HAPPY FATHER'S DAY! Ang Diyos Ama Ba Ay Kagaya ng Aking Ama?, Part 3

By

 


Ituloy natin kung ano ang mga kabanalang dapat imodelo ng isang ama sa kaniyang mga anak. 

8. Ang maka-Diyos na ama ay hindi naiimpluwensiyahan ng alak at bisyo. Sa halip na kontrolado ng bisyo gaya ng alak (o droga), ang maka-Diyos na ama ay kontrolado ng Espiritu Santo. Ginagaya ng mga anak kung ano ang kumokontrol sa kanilang mga ama at kung ang diyos nila ay alak at droga, iyan din ang didiyosin nila, Exo 20:4-5. 

9. Ang maka-Diyos na ama ay nagpapasakop sa awtoridad. Siya ay sumusunod sa mga namamahala sa gobyerno, sa simbahan at sa trabaho, 1 Ped 2:18; Roma 13:1-2; Heb 13:17. Hindi niya ginagaya ang orihinal na kasalanan ni Satanas na kapalaluan at pagtangging magpasakop sa pamahalaan ng Diyos. Sa ganitong halimbawa, natututo ang mga bata maging masunurin sa mga awtoridad sa paaralan, simbahan at lipunan. 

10. Ang maka-Diyos na ama ay may leadership. Siya ang nangunguna sa pagsasagawa ng kabanalan. Dahil dito ang kaniyang mga anak ay susunod at tutulad sa kaniyang mga yapak, Kaw 17:6. 

11. Ang maka-Diyos na ama ay sumusuporta sa pangangailangan ng kaniyang pamilya. Kahit ang mga hindi mananampalataya ay nauunawaan ito, 1 Tim 5:8. Ngunit hindi lamang s pisikal na suporta, kailangan din ang emosyonal at sosyal na suporta. 

12. Ang maka-Diyos na ama ay nagbibigay ng oras sa kaniyang pamilya, at ito ay hindi sayang na oras. Pinahahalagahan niya ang pamilya sa pagugugol ng oras kasama ng mga ito. Both quality at quantity time. Hindi mapapalitan ng pera o luho ang atensiyong ibinibigay ng ama sa kaniyang mga anak. Kung inuubos ng ama ang kaniyang bakanteng oras sa barkada o sa alak, tinuturuan niya ang mga batang mas mahalaga ang mga barkada at alak kaysa pamilya.

13. Ang maka-Diyos na ama ay maawain sa kaniyang mga anak. Gaya ng sinasabi ng Awit 103:13, puno ng awa ang ama. Isipin ninyo ang ama sa parabula ng alibughang anak. Sinong ama ang nagbibigay ng ahas sa anak na humihingi ng isda?

14. Ang maka-Diyos na ama ay hindi sumusuko sa kaniyang anak. Siya ang numero unong cheerleader at presidente ng kaniyang fans club. Siya ang numero unong promoter. At kung mabigo man o maligaw ng landas ang anak, gaya ng ama ng alibughang anak, siya ay laging nakatanaw upang maghintay at tumanggap. 

15. Ang maka-Diyos na ama ay nananalangin para sa kaniyang anak. Tingnan ninyo ang halimbawa ni David na nananalangin para kay Solomon, 1 Cron 29:19. Mga ama, balutin ninyo ang inyong mga anak ng inyong panalangin para protektahan sila laban sa sanlibutan, sa diablo at sa laman. 

Anuman ang ating nakaraan o kabiguan, hindi pa huli para maging mabuting ama. Matuto tayong magtiwala sa Panginoon at hindi sa ating sariling kakayahan, Kaw 3:5-6. Maaari tayong maging mga amang maipagmamalaki ng ating mga anak. 


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)



Comments

Post a Comment

Popular posts from this blog

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

THE ONLY TRUE RACIAL RECONCILIATION

By
Image
THE ONLY TRUE RACIAL RECONCILIATION Ephesians 2:14-16 [14]For He Himself is our peace, who made both groups into one and broke down the barrier of the dividing wall, [15]by abolishing in His flesh the enmity, which is the Law of commandments contained in ordinances, so that in Himself He might make the two into one new man, thus establishing peace, [16]and might reconcile them both in one body to God through the cross, by it having put to death the enmity. (Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)
Read more