Nieto Bible Page

  Lord maraming nangyari ngayong 2024. May masaya, may malungkot, may problema ngunit mayroon ding celebrations. Sa lahat ng mga ito, Lord iningatan mo ako, iningatan mo ang aking pamilya at mga mahal sa akin, iningatan mo ang aming simbahan at iningatan mo ang aming bansa. Lord, salamat sa iyong biyaya na patuloy mong binibigay sa iyong mga anak. Salamat sa kaloob ng buhay na walang hanggan na pinangako mo sa lahat ng nanampalataya kay Cristo, hiwalay sa gawa, relihiyon o moralidad, kundi nakasalalay lamang sa pananampalataya kay Cristo. Salamat at ang kaligtasang ito ay permanente, secured sa iyong Persona at gawa, at hindi sa aming nagbabagong katapatan, katuwiran at katiyagaan. Salamat na minsang nanampalataya, ligtas kailan pa man. Salamat sa iyong probisyon ng Salita. Sa oras ng pangangailangan, ang iyong Salita ang aming lakas, ang moog na natatag sa aming kaluluwa. Ito ang pinaghuhuhutan namin ng lakas at sagot sa anumang ibato ng buhay.  Salamat sa simbahan. Salamat s...

  Do I have to confess Christ? Why? Kung ang purpose mo ay i-share si Cristo sa iba upang sila ay manampalataya rin, by all means, confess Him before the congregation, before others, any time all the time. Normal lang sa nakatanggap ng isang magandang bagay, at wala nang gaganda pa kaysa pagkakaroon ng buhay na walang hanggan sa pamamagitan ng pananampalataya kay Cristo, na ibahagi ang magandang bagay sa iba, lalo na sa mga pamilya at kaibigan.  Ngunit kung ang confession of Christ before the congregation ay ginawang kundisyon upang tamuhin ang buhay na walang hanggan, it is wrong. Ang nag-iisang kundisyon upang magkaroon ng buhay na walang hanggan ay manampalataya kay Cristo, Juan 3:16; 5:24; 6:47; Gawa 16:31; atbp. Ang sinumang nanampalataya kay Cristo ay may buhay na walang hanggan, whether you confess Him before men or not.  Ang karagdagang confession na ito ang minsan ay mitsa upang itakwil ng mga tao ang simpleng pananampalataya kay Cristo. May mga taong sadyang may...

  Ecclesiastes 7:20 Tunay na walang matuwid sa lupa, na gumagawa ng mabuti, at hindi nagkakasala. The way some portray themselves, aakalain mong mula nang sila ay manampalataya, hindi na sila nagkakasala. Sila lang ang matuwid at ang iba ay hindi. Maaaring hindi nila ito sinasabi, at hindi ito bahagi ng kanilang teolohiya, pero practically, ito ang kanilang pinapakita.  Ang Cristianong hindi nagsisimba o naglilingkod ay tinuturing na hindi tunay na mananampalataya. Ang tanging mahalaga sa kaniya ay i-display ang kaniyang sarlling katuwiran.  Ayon kay Solomon walang matuwid na hindu nagkakasala. Kung totoo ito at ito ay pinatutunayan ng ibang bahagi ng Kasulatan at ng ating karanasan, walang puwang ang self-righteousness at feeling wise sa espirituwal na buhay.  (Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo. Kung naka...

  Bakit?  What difference will it make if you walk the aisle for salvation? Ang kundisyon para maligtas ay manampalataya kay Jesus, Juan 3:16; 5:24; 6:47; 14:6; Gawa 16:31, atbp. Ang buhay na walang hanggan ay regalong binibigay sa mga sumasampalataya, hindi bayad sa gawang mabuti o sa kabaitan. Ang paglakad sa aisle ay walang maidadagdag sa iyong kaligtasan, bagama't maaaring makatulong ito sa pag-burn ng calories.  Ang taong nanampalataya kay Jesus ay may buhay na walang hanggan, maglakad man siya sa aisle o hindi. Ang pagdaragdag ng kundisyong ito ay maaari pang makasama dahil may mga taong likas na mahiyaing nag-aakalang kung hindi sila lalakad sa aisle ay hindi sila maliligtas kaya kahit hiyang hiya sila ay pinipilit na maglakad. Mayroon namang disganado sa karagdagang kundisyong ito at ayaw na magsimba dahil ayaw niyang piliting maglakad.  Ang kailangan upang magkaroon ng buhay na walang hanggan ay manampalataya lamang kay Cristo lamang. Huwag na nating pahirap...

