Agawan ng tupa, katapatan sa kongregasyon

By

 


Philippians 1:15-18 [15]Some, to be sure, are preaching Christ even from envy and strife, but some also from good will; [16]the latter do it out of love, knowing that I am appointed for the defense of the gospel; [17]the former proclaim Christ out of selfish ambition rather than from pure motives, thinking to cause me distress in my imprisonment. [18]What then? Only that in every way, whether in pretense or in truth, Christ is proclaimed; and in this I rejoice. Yes, and I will rejoice...

Roma 15:20 Aking nilayon na maipangaral ang evangelio, hindi doon sa napagbalitaan na kay Cristo, upang huwag akong magtayo sa ibabaw ng pinagsaligan ng iba;

Isang nakalulungkot na katotohanan ay ang agawan ng mga tupa sa pagitan ng mga pastor. Sa halip na mangaral sa mga hindi mananampalataya, kinukumbinse ang dati ng mga Cristianong umanib sa kanilang grupo. 

Madalas ito ay dahil sa pokus sa numero. Nais ng mga tamad na pastor na itong lumaki ang kanilang bilang. Ayaw nilang mag-invest sa pag-evangelize ng iba. Mas nais nilang nakawin ang miyembro ng iba. 

Ginagawa nila ito sa pamamagitan ng mga pansilo- alok ng scholarships at supports, mga programang umaakit sa mga bata at matatanda, mga mala-konsiyertong music ministry, pizza at coke para sa mga youth, at kung anu-ano pang pandaya. 

Mayroong pangako ng ayuda sa oras ng kagipitan. Mayroong alok ng trabaho. Ginagapang ang mga Cristiano under the guise of "fellowship" pero ang totoo ay kinukuha ang loob upang lumipat ng bakod. 

Ito ay nakakahiya. Ito ay imoral. Ito ay gawa ng laman. 

Hindi rin masisisi ang mga tamad na pastor. May kasalanan din ang mga miyembro. BIGO ang miyembrong magkaroon ng loyalty sa kaniyang right pastor teacher. 

Ang mga Cristiano ay lalago nang husto kong masumpungan niya ang kaniyang right pastor teacher. Dito maeexpose siya sa tamang eksposisyon ng Biblia. 

Ngunit kung walang loyalty ang isang Cristiano at ang konsepto niya ng paglilingkod ay tila buffet - kuha ng aral dito, kuha ng aral doon, sama rito, sana roon... hindi siya lalago kay Cristo. 

Bagamat ang Katawan ni Cristo ay iisa, may mga geographical assembly ang mga Cristiano. Kahit si Pablo ay nagpalagay sa sariling hindi mangangaral sa lugar kung saan si Cristo ay napagbalitaan na, Roma 15:20. It is a bad taste to start a church where there is an existing doctrinal church. Ibang usapan kung false church ang nariyan. Pero kung may orthodox, doctrinal church nang nauna, build somewhere else. Sa ganitong paraan, hindi mahahati ang mga Cristiano. 

Kung ang isang Cristiano ay kumbinsidong nasa tamang simbahan na siya, hindi na siya dapat sumali pa sa iba. Ito ay magreresulta lamang sa magulong isipan. Hindi titibay ang kaluluwang may dalawang sistema ng doktrinang nananahan sa isipan. 

Manindigan tayo sa kung saan ang tama. Iwasan natin ang mag-church hopping. Iwasan natin ang tikim nang tikim sa kung anu-anong doktrina. Kung masumpungan na natin ang totoo, diyan na natin ibuhos ang ating lakas at oras. Ang katapatan ay desirable sa isang katiwala. 

Manatiling nakapokus sa biyaya. Huwag ninyong hayaang nakawin ng mga huwad na guro ang inyong karapatang mag-isip ng doktrina.

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, kada 1:00-3:00 pm. Sana manampalataya kayo at kita-kita tayo.

Isang mahalagang paalala: ang mga blogs na ito ay personal kong opinyon at eksposisyon; hindi ito opisyal na pananaw ng Partido Christian Bible Church. Kung nais ninyong malaman ang kanilang opisyal na posisyun, magtanong kayo sa mga matanda ng simbahan. Ang Nieto Bible Page ay isang hiwalay na ministri mula sa PCBC at independiyente rito. Nakikipagtipon ako sa PCBC, pero may personal akong kumbiksiyon sa mga bagay. Bagama't miyembro (muli) ako ng teaching and ruling leadership ng PCBC, anumang mabasa ninyo rito ay hiwalay sa kanila. Anumang nasusulat ay aking pananagutan. 

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)

Download for free:

The Epistle of James https://faithalone.org/ebooks/santiago/

The Epistles of John https://faithalone.org/ebooks/ang-epistula-ni-juan-isang-maikling-komentaryo/




Comments

Post a Comment

Popular posts from this blog

Isang Pag-aaral sa Efeso 2:8-9

By
Image
Basahin ang mga sitas sa ibaba (kung maaari ay basahin ang buong kapitulo) at sagutin ang mga sumusunod na tanong. Efeso 2:8 Sapagka't sa biyaya kayo'y nangaligtas sa pamamagitan ng pananampalataya; at ito'y hindi sa inyong sarili, ito'y kaloob ng Dios; 9 Hindi sa pamamagitan ng mga gawa, upang ang sinoman ay huwag magmapuri. 1. Sa v1-3, nilarawan ni Pablo ang kalagayan ng mga taga-Efeso bago sila naligtas. Ayon sa v8 paano raw naligtas ang mga taga-Efeso? 2. Kapag sinabing biyaya, ito ay kagandahang-loob ng Diyos na walang tampat. Bakit ang biyaya at pananampalataya ang tamang kombinasyon upang ang tao ay maligtas at hindi ang gawa o Kautusan? (Basahin ang Roma 4:1-8; 11:6 at Gal 2:14-21 para sa karagdagang impormasyon.) 3. Ano raw ang kaloob ng Diyos sa v8? Bakit ang kaligtasan ay kailangang iregalo at hindi mapagtatrabahuhan? 4. Ang kaligtasan ba ay galing sa atin o regalo ng Diyos? Sa iyong palagay bakit ang mga palalo ay iniisip na matatamo nilang ang kaligtasan sa...
Read more

Panalangin sa Kapatiran

By
Image
  Isa sa pinakamalaking bagay na maaari mong gawin sa isang tao ay ang ipanalangin siya. Ang panalangin sa mga kapatid ay ekspresyon ng pag-ibig. Sa pamamagitan nito, nakikibahagi tayo sa kanilang mga buhay at nakikibuhat sa kanilang mga pasanin.  1. Tinuturo ng Biblia ang pangangailangang ipanalangin ang mga kapatid, San 5:16; Ef 6:18 2. Mahalaga ang panalangin dahil a) nagdadala ito ng lakas at pagkakaisa sa simbahan; b) nagdudulot ito ng kagalingan at restorasyon sa mga namimighati, 2 Cor 1:11; Col 2:2 3. Paano natin sila ipapanalangin? Para sa espirituwal na paglago at relasyon sa Diyos. Para sa kanilang pisikal at emosyonal na pangangailangan, Col 1:9-12. Sikapin nating maging tugon sa ating sariling panalangin, 1 Juan 3:16-18.  4. Ang kapangyarihan ng panalangin. Ang Espiritu Santo ay namamagitan para sa atin at nagbibigay kapangyarihan sa ating mga panalangin. Ito ay nagreresulta sa paglagong espirituwal at himalang pamamagitan ng Diyos, Roma 8:26-27. 5. Bakit kail...
Read more

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more