Money or Jesus Christ

By

 



Money is a good servant but a poor master. And when it comes to eternal life, it is useless.

Nagtatrabaho tayo para magkaroon ng pera at ma-enjoy ang mga bagay na mabibili ng pera. Hindi nakabibili ang pera ng kasiyahan pero makabibili ito ng mga materyal na bagay na nakapagbibigay kasiyahan sa iba. And for most people these are practically synonym.

Maaaring magbigay ng comfort ang pera. Makabibili ka ng mga appliances na magpapadali ng trabaho. Ramdam mo ang comfort ng pera kapag nadala ka sa ospital. Makakarequest ka ng komportableng silid na hindi mo kailangang ibahagi sa iba, may air-con at may pribasiya.

Ngayong mahal ang mga bilihing resulta ng pagtaas ng presyo ng gasolina, makikita mo ang pagkakaiba ng may pera sa wala. Ang mga walang pera ay nagdurusa. Hindi ramdam ng may pera ang epekto ng giyera.

Ngunit pagdating sa buhay na walang hanggan, ang may pera ay wala ay nasa parehong tindigan. Pareho silang hindi maliligtas ng pera (o ng kawalan nito).

Hindi mababayaran ang buhay na walang hanggan. Walang salaping makasisiguro ng kaligtasan.

Sabi nga ni Pedro ang ating katubusan ay hindi sa ginto at pilak kundi sa pamamagitan ng dugo ni Cristo.

Namatay si Cristo sa isang dahilan- bayaran ang ating kasalanan. Dahil sa gawa ni Cristo sa krus, walang taong mahihiwalay sa Diyos nang dahil sa kasalanan. Inalis ni Cristo ang hadlang ng kasalanan sa krus. Siya ang Korderong nag-aalis ng kasalanan ng sanlibutan.

Ginawa ni Cristo ang gawa ng kaligtasan kaya wala kang maidragdag o mababawas dito. Ang tanging natitirang gagawin ng tao ay manampalataya kay Cristo.

Ang nag-iisang kundisyon upang magkaroon ng buhay na walang hanggan ay manampalataya kay Cristo. Ang sinumang manampalataya sa Kaniya ay hindi mapapahamak kundi mayroong buhay na walang hanggan.

Hindi mo matatamo ang buhay na walang hanggan sa pamamagitan ng pag-anib sa relihiyon, paglilingkod o pag-iwas sa kasalanan. Ang mga ito ay mabuti, ngunit hindi sapat at walang kakayahang magbigay ng buhay na walang hanggan.

Ang tanging kailangang gawin ng tao ay manampalataya kay Cristo. Kung manampalataya ka ngayon kay Cristo, ngayon mismo ay may buhay na walang hanggan ka.

Ang pera ay nakabibili ng maraming bagay. Pero hindi ito makabibili ng buhay na walang hanggan. Ito ay libreng kaloob sa lahat ng manampalataya kay Cristo. Ito ay regalong hindi mawawala kailan man. Manampalataya ka ngayon kay Cristo at mag-enjoy ng kaligtasang hindi mabibili ng salapi.

Manatiling nakapokus sa biyaya. Huwag ninyong hayaang nakawin ng mga huwad na guro ang inyong karapatang mag-isip ng doktrina.

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, kada 1:00-3:00 pm. Sana manampalataya kayo at kita-kita tayo.

Isang mahalagang paalala: ang mga blogs na ito ay personal kong opinyon at eksposisyon; hindi ito opisyal na pananaw ng Partido Christian Bible Church. Kung nais ninyong malaman ang kanilang opisyal na posisyun, magtanong kayo sa mga matanda ng simbahan. Ang Nieto Bible Page ay isang hiwalay na ministri mula sa PCBC at independiyente rito. Nakikipagtipon ako sa PCBC, pero may personal akong kumbiksiyon sa mga bagay. Bagama't miyembro (muli) ako ng teaching and ruling leadership ng PCBC, anumang mabasa ninyo rito ay hiwalay sa kanila. Anumang nasusulat ay aking pananagutan.

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)

Download for free:

The Epistle of James https://faithalone.org/ebooks/santiago/

The Epistles of John https://faithalone.org/ebooks/ang-epistula-ni-juan-isang-maikling-komentaryo/


Comments

Post a Comment

Popular posts from this blog

Isang Pag-aaral sa Efeso 2:8-9

By
Image
Basahin ang mga sitas sa ibaba (kung maaari ay basahin ang buong kapitulo) at sagutin ang mga sumusunod na tanong. Efeso 2:8 Sapagka't sa biyaya kayo'y nangaligtas sa pamamagitan ng pananampalataya; at ito'y hindi sa inyong sarili, ito'y kaloob ng Dios; 9 Hindi sa pamamagitan ng mga gawa, upang ang sinoman ay huwag magmapuri. 1. Sa v1-3, nilarawan ni Pablo ang kalagayan ng mga taga-Efeso bago sila naligtas. Ayon sa v8 paano raw naligtas ang mga taga-Efeso? 2. Kapag sinabing biyaya, ito ay kagandahang-loob ng Diyos na walang tampat. Bakit ang biyaya at pananampalataya ang tamang kombinasyon upang ang tao ay maligtas at hindi ang gawa o Kautusan? (Basahin ang Roma 4:1-8; 11:6 at Gal 2:14-21 para sa karagdagang impormasyon.) 3. Ano raw ang kaloob ng Diyos sa v8? Bakit ang kaligtasan ay kailangang iregalo at hindi mapagtatrabahuhan? 4. Ang kaligtasan ba ay galing sa atin o regalo ng Diyos? Sa iyong palagay bakit ang mga palalo ay iniisip na matatamo nilang ang kaligtasan sa...
Read more

Panalangin sa Kapatiran

By
Image
  Isa sa pinakamalaking bagay na maaari mong gawin sa isang tao ay ang ipanalangin siya. Ang panalangin sa mga kapatid ay ekspresyon ng pag-ibig. Sa pamamagitan nito, nakikibahagi tayo sa kanilang mga buhay at nakikibuhat sa kanilang mga pasanin.  1. Tinuturo ng Biblia ang pangangailangang ipanalangin ang mga kapatid, San 5:16; Ef 6:18 2. Mahalaga ang panalangin dahil a) nagdadala ito ng lakas at pagkakaisa sa simbahan; b) nagdudulot ito ng kagalingan at restorasyon sa mga namimighati, 2 Cor 1:11; Col 2:2 3. Paano natin sila ipapanalangin? Para sa espirituwal na paglago at relasyon sa Diyos. Para sa kanilang pisikal at emosyonal na pangangailangan, Col 1:9-12. Sikapin nating maging tugon sa ating sariling panalangin, 1 Juan 3:16-18.  4. Ang kapangyarihan ng panalangin. Ang Espiritu Santo ay namamagitan para sa atin at nagbibigay kapangyarihan sa ating mga panalangin. Ito ay nagreresulta sa paglagong espirituwal at himalang pamamagitan ng Diyos, Roma 8:26-27. 5. Bakit kail...
Read more

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more