Ecclesiastes 7:16 Huwag kang lubhang magpakamatuwid; ni huwag ka mang lubhang magpakapantas: bakit sisirain mo ang iyong sarili?17 Huwag kang magpakasamang lubha, ni magpakamangmang man: bakit ka mamamatay bago dumating ang iyong kapanahunan?18 Mabuti na ikaw ay manghawak dito; oo, doon man ay huwag mong iurong ang iyong kamay: sapagka't siyang natatakot sa Dios ay lalayo sa lahat na yaon. Marahil magtataka kayo kung bakit binabalaan ni Solomon amg kaniyang tagapakinig na huwag lubhang magpakamatuwid o magpakapantas. Hindi ba mas tama ang lalong magpakalalim sa katuwiran at sa karunungan? At bakit imumungkahi niyang ghwag magpakasamang lubha o magpakamangmang man? Ibig bang sabihin okay lang ang kaunting kasamaan at kaunting kamangmangan? Maraming interpretasyon ng pasaheng ito pero hayaan ninyong magmungkahi ako ng isang linya ng interpretasyon. Nang sinabi ni Solomon na huwag lubhang magpakamatuwid at huwag magpakapantas, nilalarawan niya ang mga relihiyosong sobrang linis ang ka...

  Mateo 6:7 At sa pananalangin ninyo ay huwag ninyong gamitin ang walang kabuluhang paulitulit, na gaya ng ginagawa ng mga Gentil: sapagka't iniisip nilang dahil sa kanilang maraming kasasalita ay didinggin sila. Kung ang kaligtasan ay nakabase sa haba at dami ng panalangin, ang mga Fariseo ang mauunang pumasok sa Langit. Ngunit gaya ng pinakikita ng Mateo 6, ang mahaba at paulit-ulit na panalangin ay hindi laging katanggap-tanggap sa Diyos kahit sa simpleng isyu ng fellowship. Lalong lalo na sa salvation.  Ang gabi-gabing panalangin ay maganda, ang oras-oras ay mas maganda at ang minu-minutong panalangin ay pinakamaganda kung gusto ninyong mapalalim ang relasyon sa Diyos. Ngunit kung ang pinag-uusapan ay kaligtasan, walang kapakinabangan ang panalangin nang paulit-ulit.  Ano ang nag-iisang kundisyon ng upang magkaroon ng buhay na walang hanggan? Ang manampalataya kay Jesus, Juan 3:16; 5:24; 6:47; Gawa 16:31. Sa sandaling maunawaan mo na ang kaligtasan ay na kay Cristo at...

1 Samuel 30:22 Nang magkagayo'y sumagot ang lahat ng masamang tao, at mga tao na hamak, sa mga yumaong kasama ni David, at nagsabi, Sapagka't hindi sila yumaong kasama namin, hindi namin bibigyan sila ng samsam na aming nabawi, liban sa bawa't lalake ay ang kaniyang asawa at ang kaniyang mga anak, upang kanilang dalhin, at yumaon. Marahil may nagtatanong, bakit wala ka nang naghahanda para sa Youth Fellowship at Thanksgiving? Maikling sagot: nasa bahay, naglalaba.  Bakit inuna mo pa iyan? Kasi kung hindi ko ito gagawin, mahahadlangan ang aking asawa at mga anak na pumunta sa simbahan.  You see, vice-president ng youth organization ang aking panganay at ang mommy nila ang kaniyang driver at manager. Si bunso ay kasama dahil tulong-tulong sila sa pagde-decorate at kung ano pang kailangang gawin.  Ibig sabihin ako ang maiiwan sa bahay upang saluhin ang mga trabahong bahay na sila dapat ang gagawa- ako ang magbabanlaw, magsasampay, magpapasok kapag umulan, maghuhugas, magpapa...

