HAPPY FATHER'S DAY! Ang Diyos Ama Ba Ay Kagaya ng Aking Ama?, Part 4

By

 


II. Ang Pagkaama ng Diyos

Puntahan natin ang ikalawang bahagi ng ating mensahe. Ano ba ang sinasabi ng Biblia tungkol sa pagkaama ng Diyos?

Ang Biblia ay nagpapahayag ng limang aspeto sa pagkaama ng Diyos. 

Una, Siya ang Unang Persona ng Trinidad. Naniniwala tayong may Tatlong Persona sa Iisang Diyos at ang Unang Persona ay ang Diyos Ama. Ang Tatlong Persona ng Diyos ay pantay-pantay sa ontolohiya ngunit ang Ama ang Una sa ekonomiko. 

Ikalawa, hinahayag ng Biblia ang Diyos bilang Ama ng Panginoong Jesucristo, Roma 1:3. Nang pinili ng Diyos ang metaporang gagamitin sa paghahayag ng Kaniyang unique na relasyon kay Cristo, pinili Niya ang metapora ng pagiging Ama. Hindi nangangahulugang may asawang babae ang Diyos at si Cristo ang Anak. Bilang Diyos, si Cristo at ang Ama ay parehong walang pinagmulan at walang patutunguhan, isang katangiang tinatawag na eternidad. Ang eternal na pagkaama ng Diyos at eternal na pagkaanak ni Cristo ay larawan ng Kanilang maintimasyang relasyon. Ang sinumang walang maayos na relasyon sa kaniyang ama o anak ay hindi mauunawaan ito. May dahilan kung bakit ang pinakamalapit na lalaking role model ay tinatawag nating ama kahit hindi natin siya tunay na ama sa dugo dahil ang nilalarawan natin ay hindi ang pinagmulan kundi ang maintimasyang relasyon sa taong iyan. Kinilala ng Diyos si Cristo bilang Anak, Mat 3:17 at kinilala ng Anak ang Diyos bilang Ama, Mat 11:27. 

Ikatlo, Ang Diyos ang Ama ng Israel, Jer 31:9. Siya ang nagpasimula ng Israel bilang katuparan ng pangako kay Abraham. Ang tanging pagkaamang kilala ng mga Judio ay nasyonal at korporal. Kaya nang tawagin ni Cristo ang Diyos na Ama sa indibidwal na diwa, tinuring nila itong kalapastanganan at handang batuhin si Cristo bilang capital punishment, Juan 5:18. 

Ikaapat, ang Diyos ay Ama ng Sansinukob at Sannilalang, kabilang na ang mga hindi mananampalataya. Oo, kahit ang nga hindi mananampalataya ay may karapatang tawagin ang Diyos bilang Ama ngunit sa diwa lamang ng Tagapaglalang. Siya ay Ama nila dahil Siya ang Tagapaglalang nila. Si Pablo ay sinipi nang may pagsang-ayon at karagdagang paglilinaw ang isang tula ng makata sa Atenas na nagsasabing tayo ay mga lahi Niya, Gawa 17:28-29. Ang kakatuwa dito ay sa orihinal na tula si Zeus ang tinutukoy na may lahi sa kanila. Hindi sinipi ni Pablo ang pangalan ni Zeus dahil iyan ay mali at sa halip ipinakilala niya ang Tunay na Diyos na Hindi Nila Nakikilala bilang tunay na Maylalang. Ngunit sinipi niya ang totoong sinabi ng makata na ang mga tao ay lalang ng Diyos, hindi nga lang ni Zeus. 

Ikalima, ang Diyos ay unique na Ama ng lahat ng mananampalataya. Unique dahil iba ito sa pagka-Ama ni Cristo sa Diyos (nananatili tayong tao) at sa pagka-ama ng mga hindi mananampalataya (wala silang espirituwal na relasyon sa Diyos). Ang lahat ng nanampalataya kay Jesus ay Anak ng Diyos, Juan 1:12; Gal 3:26; 4:7; Ef 2:19. Ang mga hindi mananampalataya ay mga espirituwal na anak ni Satanas, Gawa 13:10; anak ng impiyerno, Mat 23:15; at anak ng pagsalangsang at ng poot, Ef 2:2-3. Kung gusto mong maging anak ng Diyos, kailangan mong manampalataya sa Panginoong Jesucristo. 

Sa susunod na blog, tingnan natin kung ano ang mga ginawa ng Diyos para sa Kaniyang mga espirituwal na anak. 


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)




Comments

Post a Comment

Popular posts from this blog

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

THE ONLY TRUE RACIAL RECONCILIATION

By
Image
THE ONLY TRUE RACIAL RECONCILIATION Ephesians 2:14-16 [14]For He Himself is our peace, who made both groups into one and broke down the barrier of the dividing wall, [15]by abolishing in His flesh the enmity, which is the Law of commandments contained in ordinances, so that in Himself He might make the two into one new man, thus establishing peace, [16]and might reconcile them both in one body to God through the cross, by it having put to death the enmity. (Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)
Read more