Pupunta ba ako sa Langit kung mag-aabuloy ako ng pera sa simbahan?

By

 


May pagkakataon sa kasaysayan ng Cristianismo na inisip ng mga taong mabibili nila ang kaligtasan. Hindi nila ito sinasabi sa ganitong diretsong paraan ngunit ang ideya ay pareho, kung magbibigay ka ng pera sa simbahan, aakyat ka sa Langit, o at least makatutulong ito. 

Ito ay salungat sa tinuturo ng Biblia. Ayon kay Pedro hindi ginto at pilak ang pinantubos sa mga Cristiano mula sa kanilang walang kabuluhang buhay kundi ang dugo ni Cristo. Nang subukan ni Simon Magong bilhin ang karapatang magpatong ng kamay at magbahagi ng Espiritu, tahasan siyang sinabihan ni Pedrong mapapahamak siya kasama ng kaniyang salapi. Ayon sa Mang-aawit walang sinumang makabibili ng kaluluwa ng kaniyang kapatid mula sa kamatayan. 

Sa halip ang tinuturo ng Biblia ay ang kaligtasan ay biyaya ng Diyos na tinanggap sa pamamagitan ng pananampalataya lamang kay Cristo lamang. Namatay si Cristo sa krus upang bayaran ang penalidad ng mga kasalanan. Walang perang makagagawa niyan. Walang tao na makapagsasabing siya ay pupunta sa impiyerno ng dahil sa kasalanan dahil si Cristo ang naging pampalubag-loob para rito. Ang tanging kailangang gawin ng tao upang matamo ang kapakinabangan ng kamatayang ito ay manampalataya kay Cristo. 

Hindi mabibili ng pera ang kapatawaran. Hindi mabibili ng pera ang katuwiran. Hindi mabibili ng pera ang kabanalan. Hindi mabibili ng pera ang buhay na walang hanggan. Hindi mabibili ng pera ang mga biyaya ng Diyos na binigay Niya ng libre upang tanggapin ng tao sa pamamagitan ng pananampalataya. Ginawa Niya ito upang maging pantay sa lahat- mayaman man o mahirap ay maaaring manampalataya at magkaroon ng buhay na walang hanggan. Ginawa Niya ito upang matanto nating wala tayong magagawa upang iligtas ang ating mga sarili kundi manampalataya lamang kay Cristo. 

Kung mababayaran natin ang ating kaligtasan, hindi na kailangang mamatay ni Cristo sa krus. 

Mahalaga ang pera sa mga bagay na maaaring paggamitan nito. Magagamit ito upang tulungan ang nangangailangan. Magagamit ito upang ipambili ng pagkain, damit, at nesesidad ng buhay. Hindi ito magagamit upang bilhin ang buhay na walang hanggan o kahit anong uri ng espirituwal na pagpapala. 

Ibigay mo man ang iyong lahat ng kayamanan sa simbahan kung hindi ka nanampalataya kay Cristo, hindi ka pa rin aakyat sa Langit. Ang tanging daan ay si Cristo (Juan 14:6), hindi ang abuloy. 


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.


Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)




Comments

Post a Comment

Popular posts from this blog

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

Bakit Kailangang Umawit ang Simbahan?

By
Image
  Tatlong mahahalagang bagay kung bakit kailangang umawit ang Simbahan. Una, ang pag-awit ay nakaluluwalhati sa Diyos.  Pahayag 5:9 At sila'y nangagaawitan ng isang bagong awit, na nagsasabi, Ikaw ang karapatdapat na kumuha ng aklat, at magbukas ng mga tatak nito: sapagka't ikaw ay pinatay, at binili mo sa Dios ng iyong dugo ang mga tao sa bawa't angkan, at wika, at bayan, at bansa. Sa pamamagitan ng pag-awit, hinahayag natin ang kadakilaan ng Diyos. Ito ang esensiya ng worship- hinahayag natin ang worth-ship mg Diyos.  Ikalawa, ang ating pag-awit ay paraan upang magturo sa kapatid. Efeso 5:19 Na kayo'y mangagusapan ng mga salmo at mga himno at mga awit na ukol sa espiritu, na nangagaawitan at nangagpupuri sa inyong mga puso sa Panginoon. Colosas 3:16 Manahanan nawang sagana sa inyo ang salita ni Cristo; ayon sa buong karunungan, kayo'y mangagturuan at mangagpaalalahanan sa isa't isa sa pamamagitan ng mga salmo at ng mga himno at mga awit na ukol sa espiritu, na...
Read more

Naghahanap ka ba ng kapahingahan?

By
Image
Naghahanap ka ba ng kapahingahan?  Pagod ka na sa buhay? Kahit saan ka pumunta pakiramdam mo kalaban mo ang lahat? Anumang hawakan ng iyong kamay ay napupunta sa abo at lahat ng iyong relasyon, nasisira? Hindi mo alam kung saan ka patutungo at hindi mo alam kung ano ang iyong gagawin?  Sinikap mong lumapit sa relihiyon ngunit lalo kang napagod dahil binigyan ka lang ng karagdagang trabaho na wala kahit sinong mkapasan, Gawa 15:10. Lumapit ka sa relihiyon ngunit walang ibang ginagawa ang ministro kundi bigyan ka ng mga gawaing sila mismo ay ayaw bumuhat o mga alituntuning sila mismo ay ayaw sumunod, Mateo 23:3-4. Pagod ka nang magpanggap na matuwid at banal, hindi mo alam ang gagawin, Mateo 23:5-7. May pag-asap pa ba? May kapahingahan pa ba? Ang sagot ay mayroon. Walang kapahingahan sa relihiyon pero may kapahingahan kay Cristo. Namatay si Cristo sa krus ng Kalbaryo sa isang layunin- ang bayaran ang iyong mga kasalanan upang ang mga kasalanang ito ay hindi maging hadlang sa rel...
Read more