay kailangang makasusumpong ng praktikal na aplikasyon sa ating pang-araw-araw na pamumuhay. Kung nag-aaral lang tayo ng Science isang oras sa isang Linggo, sigurado akong hindi ka papasa sa LET for Science majors. Ganuon din naman, kung ang Cristiano ay hindi regular na mag-aaral ng Salita ng Diyos ngunit aasa lamang sa once a week na Bible studies (assuming na nakinig at hindi nakitsismisan lamang sa katabi), hindi rin tayo lalago sa espirituwal na buhay....

  Santiago 1:14 Kundi ang bawa't tao ay natutukso, pagka nahihila ng sariling masamang pita at nahihikayat. Sa v13, binanggit ni Santiagong may mga tuksong (negatibo't limitadong gamit ng PEIRASMOS) dapat takasan. Hindi katulad ng PEIRASMOS ng 2-12 na dapat yakapin nang may kagalakan, ito ay hindi mula sa Diyos (v13). That makes sense ngunit in practice, maraming sinisisi ang Diyos sa mga negatibong konsekwensiya ng maling desisyon. Nakarinig ako ng Cristianong nagsasabing sinusubok siya ng Diyos at kaya siya dumaraan sa ekonomikong paghihirap. Nakalimutan niyang banggiting kung hindi siya sumiping sa hindi niya asawa, marahil hindi siya nagpapalaki ng mga anak nang walang asawa.  Nakarinig ako ng Cristianong nagtatanong sa Diyos kung bakit hindi maayos ang kaniyang pamilya. Nakalimutan niyang mainitin ang kaniyang ulo at lumayo ang loob ng kaniyang mga anak dahil sa kaniyang kahigpitan. Ayon kay Santiago, ang galit ng tao ay hindi gumagawa ng katuwiran ng Diyos. Kung hindi mu...

  Pasukan na naman. Nangangahulugan itong papasok nang maaga at uuwi nang gabi. Nangangahulugan itong yung mga araw ba dati ay nagagamit sa ministri ay gagamitin sa pagtatrabaho. Unless of course ang trabaho ay tinuturing mong ministry which in many ways it is, Col 3:23-24. Sa parte ng mga magulang, dagdag gastos, mas maagang paggising upang masigurong makapapasok ang mga bata nang tama sa oras, at karagdagang puyat dahil kahit gabi ay gumagawa ng mga assignments ng mga bata.  Sa parte ng mga estudyante, mas maagang paggising, walang pa-ML-ML, at dagdag na mga trabaho.  Sa parte ng mga guro, dagdag na paper works at mas malalim na pakikipagkapwa tao.  Sa mga kagaya kong bivocational ministers/Bible teachers, nangangahulugan ito ng hating atensiyon sa gawain ng Panginoon at sa gawain ng sanlibutan, how ever noble. Nangangahulugan ito ng karagdagang stamina upang magampanan ang lahat ng obligasyon sa eskwelahan nang hindi napababayaan ang obligasyon sa simbahan.  ...

  Santiago 1:13 Huwag sabihin ng sinoman pagka siya'y tinutukso, Ako'y tinutukso ng Dios; sapagka't ang Dios ay hindi matutukso sa masamang bagay, at hindi rin naman siya nanunukso sa kanino man: Sa v1-12 sinulatan ni Santiago ang mga mananampalatayang Judio na nasa Diaspora tungkol sa pagyakap sa mga pagsubok ng buhay na may kagalakan. Magreresulta ang mga ito sa pagtitiis, kasakdalan, panloob na pagpapala at putong ng buhay sa Bema.  Sa v13 nagsimula si Santiagong magturo patungkol sa mga tukso. Ginamit niya ang parehong salitang ginamit niya sa unahan, PEIRASMOS, pero sa negatibong pakahulugan, isang uri ng tuksong hindi dapat yakapin nang may kagalakan ngunit dapat takasan.  May mga pagkakataong ang Cristiano ay nahaharap sa mga negatibong pangyayari bilang resulta ng maling mga desisyon. Naglasing ka kaya nakadisgrasya ka. Nagpadala ka sa emosyon kaya nabuntis ka nang walang asawa. Minsan iniisip nating ito ay mula sa Diyos. Na pinadala ito ng Diyos upang subukin tay...

  Santiago 1:12 Mapalad ang taong nagtitiis ng tukso; sapagka't pagkasubok sa kaniya, siya'y tatanggap ng putong ng buhay, na ipinangako ng Panginoon sa mga nagsisiibig sa kaniya. Ang epistula ni Santiago ay sinulat sa mga mananampalatayang Judio upang turuan sila kung paano mamuhay nang may kagalakan sa harap ng mga pagsubok.  Sa v9-11, nagbigay siya ng mga espisipikong habilin sa mga Cristiano. Sa mahirap na Cristiano, inutusan niya silang magmapuri sa kanilang mataas na kalagayan kay Cristo. Mababa man ang tingin sa kanila ng sanlibutan, dapat nilang alalahaning sila ay nakipag-isa kay Cristo at kabahagi ng Kaniyang kabanalan, buhay na walang hanggan at pagiging tagapagmana ng Diyos. Mayroon siyang mahigit apatnapung benepisyo ng biyaya bilang bahagi ng salvation package at resulta ng pakikipag-isa kay Cristo. Ang mayamang Cristiano ay inaralang magmapuri dahil siya ay binaba. Nabigyan siya ng pagkakataong magtiwala sa Diyos sa gitna ng pagsubok sa buhay.  Sa v12, tata...

  Sa tradisyong Kristiyano, ang pagiging ama ay hindi lamang isang biyolohikal na tungkulin kundi isang banal na bokasyon na minarkahan ng espirituwal na pamumuno, sakripisyal na pag-ibig, at isang pamana ng pananampalataya. Ang Kristiyanong pagkaama ay may huwaran sa Diyos Ama at makikita sa lupa sa pamamagitan ng mga lalaking, sa pamamagitan ng biyaya, ay tinawag upang ipakita ang puso ng Ama sa Langit sa loob ng kanilang tahanan. Sa isang mundo kung saan ang kahulugan ng pagiging ama ay madalas na nababawasan o napapabayaan, ang pananaw ng Kristiyanismo ay nagbibigay ng malinaw at makapangyarihang salungat na patotoo: ang ama ay una sa lahat isang tagapagsilbi, guro ng kabutihang-asal, at salamin ng walang hanggang presensya ng Diyos. Ang Larawan ng Diyos bilang Ama Sa puso ng Kristiyanong pagkaama ay ang larawan ng Diyos bilang Ama. Sa Banal na Kasulatan, ang Diyos ay hindi lamang Maylikha at Panginoon kundi "Abba"—isang tawag ng matinding paglalambing na ginamit mismo ni...