  Nakakapagod mabuhay. Ang sarap matulog nang napakahaba. O magpakalayo-layo sa walang nakakakilala sa iyo.  Sana may luxury tayo nang ganito, ano? Pero ang totoo, gaano ka man kapagod, babangon at babangon ka pa rin. Dahil may naghihintay at nangangailangan sa iyo.  Sana lahat ng pagod ay kaya lang alisin ng pahinga. Ilang oras na tulog, okay na. Ayos na. Iinom mo ng malamig na coke, recover na.  May mga pagod na nangangailangan nang mas mahabang pahinga. Yung tipong magbabakasyon ka sa malayo. Magtatampisaw sa tubig at kakain sa ilalim ng buwan.  Gaano man katagal ang kailangan, ang ganitong pagod ay nadadaan sa pahinga. Once makahinga ang adrenal glands, okay na ulit.  Ngunit may pagod na hindi madadaan sa pahinga. Kahit gaano kahabang tulog o gaano ka-engrandeng bakasyon, hindi maaalis ang pagod na ito. Ito ay pagod hindi ng katawan kundi ng kaluluwa. Ito ang pagod na tinutukoy ni Cristo: Mateo 11:28 Magsiparito sa akin, kayong lahat na nangapapagal at ...

Ecclesiastes 7:10 Huwag mong sabihin, Ano ang kadahilanan na ang mga unang araw ay maigi kay sa mga ito? sapagka't hindi ka naguusisang may katalinuhan tungkol dito. Mayroon tayong tendency na i-glorify ang nakalipas. Ang tawag natin dito ay Golden Age Syndrome. Usually nangyayari ito kapag tayo ay nahaharap sa isang sitwasyong hindi tayo makapag-adjust. Hinahanap natin ang mga panahong mas magaan ang buhay. Sa proseso, we glossed over sa mga hindi magagandang bagay na nangyari noon.  Dahil by definition, karamihan sa mga may Golden Age Syndrome ay escapist sa present reality, selective ang kanilang memory. Kapag sinabi nilang "noon", tinutukoy nila yung mga magagandang parte ng nakaraan at ini-ignore ang mga pangit na bahagi.  Sasabihin ng isa, Masama na ang panahon, maraming krimen. Buti pa noon." Mapapatanong ka, aling noon kaya ang tinutukoy nila? Yung panahong kailangan mong magtago dahil panahon ng digmaan? Noong panahong maaari kang makulong nang walang habeas...

  May pagkakataon sa kasaysayan ng Cristianismo na inisip ng mga taong mabibili nila ang kaligtasan. Hindi nila ito sinasabi sa ganitong diretsong paraan ngunit ang ideya ay pareho, kung magbibigay ka ng pera sa simbahan, aakyat ka sa Langit, o at least makatutulong ito.  Ito ay salungat sa tinuturo ng Biblia. Ayon kay Pedro hindi ginto at pilak ang pinantubos sa mga Cristiano mula sa kanilang walang kabuluhang buhay kundi ang dugo ni Cristo. Nang subukan ni Simon Magong bilhin ang karapatang magpatong ng kamay at magbahagi ng Espiritu, tahasan siyang sinabihan ni Pedrong mapapahamak siya kasama ng kaniyang salapi. Ayon sa Mang-aawit walang sinumang makabibili ng kaluluwa ng kaniyang kapatid mula sa kamatayan.  Sa halip ang tinuturo ng Biblia ay ang kaligtasan ay biyaya ng Diyos na tinanggap sa pamamagitan ng pananampalataya lamang kay Cristo lamang. Namatay si Cristo sa krus upang bayaran ang penalidad ng mga kasalanan. Walang perang makagagawa niyan. Walang tao na makap...

  Short answer: not good.  Iisipin ng mga ka-church mates mo na out of fellowship ka. Na impluwensiyado ka ng sanlibutan. Kahit pa ang iyong reasons ay resulta ng thoughtfully meditating on the issues.  Iisipin nilang laban ka sa leadership kahit na ang seed na nagbunga sa pagtakwil sa tradition ay tumubo na years before umupo siya sa pwesto.  Iisipin nilang gusto mong sakupin ang grupo by subverting the authority of the leader, kahit pa hindi mo in-impose sa iba ang iyong paniniwala kahit may chances kang gawin iyon.  Dahil naniniwala ka sa independent thinking at hindi sa blind obedience to tradition.  Dahil pinili mong huwag ipagpatuloy ang culture of violence laban sa sinumang hindi ninyo ka-"tradisyon." Sa halip na awtomatikong i-deny ang anumang innovations bilang ungodly, hinayaan mo ang mga itong mag-stand on their own, evaluate them on their own, at hindi tumitingin sa kung saang grupo nanggagaling. Dahil nag-decide kang huwag sumali sa group think...

