Nieto Bible Page

Filipos 4:6 Huwag kayong mangabalisa sa anomang bagay; kundi sa lahat ng mga bagay sa pamamagitan ng panalangin at daing na may pagpapasalamat ay ipakilala ninyo ang inyong mga kahilingan sa Dios.7 At ang kapayapaan ng Dios, na di masayod ng pagiisip, ay magiingat ng inyong mga puso at ng inyong mga pagiisip kay Cristo Jesus. Ang ating katiyakan ng pagbabalik ng Panginoon ay dapat magbigay sa atin ng katahimikan ng isip, at hindi kabalisahan. Anumang mangyari sa mundong ito, may katiyakan tayo ng pagbabalik ng Panginoon upang kunin tayo at gantimpalaan sa ating katapatan.  "Huwag kayong mangabalisa sa anomang bagay." Nang sinabi ito ni Pablo, nangangahulugan ito na hindi tayo dapat mag-alala sa anumang bagay- problema man sa pamilya, sa pananalapi, sa propesyon, sa pag-aasawa o sa anupamang nagbibigay sa atin ng kabalisahan. Walang sinumang tatangkad dahil sa pag-aalala at walang problemang masosolusyunan ng pag-aalala. Sa halip ang bawat problema na ating hinaharap ay oportu...

  Aaminin kong pangarap kong makapagturo sa isang malaking simbahan. Pero aaminin ko ring minsan ang pagiging malaki ay hindi nangangahulugang mas mabuti (tingnan ito:   https://faithalone.org/blog/did-you-know-that-big-churches-are-often-big-trouble/?fbclid=IwY2xjawExhTBleHRuA2FlbQIxMQABHehCqn2gF2xcwIoBUDgsF8ehR6eqjrYkosPpiqxZ-sYcEDem2iPcLDDVlg_aem_VYjpLdkanfbxlJXPdyuAUQ ). Ano ba ang bentahe ng mas maliit na simbahan.  Hindi ko layong tuligsain ang malalaking simbahan. Hindi rin ito justification sa pagkakaroon ng maliit na simbahan. Maraming simbahan ang nagsimulang maliit ngunit dahil sa kasipagan ng mga manggagawa (at sa biyaya ng Diyos) ay lumaki. Ngunit narito ang ilan sa mga lehitimong bentahe ng maliit na simbahan.  Una ay mas malapit sa bawat isa ang mga miyembro dahil magkakakilala. Sa isang simbahang hindi aabot sa isandaan (at may regular na dumadalong nasa dalawampu), mas malaki ang posibilidad na kilala mo ang lahat ng dumadalo. Dahil sa magkakaki...

Mateo 4:19 At sinabi niya sa kanila, Magsisunod kayo sa hulihan ko, at gagawin ko kayong mga mamamalakaya ng mga tao. Matthew 4:19 [19]And He said to them, "Follow Me, and I will make you fishers of men." Sa ating memory verse ngayon, inutusan ni Cristo ang mga alagad (at tayo) upang mamalakaya ng mga tao. Hindi tayo lahat ay tinawag upang iwanan ang pamamalakaya ng mga isda (sekular na pinagkukunan ng kita) pero tayong lahat ay may bahagi sa pamamalakaya ng mga tao (tingnan ang blog, "Congregational Evangelism." Hindi ito ang unang pagkakataong nakaharap ng Panginoon si Pedro at ang mga kasama. Nakaharap na niya ang Panginoon nang dinala siya ni Andres sa Juan 1. Ang Juan 1 ay matatawag nating katawagan sa buhay na walang hanggan. Ang Mateo 4 ay katawagan sa pagiging alagad. Sa Juan 1 nakita ni Pedro si Cristo bilang Tagapagligtas, ang Nagbibigay ng buhay na walang hanggan sa lahat ng nanampalataya; sa Mateo 4 nakita ni Pedro si Cristo bilang Panginoon na nagbibiga...

