Empty Hands, Full Heart: The Wealth That Cannot Be Counted

 

Ang tunay na kayamanan, hindi nakikita sa wallet. Nakikita sa yakap.

1. Ang Mali na Sukatan ng Kayamanan

Tinuturo ng mundo: “Rich ka kung marami kang naibigay.” Laruan. Gadget. Travel. Allowance. 

Kaya maraming ama ang nagtrabaho nang nagtrabaho para “mapuno ang kamay.” Pero pag-uwi, “walang laman” na rin ang puso ng anak. 

Kawikaan 15:17: “Magaling ang gulay na may pagibig, kay sa matabang baka at may pagtataniman.”

Pwedeng puno ang ref, pero bakante ang relasyon. Pwedeng maraming regalo, pero walang presence. At pag naubos ang pera, naubos din ang anak.

2. Ang Tunay na Kayamanan: Pagtakbo, Hindi Dahil sa Regalo

“A truly rich man... children run into his arms when his hands are empty.” 

Yan ang larawan ng tiwala. Yan ang larawan ng pag-ibig na hindi binibili. 

Bakit tumatakbo ang bata kahit walang dala si tatay? 

Kasi naramdaman niya: “Safe ako kay tatay. Mahal ako ni tatay kahit wala siyang ibigay.” 

Kawikaan 22:6: “Ituro mo sa bata ang daan na dapat niyang lakaran…”

Deuteronomio 6:7: “At iyong ituturo nang buong sikap sa iyong mga anak…”

Hindi mo maituturo yan kung ang itinuro mo lang ay “magtrabaho ka para magkapera.” Kailangan mong ituro sa pamamagitan ng oras, pakikinig, paghingi ng tawad, at pagyakap kahit pagod ka.

Awit 127:3: “Narito, ang mga anak ay mana na mula sa Panginoon.”

Mana. Hindi project. Hindi investment para sa retirement mo. Regalo ng Diyos.

3. Ang Mas Malalim na Larawan: Ang Ama sa Langit

Ang quote na ito, nagtuturo din sa atin tungkol sa Diyos. 

Marami tayong lumalapit sa Diyos pag “may hinihingi tayo.” Lord, bigyan mo ako. Lord, punuin mo kamay ko. 

Pero ang tunay na anak ng Diyos, tatakbo pa rin sa Kanya kahit “empty hands.” 

1 Juan 3:1: “Masdan ninyo kung gaanong pagibig ang ipinagkaloob sa atin ng Ama, upang tayo’y tawaging mga anak ng Diyos…”

Hindi ka mahal ng Diyos dahil marami kang dala. Mahal ka Niya dahil anak ka Niya. 

At ang pinakamagandang patunay niyan ay ang krus. Roma 5:8: “Ngunit ipinadama ng Diyos ang kanyang pag-ibig sa atin, na nang tayo’y makasalanan pa, si Cristo ay namatay para sa atin.”

“Empty hands” tayo sa harap ng Diyos. Walang magandang gawa na pwedeng ibayad sa kasalanan. Pero tumakbo pa rin si Jesus para yakapin tayo.

Konklusyon: Mag-ipon ng Kayamanang Hindi Ninakaw ng Oras

Ama, ina, magulang: 

Pwede kang maging mayaman sa pera pero mahirap sa relasyon. At pagtanda mo, yun ang pagsisisihan mo. 

Kaya habang may oras pa, punuin mo hindi lang ang kamay, kundi ang puso ng anak mo. 

Mateo 6:20: “Kundi mag-ipon kayo ng mga kayamanan para sa inyong sarili sa langit…”

At ang pinakamayamang ama sa langit ay ang Diyos Ama mismo. 

Efeso 2:8-9: “Sapagkat sa biyaya kayo’y naligtas sa pamamagitan ng pananampalataya… ito’y kaloob ng Diyos.”

Ngayon, kung “empty hands” ka sa harap ng Diyos, tumakbo ka sa Kanya. 

Juan 6:37: “Ang lumalapit sa akin sa anumang paraan ay hindi ko itataboy.”

Sumampalataya ka kay Jesus. Juan 3:16. Dahil ang yakap ng Ama sa langit, hindi mauubos. At yan ang kayamanan na dadalhin mo hanggang eternity.

Manatiling nakapokus sa biyaya. Huwag ninyong hayaang nakawin ng mga huwad na guro ang inyong karapatang mag-isip ng doktrina.

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, kada 1:00-3:00 pm. Sana manampalataya kayo at kita-kita tayo.

Isang mahalagang paalala: ang mga blogs na ito ay personal kong opinyon at eksposisyon; hindi ito opisyal na pananaw ng Partido Christian Bible Church. Kung nais ninyong malaman ang kanilang opisyal na posisyun, magtanong kayo sa mga matanda ng simbahan. Ang Nieto Bible Page ay isang hiwalay na ministri mula sa PCBC at independiyente rito. Nakikipagtipon ako sa PCBC, pero may personal akong kumbiksiyon sa mga bagay. Bagama't miyembro (muli) ako ng teaching and ruling leadership ng PCBC, anumang mabasa ninyo rito ay hiwalay sa kanila. Anumang nasusulat ay aking pananagutan. 

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)

Download for free:

The Epistle of James

https://faithalone.org/ebooks/santiago/

The Epistles of John

https://faithalone.org/ebooks/ang-epistula-ni-juan-isang-maikling-komentaryo/