Amaziah: His heart has become proud

By

 


Ang kwento ni Amaziah ay makikita sa 2 Hari 14 at 2 Cronica 25. Siya ay isang larawan kung bakit hindi dapat magpakampante ang mananampalataya sa kaniyang kabanalan. Kahit ang matuwid ay maaaring malaglag nang dahil sa kapalaluan. 

He started well, 2; at mayroon siyang sense of justice, 3-4. Maaari niya sanang gamitin ang kaniyang posisyun upang maghiganti ngunit matapos ipapatay ang mga assassins ng kaniyang ama, hindi niya ginalaw ang pamilya nito. 

Ngunit mayroon siyang tendency na umasa sa kamay ng tao. Sa kabila ng katotohanang sinasamahan siya ng Diyos, nagbayad siya ng tulong mula sa mga walang takot sa Diyos, 5-10. Nakinig siya sa propeta at pinauwi ang mga ito ngunit ang maling desisyong ito ay mayroong negatibong konsekwensiya. 

Bagamat siya ay nagwagi laban sa mga Edomita, sinugod naman ng mga pinauwing Israelita ang mga bayan ng Juda. 

Na hindi siya perpektong lumalakad sa daan ng Panginoon ay makikita sa kaniyang pagkumpiska sa mga diosdiosan ng mga Edomita, 14-16. Hindi pumasok sa kaniyang isipan na ni hindi nagawa ng mga itong ipagtanggol ang Edom mula sa kaniyang mga kamay. This time hindi siya nakinig sa propeta. Ang judgment ay naghihintay sa kaniya. 

Pag-uwi niya sa bahay, sa halip na makuntento sa kaniyang tagumpay, hinamon niya si King Joash ng Israel sa isang labanan. Hinayaan niyang pumasok sa kaniyang isipan ang kaniyang tagumpay. Marahil inisiip niyang ipaghiganti ang 3000 na pinaslang ng mga pinauwing mersenaryong Israelita. Inisiip niya sigurong ito ay kaduwagan na dapat parusahan. 

Nalimutan niya ang babala ng propeta. Dahil sa kaniyang pagpulot ng mga diosdiosan ng mga Edomita, hinayaan ng Diyos na matalo siya ni Joash. Winasak nito ang malaking bahagi ng Jerusalem at kinuha ang mga kayamanan ng palasyo at ng templo. 

Bagamat nabuhay pa siya ng 15 na taon pagkatapos ni Joash, siya ay hinayaan ng Diyos na mahulog sa kamay ng mga konspirador. He died the sin unto death. 

Anong lesson ang makukuha natin dito? Huwag tayong magpalalo. Huwag natin hayaang pasukin ng tagumpay ang ating mga ulo. Ang ating katapatan ay dapat laging nasa Diyos at hindi sa mga diosdiosan. Maaaring hindi tayo lumuluhod sa mga diosdiosang bato at kahoy, ngunit ilan ang sumasamba sa pera at kapangyarihan? 

Kahit ang matuwid ay maaaring mahulog sa kasalanan kung hindi niya babantayan ang kaniyang puso. Manalig sa Diyos sa tuwina. 

Manatiling nakapokus sa biyaya. Huwag ninyong hayaang nakawin ng mga huwad na guro ang inyong karapatang mag-isip ng doktrina. 

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, kada 1:00-3:00 pm. Sana manampalataya kayo at kita-kita tayo.

Isang mahalagang paalala: ang mga blogs na ito ay personal kong opinyon at eksposisyon; hindi ito opisyal na pananaw ng Partido Christian Bible Church. Kung nais ninyong malaman ang kanilang opisyal na posisyun, magtanong kayo sa mga matanda ng simbahan. Ang Nieto Bible Page ay isang hiwalay na ministri mula sa PCBC at independiyente rito. Nakikipagtipon ako sa PCBC, pero may personal akong kumbiksiyon sa mga bagay. Bagama't miyembro (muli) ako ng teaching and ruling leadership ng PCBC, anumang mabasa ninyo rito ay hiwalay sa kanila. Anumang nasusulat ay aking pananagutan. 

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)

Download for free: https://faithalone.org/ebooks/santiago/




Comments

Post a Comment

Popular posts from this blog

Isang Pag-aaral sa Efeso 2:8-9

By
Image
Basahin ang mga sitas sa ibaba (kung maaari ay basahin ang buong kapitulo) at sagutin ang mga sumusunod na tanong. Efeso 2:8 Sapagka't sa biyaya kayo'y nangaligtas sa pamamagitan ng pananampalataya; at ito'y hindi sa inyong sarili, ito'y kaloob ng Dios; 9 Hindi sa pamamagitan ng mga gawa, upang ang sinoman ay huwag magmapuri. 1. Sa v1-3, nilarawan ni Pablo ang kalagayan ng mga taga-Efeso bago sila naligtas. Ayon sa v8 paano raw naligtas ang mga taga-Efeso? 2. Kapag sinabing biyaya, ito ay kagandahang-loob ng Diyos na walang tampat. Bakit ang biyaya at pananampalataya ang tamang kombinasyon upang ang tao ay maligtas at hindi ang gawa o Kautusan? (Basahin ang Roma 4:1-8; 11:6 at Gal 2:14-21 para sa karagdagang impormasyon.) 3. Ano raw ang kaloob ng Diyos sa v8? Bakit ang kaligtasan ay kailangang iregalo at hindi mapagtatrabahuhan? 4. Ang kaligtasan ba ay galing sa atin o regalo ng Diyos? Sa iyong palagay bakit ang mga palalo ay iniisip na matatamo nilang ang kaligtasan sa...
Read more

Panalangin sa Kapatiran

By
Image
  Isa sa pinakamalaking bagay na maaari mong gawin sa isang tao ay ang ipanalangin siya. Ang panalangin sa mga kapatid ay ekspresyon ng pag-ibig. Sa pamamagitan nito, nakikibahagi tayo sa kanilang mga buhay at nakikibuhat sa kanilang mga pasanin.  1. Tinuturo ng Biblia ang pangangailangang ipanalangin ang mga kapatid, San 5:16; Ef 6:18 2. Mahalaga ang panalangin dahil a) nagdadala ito ng lakas at pagkakaisa sa simbahan; b) nagdudulot ito ng kagalingan at restorasyon sa mga namimighati, 2 Cor 1:11; Col 2:2 3. Paano natin sila ipapanalangin? Para sa espirituwal na paglago at relasyon sa Diyos. Para sa kanilang pisikal at emosyonal na pangangailangan, Col 1:9-12. Sikapin nating maging tugon sa ating sariling panalangin, 1 Juan 3:16-18.  4. Ang kapangyarihan ng panalangin. Ang Espiritu Santo ay namamagitan para sa atin at nagbibigay kapangyarihan sa ating mga panalangin. Ito ay nagreresulta sa paglagong espirituwal at himalang pamamagitan ng Diyos, Roma 8:26-27. 5. Bakit kail...
Read more

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more