  Bahagi ng obligasyon ng isang lokal na simbahan ang ibahagi ang mabuting balita ng buhay na walang hanggan sa pamamagitan ng pananampalataya lamang kay Cristo lamang, Mat 28:18-20; Mar 16:15-16. Ang obligasyong ito ay hindi nakasalalay sa iisa o iilang tao lamang kundi sa buong kongregasyon.  Maraming paraan nang pagbabahagi ng evangelio. Nariyan ang pampublikong pagpapahayag, pribadong pakikipag-usap, pagbabahay-bahay at pagbabahagi ng babasahin, paggamit ng telebisyon at radyo, pagbabahagi sa social media at ang pinakasimple at marahil pinakaepektibo, pag-imbita sa mga kakilala, kapamilya, kaibigan, katrabaho, kaklase at kalaro na dumalo sa pag-aaral ng simbahan. Nasabi kong ito ay simple dahil kahit mahina ka sa pakikipag-usap, maaari mong ikonekta ang iyong kaibigan sa miyembrong may kaloob para rito. Hindi mo kailangang kumbinsehin ang iyong kaibigan, kailangan mo lamang siyang ikonekta sa iba na siyang aktuwal na magbabahagi ng mensahe. Sinabi ko ring epektibo dahil sa...

  Anong nangyari sa congregational singing? Marahil dala na rin ng kasikatan ng mga awit na nakapokus sa kakayahan ng isang indibidwal na abutin ang mataas na notang hindi maabot ng iba, at dala ng kasikatan ng mga awiting mas bagay sa konsiyerto kaysa sa simbahan, maraming "ordinaryong" miyembro ang napipilang umawit. Kuntento nang makinig at pumalakpak sa iilang umaawit. Ito ay nakalulungkot na bagay dahil ang pag-awit ay pag-aari ng lahat ng Cristiano.  Sa lahat ng grupo ng tao sa mundong ito, tayong mga Cristiano ang dapat pinakamasaya dahil nababatid nating tayo ay may buhay na walang hanggan dahil sa pananampalataya kay Cristo, Juan 3:16. Ang katotohanang tayo ay hindi tutungo sa impiyerno dahil sa ginawa ni Cristo sa krus ay dapat magpuno sa ating mga puso ng pasasalamat na ihahayag ng ating mga labi.  Ang congregational singing ay may basehan sa Biblia. Ito ay makikita pareho da tuntunin at halimbawa ng Kasulatan.  Halimbawa sa Isaias 12:1-6, makikita nating ...

Juan 3:16 Sapagka't gayon na lamang ang pagsinta ng Dios sa sanglibutan, na ibinigay niya ang kaniyang bugtong na Anak, upang ang sinomang sa kaniya'y sumampalataya ay huwag mapahamak, kundi magkaroon ng buhay na walang hanggan. Ang ating memory verse ay hindi nangangailangan ng introduksiyon. Ito marahil ang pinakapopular na sitas ng Biblia na kahit ang mga hindi Cristiano ay alam ito. Sa halip na ipaliwanag ito, mas maigi marahil na magbigay ng mga katanungang gagabay sa mambabasa upang magkaroon ng sarili niyang konklusyon.  1. Sino ang umiibig sa sitas? 2. Sino ang iniibig? 3. Paano ipinakita ng Diyos ang Kaniyang pag-ibig?  4. Bakit ibinigay ng Diyos ang Kaniyang sariling Bugtong na Anak? 5. Ano raw ang dapat gawin ng sinoman?  6. Sino ang sinoman na tinutukoy sa sitas? Ito ba ay tumutukoy lamang sa iilang pribilehiyadong tao? O sa sinumang nasa sanlibutan na nanampalataya?  7. Ano ang pangako sa mga nanampalataya? 8. Ano ang mangyayari sa hindi nanampalataya? A...

Ecclesiastes 3:15 Ang nangyari sa nagdaan ay nangyari na; at ang mangyayari pa ay nangyari na rin; at hinahanap uli ng Dios ang nakaraan na.16 At bukod dito'y aking nakita sa ilalim ng araw, sa dako ng kahatulan, na nandoon ang kasamaan; at sa dako ng katuwiran, na nandoon ang kasamaan. Dahil sa hindi makasumpong si Solomon ng kasiyahan sa kayamanan, karunungan at kasiyahan, tumutok siya sa pilosopiya. Ang kaniyang paksang siniyasat ay ang panahon. Ayon kay Solomon nilagay ng Diyos ang eternidad (sanlibutan) sa puso ng tao kaya hindi siya makasumpong ng kasiyahan sa mga bagay temporal. Ang kasiyahan niya ay nasa mga bagay eternal. Ang problema ay hindi mahanap ng tao ang mga eternal na gawa ng Diyos.  Ang nangyari sa nagdaan ay nangyari na; at ang mangyayari pa ay nangyari na rin; at hinahanap uli ng Dios ang nakaraan na." Muling namilosopiya si Solomon. Ayon sa kaniya ang buhay ay walang halaga sapagkat ang lahat ay lumilipas at ang intensiyon ng Diyos ay sa nakaraan at hindi...