  Tanong: Kung araw-araw akong magbabasa ng Biblia, aakyat ba ako sa Langit?  Sa Juan 5, kausap ni Jesucristo ang mga taong mahilig magbasa ng Biblia (o at least ng Lumang Tipan dahil wala pang NT books na nasusulat noon).  Juan 5:39 Saliksikin ninyo ang mga kasulatan, sapagka't iniisip ninyo na sa mga yaon ay mayroon kayong buhay na walang hanggan; at ang mga ito'y siyang nangagpapatotoo tungkol sa akin.40 At ayaw kayong magsilapit sa akin, upang kayo'y magkaroon ng buhay. Dito kinilala ni Jesus na mambabasa (higit pa diyan sila ay nananaliksik) ng mga Kasulatan ang Kaniyang mga kausap. Ngunit makikita rin natin dito na hindi sapat ang pagbabasa ng Biblia dahil kahit anong basa nila ng Lumang Tipan sa paniniwalang nasa mga ito ang buhay na walang hanggan, nang dumating ang Taong sinulat at pinatototohanan ni Moises, hindi nila magawang manampalataya. Ang kailangan nilang gawin ay lumapit kay Cristo sa pananampalataya. Mahigit siyamnapung beses kinundisyon ang buhay na wa...

  Marahil nagtataka kayo kung bakit kailangan kong sumulat ng justification para mag-celebrate ng Pasko. Sa isang bansang may napakahabang Pasko, it is a given na mag-celebrate. So bakit kailangan kong ipaliwanag kung bakit. Hayaan ninyong magpaliwanag ako.  THE BACKGROUND  Nanampalataya ako sa Panginoong Jesucristo sa isang Bible Church na hindi nagse-celebrate. Not knowing anything else, naturally, tumigil din ako mag-celebrate. Habang ang iba ay nagse-celebrate including my family, ako hindi; ni hindi nga ako dumadalo sa Christmas Party. For the first decade of my Christian life, itinuring ko ang Pasko bilang unbiblical and pagan celebrations. Lalong napagtibay ito nang hiramin ko sa Pastor ang aklat ni Ralph Woodrow na Mystery Babylon Religion. Sa laki ng impluwensiya nito sa akin, naghanap ako ng personal na kopya nito.  MAY NAPANSIN AKO Naively, I thought lahat ng Bible Christians ganuon din. Nang yumakap sa ultradispensationalism ang aming pastor, kumalas ako ...

  Dahil sa ang kundisyon upang magkaroon ng buhay na walang ay pananampalataya kay Cristo (Juan 3:16; Gawa 16:31), strictly speaking, hindi mo kailangang magpalit ng relihiyon upang pumunta sa Langit. Nasaang relihiyon ka man kaanib, maaari kang manampalataya kay Cristo para sa buhay na walang hanggan. I mean magagawa mo yun habang binabasa ang blog na ito. Ang pangako ay malinaw, ang sinumang sumampalataya ay hindi mapapahamak kundi magkakaroon ng buhay na walang hanggan, hindi lumipat ng relihiyon.  Samakatuwid hindi mo kailangang kumalas sa iyong relihiyon at umanib sa aming simbahan. Ang kailangan mo lamang ay sumampalatayang ang buhay na walang hanggan ay isang regalong binibigay sa sumampalataya sa Kaniya; hindi mo ito makukuha sa pamamagitan ng mabubuting gawa, pag-anib sa relihiyon o pananampalataya at gawa (Tito 3:5; Ef 2:8-9; Rm 11:16; Gal 2:21).  Gayon pa man, may mga relihiyong pinahihirap ang pananampalataya. Dahil sa kinundisyon nila ang mga taong kailangan ...

  Isa sa mga tanong na tumatakbo sa isipan ng isang tao ay, "Makapupunta ba ako sa Langit kung ako ay laging magsisimba?" Marahil pumasok na rin iyan sa iyong isipan.  Ang diretsong sagot ay hindi. Hindi makatutulong ang pagsisimba upang makapunta sa Langit. Kahit pa magsimba ka araw-araw, hindi ka makapupunta sa Langit. Ang dahilan? Ang kaligtasan ay hindi nakabase sa ating mga gawa at katapatan, kundi sa biyaya ng Diyos.  Nang si Jesus ay namuhay sa lupa, ang numero unong oposisyun sa kaniya ay nagsimula sa mga taong maituturing nating taong simbahan. Nanguna ang mga Fariseo, mga Saduceo at mga eskriba sa pagtakwil sa Panginoon. Kung ang pagsisimba o pagiging relihiyoso ay garantiya ng kaligtasan, sila sana ang unang yayakap sa Panginoon. Ngunit sa isang kabaligtaran ng kapalaran, ang mga patutot at makasalanan ang unang lumapit sa Panginoon. Namatay si Jesus sa krus sa isang dahilan- ang bayaran ang kasalanan ng lahat ng tao sa sanlibutan. Namatay Siya upang bayaran an...

