HAPPY FATHER'S DAY! Ang Diyos Ama Ba Ay Kagaya ng Aking Ama?, Part 6

By

 


Narito ang ikatlong puntos ng mensahe (at panghuling blog) sa paksang Ang Diyos Ama ba ay gaya ng aking ama?

III. Paano tayo magiging ama sa ibang Cristianong nangangailangan ng ama sa pananampalataya?

Ang pariralang espirituwal na ama ay hindi makikita sa Biblia bagama't ang may mga sitas na nagpapakita ng espirituwal na pagkaana sa pagitan ng mga indibidwal at ng mga iglesia. Tinawag ni Pedro si Marcos na anak sa 1 Pedro 5:13. Tinawag ni Pablo si Timoteo na anak (1 Tim 1:2) at gayon din kay Onesimo (Filem 1:10). 

Tumayong ama rin ang mga apostol sa iba't ibang kongregasyon. Tinawag ni Apostol Juan ang simbahang kaniyang sinulatan na mga anak, 1 Juan 2:1, 12-13. Ikinumpara ni Pablo ang kaniyang relasyon sa mga taga-Corinto bilang kapareho ng ama sa anak, 2 Cor 12:14-15. Ang parehong sentimyento ay makikita sa 1 Cor 4:13-15. Tinuring nilang nga anak ang mga mananampalataya na dapat alagaan at palakihin sa pananampalataya. Ngunit kapansin-pansing kailan man ay hindi tinawag ng mga mananampalataya ang mga apostol bilang Father o Padre. 

Sa kasalukuyan, ang termino ay ginagamit bilang mentor o gabay sa mas nakababata sa pananampalataya. Sa ganitong paraan ang mga baguhang mananampalataya ay lalago sa pananampalataya at lalaking mga disipulong sumusunod sa utos ni Cristo, Mat 28:19. Ang mga nakatatandang babae ay dapat ding tumayong nanay ng mga mananampalatayang babae, Tito 2:4. 

Bilang espirituwal na ama ni Timoteo, tinuruan siya ni Pablo ng doktrina at binigyan siya ng praktikal na pagsasanay nang siya ay isama ni Pablo sa ministri (2 Tim 1:13; Gawa 16:1-3; 2 Cor 1:9). Ito ang kulang sa ministri ngayon na ang empasis ay nasa teorya at wala sa aplikasyon. Kalaunan, si Timoteo naman ang tatayong ama sa pagtuturo sa iba, 1 Tes 3:2; 1 Tim 4:11-16. 

Kung paanong ang Diyos ay Ama sa atin, sana ay tumayo tayong ama sa mga Cristianong nangangailangan nito. 


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)







Comments

Post a Comment

Popular posts from this blog

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

THE ONLY TRUE RACIAL RECONCILIATION

By
Image
THE ONLY TRUE RACIAL RECONCILIATION Ephesians 2:14-16 [14]For He Himself is our peace, who made both groups into one and broke down the barrier of the dividing wall, [15]by abolishing in His flesh the enmity, which is the Law of commandments contained in ordinances, so that in Himself He might make the two into one new man, thus establishing peace, [16]and might reconcile them both in one body to God through the cross, by it having put to death the enmity. (Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)
Read more