Filipos 4:4 Mangagalak kayong lagi sa Panginoon: muli kong sasabihin, Mangagalak kayo.5 Makilala nawa ang inyong kahinhinan ng lahat ng mga tao. Ang Panginoon ay malapit na. Sa halip na magkahati-hati gaya ng pagkakahati ni Euodias at Syntiche, ang kailangan nila ay magalak at magiging mahinhin sa liwanag ng nalalapit na pagbabalik ng Panginoon.  "Mangagalak kayong lagi sa Panginoon: muli kong sasabihin, Mangagalak kayo." Makalawang ulit na pinaalalahanan ni Pablo ang mga taga-Filipos na magalak. Muli, ang epistula ay tinawag na epistula ng kagalakan dahil sa kabila ng pagkakulong ni Pablo sa Roma, siya naman ay nananahan sa Panginoon (v6-14). Ang kagalakan sa Panginoon ang solusyon sa kanilang pagkakahati. Ito rin ay paalala sa kanilang kaisahan kay Cristo. Kailangan niyang ulitin ang utos na magalak dahil ang kanilang pagkakahati ay nagdadala ng kalungkutan. Ito ay utos at ang kabiguang magalak ay isang pagsuway. Hindi bahagi ng normal na Cristianong pamumuhay ang kalungkut...

Ecclesiastes 3:12 Nalalaman ko, na walang maigi sa kanila, kay sa magalak, at gumawa ng mabuti habang sila'y nabubuhay.13 At ang bawa't tao rin naman ay marapat kumain at uminom, at magalak sa kabutihan sa lahat niyang gawa, siyang kaloob ng Dios.14 Nalalaman ko, na anomang ginagawa ng Dios, magiging magpakailan pa man: walang bagay na maidadagdag, o anomang bagay na maaalis: at ginawa ng Dios, upang ang tao ay matakot sa harap niya. Dahil sa ang tao ay nakukulong sa panahon at hindi niya marurok ang gawa ng Panginoon. Pinayo ni Solomon na magalak at gumawa nang mabuti. Walang dahilan upang magmukmok sa mga bagay na labas sa ating kontrol. Pinayo niyang tanggapin ang kapalaran at magsaya sa kaniyang gawa na bigay ng Panginoon. Walang indikasyong nag-iisip si Solomon nang labas sa ilalim nang araw. Samakatuwid ang payo niya ay magalak sa mga bagay na nasa lupa.  "Nalalaman ko, na walang maigi sa kanila, kay sa magalak, at gumawa ng mabuti habang sila'y nabubuhay." ...

Filipos 4:2 Ipinamamanhik ko kay Euodias, at ipinamamanhik ko kay Sintique, na mangagkaisa ng pagiisip sa Panginoon.3 Oo, ipinamamanhik ko rin naman sa iyo, tapat na kasama sa pagtulong, na iyong tulungan ang mga babaing ito, sapagka't sila'y nangagpagal na kasama ko sa evangelio, at kasama rin naman ni Clemente, at ng ibang aking mga kamanggagawa, na ang kanilang pangalan ay nangasa aklat ng buhay. Sa v1 sinabihan ni Pablo ang mga taga-Filipos na magsitibay sa Panginoon. Ngunit hindi sila magiging matibay sa Panginoon kung sila ay may pagkakahati. Sabi nga ng kasabihan, "Nagkakaisa, makatatayo; nahahati, babagsak." "Ipinamamanhik ko kay Euodias, at ipinamamanhik ko kay Sintique, na mangagkaisa ng pagiisip sa Panginoon." Sa kabanata ikalawa paulit-ulit na nanawagan si Pablo ng pagkakaisa. Hinimok niya ang mga taga-Filipos na magkaroon ng iisang kaisipan, iisang pag-ibig at iisang pag-aakala, bago niya inulit ang pagkakaroon ng iisang kaisipan. Dito nalaman n...