Dinggin Mo ang Turo ng Iyong Ama

By

 


Kawikaan 1:8 Anak ko, dinggin mo ang turo ng iyong ama, at huwag mong pabayaan ang kautusan ng iyong ina.


Isang malaking tungkulin at pribilehiyo ang binigay ng Diyos sa mga ama. Nakalulungkot na ang tungkulin at pribilehiyong ito ay napababayaan. Sa isang banda ang sanlibutan ay minamaliit ang institusyon ng pagiging ama. Kinakapon ng sanlibutang ito ang pagiging ama sa pamamagitan ng pagmamaliit sa kapangyarihan nito. Sa mga kwento at pelikula madalas na ilarawan ang mga ama bilang iresponsable at pabaya, at ang mga ina ang sumasalo ng kakulangan. Maaaring totoo ito sa ilang pamilya ngunit sa patuloy na pagkakarikatura ng institusyon ng ama, nino-normalize nito ang kawalang kapanyarihan at puwang ng mga ama sa tahanan. Hindi nakapagtatakang ni hindi na tumataas ang ating mga kilay kapag nakakakita tayo ng mga tahanang walang haligi. Sinanay na tayong ito ay normal at dapat tanggapin na walang pagmumuni.


Ang nakalulungkot ang emaskulasyon na ito ay naririnig na rin sa mga pulpito. Inuulit natin ang tinig ng sanlibutan sa pag-atake sa mga ama. Imbes na palakasin natin ang kanilang loob, pinupuna natin ang kanilang kakulangan. Sa pagkakataong ito, pinupuna sila sa kakulangan ng espirituwal na pamumuno. Ang masaklap ang pamumuna ay walang kaakibat na programa na pupuno sa pinupunang kawalan ng pamumuno. 


Nakapagtataka bang nalilito at napapagod ang mga ama? Saan sila lulugar? Sa tingin ko ang susi ay nasa pagpapalakas ng espirituwal na buhay ng mga ama at mangyayari ito kung papansinin ng iglesia ang kanilang pangangailangan. 


Hindi nauunawaan ng iba ang bigat ng responsabilidad na nakapatong sa balikat ng mga haligi ng tahanan. Sa isang banda, kailangan nilang maghanap-buhay upang tugunan ang pisikal na pangangailangan ng pamilya. Sa isang banda, sila rin ang mga lider espirituwal ng kanilang mga pamilya. Ang pagbabalanse ng materyal at espirituwal na pangangailangan ay hindi madali, lalo kung walang umaalalay sa kanila. Ang nakalulungkot mas inaalalayan ng sanlibutan ang mga pagod na ama kaysa ng iglesia. Isang tanong, bakit mas pinipili ng mga pagod na ama ang pumunta sa sanlibutan upang mag-relax kaysa pumunta sa simbahan? Maraming sagot, ngunit isa rito ay binibigay ng sanlibutan ang suportang hindi binibigay ng iglesia. May pagtanggap at pakikiramay sa sanlibutan, may paghatol at pamumuna sa simbahan. 


Sa sanlibutan, nakauupo sila sa palibot ng isang mesa, may bote ng alak (drink moderately) at pulutan at nakakapagkwento ng kanilang hinaing sa buhay. May makikinig, may magpapayo, may makikibahagi. Sa simbahan, ang tangi lamang naririnig ay pamumuna, panghuhusga at pagsarado ng tainga sa kanilang kalagayan. Sa sanlibutan may yayakap at aalalay, walang ganito sa simbahan. 


Kailangan nating palakasin ang mga haligi ng tahanan. Sapagkat kung hindi, babagsak ito at sa pagbagsak ng tahanan, kasamang babagsak ang iglesiang binubuo nito. Hindi ito madali pero panahon na upang ikansela ang negatibong impluwensiya ng sanlibutan sa mga ama. Kung hindi sila iginagalang ng sanlibutan, sa simbahan dapat silang pahalagahan.


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)



Comments

Post a Comment

Popular posts from this blog

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

THE ONLY TRUE RACIAL RECONCILIATION

By
Image
THE ONLY TRUE RACIAL RECONCILIATION Ephesians 2:14-16 [14]For He Himself is our peace, who made both groups into one and broke down the barrier of the dividing wall, [15]by abolishing in His flesh the enmity, which is the Law of commandments contained in ordinances, so that in Himself He might make the two into one new man, thus establishing peace, [16]and might reconcile them both in one body to God through the cross, by it having put to death the enmity. (Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)
Read more