The greatest corruption is inside the church

By

 


Ang ating bansa ay inalog ng mga kontrobersiya ng korupsiyon. Nariyan ang isyu ng korupsiyon sa DepEd, korupsiyon sa mga flood control projects at korupsiyon sa mga farm-to-market roads. Ngunit ang pinakamalaking korupsiyon sa bansa ay nasa loob ng ating mga simbahan. 

Ang simbahang siyang sentro ng biyaya ay naging sentro ng legalismo. 

Ang simbahan ay may dalawang misyon- una ay ikalat ang mensahe ng biyaya ng buhay na walang hanggan. Ang sinumang sumampalataya kay Cristo ay may buhay na walang hanggan. 

Ang ikalawang misyon ay ang patibayin ang mga mananampalataya sa biyaya hanggang sa sila ay makaabot sa maturidad at kawangis ni Cristo. 

Unfortunately ang ating mga simbahan is under attack. 

When it comes to salvation, laganap ang mensahe ng gawa. Para sa mga huwad na guro, hindi sapat ang biyaya ng Diyos; kailangan itong lakipan ng gawa kahit ang dalawa ay hindi tugma, Roma 11:6. Ang pananampalataya kay Cristo ay hindi sapat, kaya kailangang lakipan ng relihiyon. Kung hindi ka aanib, hindi ka magpapailalim sa mg ritwal, kung hindi ka magiging tapat hanggang kamatayan... hindi ka umano magkakaroon ng buhay na walang hanggan.

Ito ay mali. Malinaw sa Kasulatan na ang tanging kundisyon upang magkaroon ng buhay na walang hanggan ay ang manampalataya kay Cristo. Makikita ito sa Juan 3:16; Gawa 16:31; at sa daang sitas ng Biblia. Ito ang mensahe ng Evangelio ni Juan. Ang mananampalataya ay hindi mapapahamak kundi mayroong buhay na walang hanggan. 

May atake rin sa ikalawang misyon. Para sa mga huwad na guro hindi sapat ang biyaya upang lumago sa maturidad. Kaya hinahaluan nila ito ng legalismo. Pinaghahalo ang dispensasyon ng biyaya sa Kautusan ni Moises. Hinahalo ang mga alituntuning gawa lamang ng tao. Banal sa mata ng tao ngunit mga libingan sa mata ng Diyos. 

Ang dalisay na mensahe ng biyaya sa kaligtasan at sa sanktipikasyon ay inaatake. Ang korupsiyon ni Satanas, ang pampaalsa, ay naihalo na. Marami ang kumikilos sa pinaghalong biyaya at legalismo. 

Hindi nakapagtatakang ang simbahan ay walang kapangyarihan. Walang katiyakan ng kaligtasan. Walang sense of destiny. Bawat hakbang ay may halong takot. Takot na hindi makaabot sa pamantayan. Takot na baka kulang. 

Ang Cristiano ay kumpleto kay Cristo. Hindi niya kailangan ng karagdagang Kautusan. Hindi niya kailangan ng pantaong kabaitan. Ang kailangan niya ay lumakad sa kabanalan sa pamamagitan ng Espiritu Santo at ginagamit ang Salita ng Diyos. 

Palayain natin ang ating mga sarili sa pang-aalipin ng Kautusan. Manghawak sa biyaya. 

Manatiling nakapokus sa biyaya. Huwag ninyong hayaang nakawin ng mga huwad na guro ang inyong karapatang mag-isip ng doktrina.

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, kada 1:00-3:00 pm. Sana manampalataya kayo at kita-kita tayo.

Isang mahalagang paalala: ang mga blogs na ito ay personal kong opinyon at eksposisyon; hindi ito opisyal na pananaw ng Partido Christian Bible Church. Kung nais ninyong malaman ang kanilang opisyal na posisyun, magtanong kayo sa mga matanda ng simbahan. Ang Nieto Bible Page ay isang hiwalay na ministri mula sa PCBC at independiyente rito. Nakikipagtipon ako sa PCBC, pero may personal akong kumbiksiyon sa mga bagay. Bagama't miyembro (muli) ako ng teaching and ruling leadership ng PCBC, anumang mabasa ninyo rito ay hiwalay sa kanila. Anumang nasusulat ay aking pananagutan. 

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)

Download for free:

The Epistle of James https://faithalone.org/ebooks/santiago/

The Epistles of John https://faithalone.org/ebooks/ang-epistula-ni-juan-isang-maikling-komentaryo/




Comments

Post a Comment

Popular posts from this blog

Isang Pag-aaral sa Efeso 2:8-9

By
Image
Basahin ang mga sitas sa ibaba (kung maaari ay basahin ang buong kapitulo) at sagutin ang mga sumusunod na tanong. Efeso 2:8 Sapagka't sa biyaya kayo'y nangaligtas sa pamamagitan ng pananampalataya; at ito'y hindi sa inyong sarili, ito'y kaloob ng Dios; 9 Hindi sa pamamagitan ng mga gawa, upang ang sinoman ay huwag magmapuri. 1. Sa v1-3, nilarawan ni Pablo ang kalagayan ng mga taga-Efeso bago sila naligtas. Ayon sa v8 paano raw naligtas ang mga taga-Efeso? 2. Kapag sinabing biyaya, ito ay kagandahang-loob ng Diyos na walang tampat. Bakit ang biyaya at pananampalataya ang tamang kombinasyon upang ang tao ay maligtas at hindi ang gawa o Kautusan? (Basahin ang Roma 4:1-8; 11:6 at Gal 2:14-21 para sa karagdagang impormasyon.) 3. Ano raw ang kaloob ng Diyos sa v8? Bakit ang kaligtasan ay kailangang iregalo at hindi mapagtatrabahuhan? 4. Ang kaligtasan ba ay galing sa atin o regalo ng Diyos? Sa iyong palagay bakit ang mga palalo ay iniisip na matatamo nilang ang kaligtasan sa...
Read more

Panalangin sa Kapatiran

By
Image
  Isa sa pinakamalaking bagay na maaari mong gawin sa isang tao ay ang ipanalangin siya. Ang panalangin sa mga kapatid ay ekspresyon ng pag-ibig. Sa pamamagitan nito, nakikibahagi tayo sa kanilang mga buhay at nakikibuhat sa kanilang mga pasanin.  1. Tinuturo ng Biblia ang pangangailangang ipanalangin ang mga kapatid, San 5:16; Ef 6:18 2. Mahalaga ang panalangin dahil a) nagdadala ito ng lakas at pagkakaisa sa simbahan; b) nagdudulot ito ng kagalingan at restorasyon sa mga namimighati, 2 Cor 1:11; Col 2:2 3. Paano natin sila ipapanalangin? Para sa espirituwal na paglago at relasyon sa Diyos. Para sa kanilang pisikal at emosyonal na pangangailangan, Col 1:9-12. Sikapin nating maging tugon sa ating sariling panalangin, 1 Juan 3:16-18.  4. Ang kapangyarihan ng panalangin. Ang Espiritu Santo ay namamagitan para sa atin at nagbibigay kapangyarihan sa ating mga panalangin. Ito ay nagreresulta sa paglagong espirituwal at himalang pamamagitan ng Diyos, Roma 8:26-27. 5. Bakit kail...
Read more

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more