Ecclesiastes 7:9 Huwag kang magagalitin sa iyong kalooban: sapagka't ang galit ay nagpapahinga sa sinapupunan ng mga mangmang. Ang telebisyon ay puno ng balita ng mga taong nagpadala sa galit- gitgitan sa kalsada na nauwi sa trahedya, away sa pagitan ng magkakaribal na politiko at kompetisyon sa pagitan ng mga negosyante. Paglabas mo ng pintuan, makakakita ka ng mga kapitbahay na nagmumurahan at mga magpapamilyang nagsisigawan. Ang mundo ay galit.  Si Solomon ay may turo tungkol sa isyung ito. Ayon sa kaniya huwag kang magagalitin sa iyong kalooban. Ang galit ay hindi gumagawa ng katuwiran. Ang taong magagalitin ay siguradong mahuhulog lagi sa kaguluhan.  Ayon kay Solomon ang galit ay nagpapahinga sa sinapupunan ng mga mangmang. Samakatuwid isang kamangmangan ang maging magagalitin. Ang laging galit kahit sa maliliit na isyu ay nagpapakita ng kawalan ng karunungan. Ang marunong na tao ay kinokontrol ang kaniyang sarili, pinag-iisipan niya ang mga konsekwensiya ng kaniyang kilo...

  Una sa lahat hindi tayo tutol sa pagdokumento ng mga karidad. May mga organisasyon na kailangan ang mga ito sa reports. May mga indibidwal na kailangan ito for accountability purposes, lalo kung ang mga inabuloy ay donations o solicitations. Nagbibigay ito ng legitimacy sa proyekto. Nalalaman ng mga donors kung napapasaan ang kanilang pera. Nakakahikayat ito sa mga potensiyal supporters. Ang kinokondena ay ang mga gawang umaagaw ng atensiyon sa kaniyang sarili. Mga proyektong kulang na lang siya na ang isupot at ipamigay sa mga tao.  Sa Mateo 6, kinondena ng Panginoon ang mga taong kagaya nito.  Sa v1-4, narito ang isang "giver." Sa paggawa niya ng mga korporal na gawa ng awa, sinisiguro niyang alam ng lahat na siya ang mabait at generosong tagapagbigay upang purihin siya ng mga tao. Hindi naman siya interesado sa kapakinabangan ng binibigyan; ang gusto niya ay atensiyon na binibigay nito sa kaniya.  Sa vs 5-15 ay ang "prayer warrior." Nais niyang ipangalandakan s...

Lukas 14:28 Sapagka't alin sa inyo, ang kung ibig magtayo ng isang moog, ay hindi muna uupo at tatayahin ang halagang magugugol kung mayroong maipagtatapos?29 Baka kung mailagay na niya ang patibayan, at hindi matapos, ang lahat ng mga makakita ay mangagpasimulang siya'y libakin,30 Na sabihin, Nagpasimula ang taong ito na magtayo, at hindi nakayang tapusin. Magkaiba ang pagiging mananampalataya at pagiging alagad. Ang sinumang sumampalataya kay Jesus ay may buhay na walang hanggan at pupunta sa langit. Ngunit upang maging alagad, kailangan ang pagsunod, katapatan at mga gawa.  Mahirap ang maging alagad dahil ito ay may kapalit, may kabayarang dapat bayaran. Ang pagiging Cristiano ay madali, ang sinumang sumampalataya kay Jesus ay may buhay na walang hanggan. Ngunit ang maging Cristianong alagad ay mahirap. Nangangailangan ito ng pagpaplano. Kailangan mong ikunsidera kung ano ang kaya mong mawala sa iyo.  Sa kapitulo 14, kinumpara ni Jesus ang pagiging alagad sa pagtatayo ng mo...