Storage Full

By

 


May email akong hinihintay ngunit hindi pumapasok. Ang dahilan ay full storage na. Upang makapasok ang email, kailangan kong mag-delete ng ilang emails at ilang larawan. 

Ang cellphone na full storage ay bumabagal. Ang ibang apps nga ay maaaring hindi na gumana. 

Kung gusto mong maging episiyente ang iyong phones, mabuting regular itong linisin sa pamamagitan ng pag-alis ng hindi kailangang larawan, videos o apps. 

Nakikita ko rito ang isang analohiya sa ating espirituwal na buhay. Maraming espirituwal na buhay ang hindi episyente sa pagluwalhati sa Diyos dahil ang mga buhay na ito ay full storage. 

Punong puno ang buhay ng maraming bagay maliban sa mga bagay ng Diyos. 

Abala sa paghahanap ng pera, abala sa karera, abala sa bisyo, abala sa mga kaibigan... maraming kaabalahan ang isang Cristiano anupat napapabayaan ang espirituwal na buhay. 

Walang time magbasa ng Bible, walang time manalangin, walang time magsimba, walang time maglingkod... Weird dahil bawat isa sa atin ay binigyan ng pare-parehong 24 na oras. 

Ang naghihiwalay sa isang buhay na nakalulugod sa Diyos at sa buhay na hindi ay kung paano gamitin ang 24 oras na ito. 

Kung ang iyong buhay ay puno ng mga bagay na humahadlang sa iyong mamuhay sa biyaya, ikaw ay nagsasayang ng oras. Sinabi ni Pablong tubusin ang panahon dahil ang panahon ay masama. Ang panahon ay maikli at dapat nating i-maximize ang paglilingkod sa Kaniya. 

Kung masyadong puno ang iyong oras ng maraming bagay at maraming kaabalahan, minumungkahi kong panahon na mag-delete ng mga bagay na hadlang sa mabungang relasyon sa Diyos. 

Marahil kailangan mong putulin ang isang relasyong hindi nakaluluwalhati sa Kaniya o itigil ang isang bisyong umuubos ng iyong oras. Marahil nangangahulugan itong pagpapalit ng trabaho o paglipat ng tirahan. Anumang bagay na kailangang gawin upang makapaglingkod ng lubos sa Kaniya ay dapat prioridad natin.

Anong hadlang sa maintimasyang pakikisama sa Diyos? Marahil panahong magnilay at siguruhing may space ang Diyos sa ating buhay. 

Manatiling nakapokus sa biyaya. Huwag ninyong hayaang nakawin ng mga huwad na guro ang inyong karapatang mag-isip ng doktrina.

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, kada 1:00-3:00 pm. Sana manampalataya kayo at kita-kita tayo.

Isang mahalagang paalala: ang mga blogs na ito ay personal kong opinyon at eksposisyon; hindi ito opisyal na pananaw ng Partido Christian Bible Church. Kung nais ninyong malaman ang kanilang opisyal na posisyun, magtanong kayo sa mga matanda ng simbahan. Ang Nieto Bible Page ay isang hiwalay na ministri mula sa PCBC at independiyente rito. Nakikipagtipon ako sa PCBC, pero may personal akong kumbiksiyon sa mga bagay. Bagama't miyembro (muli) ako ng teaching and ruling leadership ng PCBC, anumang mabasa ninyo rito ay hiwalay sa kanila. Anumang nasusulat ay aking pananagutan. 

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)

Download for free:

The Epistle of James https://faithalone.org/ebooks/santiago/

The Epistles of John https://faithalone.org/ebooks/ang-epistula-ni-juan-isang-maikling-komentaryo/




Comments

Post a Comment

Popular posts from this blog

Isang Pag-aaral sa Efeso 2:8-9

By
Image
Basahin ang mga sitas sa ibaba (kung maaari ay basahin ang buong kapitulo) at sagutin ang mga sumusunod na tanong. Efeso 2:8 Sapagka't sa biyaya kayo'y nangaligtas sa pamamagitan ng pananampalataya; at ito'y hindi sa inyong sarili, ito'y kaloob ng Dios; 9 Hindi sa pamamagitan ng mga gawa, upang ang sinoman ay huwag magmapuri. 1. Sa v1-3, nilarawan ni Pablo ang kalagayan ng mga taga-Efeso bago sila naligtas. Ayon sa v8 paano raw naligtas ang mga taga-Efeso? 2. Kapag sinabing biyaya, ito ay kagandahang-loob ng Diyos na walang tampat. Bakit ang biyaya at pananampalataya ang tamang kombinasyon upang ang tao ay maligtas at hindi ang gawa o Kautusan? (Basahin ang Roma 4:1-8; 11:6 at Gal 2:14-21 para sa karagdagang impormasyon.) 3. Ano raw ang kaloob ng Diyos sa v8? Bakit ang kaligtasan ay kailangang iregalo at hindi mapagtatrabahuhan? 4. Ang kaligtasan ba ay galing sa atin o regalo ng Diyos? Sa iyong palagay bakit ang mga palalo ay iniisip na matatamo nilang ang kaligtasan sa...
Read more

Panalangin sa Kapatiran

By
Image
  Isa sa pinakamalaking bagay na maaari mong gawin sa isang tao ay ang ipanalangin siya. Ang panalangin sa mga kapatid ay ekspresyon ng pag-ibig. Sa pamamagitan nito, nakikibahagi tayo sa kanilang mga buhay at nakikibuhat sa kanilang mga pasanin.  1. Tinuturo ng Biblia ang pangangailangang ipanalangin ang mga kapatid, San 5:16; Ef 6:18 2. Mahalaga ang panalangin dahil a) nagdadala ito ng lakas at pagkakaisa sa simbahan; b) nagdudulot ito ng kagalingan at restorasyon sa mga namimighati, 2 Cor 1:11; Col 2:2 3. Paano natin sila ipapanalangin? Para sa espirituwal na paglago at relasyon sa Diyos. Para sa kanilang pisikal at emosyonal na pangangailangan, Col 1:9-12. Sikapin nating maging tugon sa ating sariling panalangin, 1 Juan 3:16-18.  4. Ang kapangyarihan ng panalangin. Ang Espiritu Santo ay namamagitan para sa atin at nagbibigay kapangyarihan sa ating mga panalangin. Ito ay nagreresulta sa paglagong espirituwal at himalang pamamagitan ng Diyos, Roma 8:26-27. 5. Bakit kail...
Read more

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more