Mga mababait lang ba ang aakyat sa langit?

By

 


Mababait lang ba ang aakyat sa langit? 

I hope not. Dahil kung oo, wala akong pag-asang makarating sa langit. 

Hindi ako mabait. At least sa sarili kong assessment ng aking sarili. I know that deep within me, kahit sa mga panahong gusto kong gumawa ng mabuti, may prinsipiyo ng kasamaan sa aking laman. 

Kaya kapag may nagsasabing mabait daw ako, natatawa ako. Apparently hindi niya pa ako kilalang lubusan. Nakikita lang nila ang side ko sa work or sa church, not when I am at home or I am alone. 

Or, nasabi nila ito dahil kinukumpara nila ako sa ibang tao. Kinukumpara sa mga pasaway sa lipunan. Mabait dahil hindi lasenggero, butanggero o tulisan. Mabait dahil hindi nananakit ng asawa o nagpapabaya sa mga anak. 

Relative righteousness. Mabait o mabuti dahil kinukumpara sa iba. 

Honestly that is a bit annoying. It is like saying pasado ka kasi naka-68 ka samantalang ang iba ay naka-65. As far as I am concerned, ang 68 gaano man kataas sa 65 ay bagsak pa rin dahil hindi umabot sa standard na 75. Nagmumukha lang siyang mataas kapag kinumpara sa mas mababang marka. 

As I have said relative righteousness. 

Which brings me back to my initial question. Mabait lang ba ang aakyat sa langit? 

Kung iikumpara natin ang ating sarili sa ibang "mas masama" masasabi nating tayo ay mabait. Hindi lasenggero, hindi butanggero, hindi manloloko. Relative na kabutihan dahil may mas masama. Pero kapag kinumpara natin ang sarili natin sa standard ng katuwiran ng Diyos- bagsak! 

Madaling mag-akalang magaling ang 68 kapag kinumpara sa 65 pero bagsak kapag kinumpara sa 75. Ganuon din madaling sabihing mabait na tao kapag kinumpara sa mga pasaway ngunit bagsak kapag kinumpara sa pamantayan ng Diyos. 

Hayaan nating ang Kasulatan ang magsalita:

Roma 3:23 Sapagka't ang lahat ay nangagkasala nga, at hindi nangakaabot sa kaluwalhatian ng Dios.

Ang lahat, kahit ang "mababait" ay nagkasala at hindi nangakaabot sa KALUWALHATIAN ng Diyos. 

See ang standard ay hindi ang ating kalagayan as compared to other people. It is our state in comparison to God. And the divine evaluation is all have sinned. 

Kaya gaya ng sinabi ko kung tanging "mababait" ang aakyat sa langit, hindi ako makaaakyat sa langit. 

Thankfully, God even the playing field. Sinugo Niya ang Kaniyang Bugtong na Anak upang bayaran ang kasalanan ng buong sanlibutan. Inalis Niya ang kasalanan bilang factor sa kaligtasan. Walang taong makapagsasabing hindi ako makaaakyat sa langit ng dahil sa kasalanan. 

Sa halip ang isyu ay nanampalataya ka ba kay Jesus o hindi. Kahit sino ay maaaring manampalataya. Ang nanampalataya ay mayroong buhay na walang hanggan. 

So I am thankful na hindi binase ng Diyos ang kaligtasan sa kabaitan. Binase Niya ito sa gawa ng Kaniyang perpektong Anak. Tinanggap natin ang buhay na walang hanggan sa pamamagitan ng pananampalataya kay Jesus. 

Manatiling nakapokus sa biyaya. Huwag ninyong hayaang nakawin ng mga huwad na guro ang inyong karapatang mag-isip ng doktrina. 


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, kada 1:00-3:00 pm. Sana manampalataya kayo at kita-kita tayo.

Isang mahalagang paalala: ang mga blogs na ito ay personal kong opinyon at eksposisyon; hindi ito opisyal na pananaw ng Partido Christian Bible Church. Kung nais ninyong malaman ang kanilang opisyal na posisyun, magtanong kayo sa mga matanda ng simbahan. Ang Nieto Bible Page ay isang hiwalay na ministri mula sa PCBC at independiyente rito. Nakikipagtipon ako sa PCBC, pero may personal akong kumbiksiyon sa mga bagay. Bagama't miyembro (muli) ako ng teaching and ruling leadership ng PCBC, anumang mabasa ninyo rito ay hiwalay sa kanila. Anumang nasusulat ay aking pananagutan. 

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)

Download for free: https://faithalone.org/ebooks/santiago/



Comments

Post a Comment

Popular posts from this blog

Isang Pag-aaral sa Efeso 2:8-9

By
Image
Basahin ang mga sitas sa ibaba (kung maaari ay basahin ang buong kapitulo) at sagutin ang mga sumusunod na tanong. Efeso 2:8 Sapagka't sa biyaya kayo'y nangaligtas sa pamamagitan ng pananampalataya; at ito'y hindi sa inyong sarili, ito'y kaloob ng Dios; 9 Hindi sa pamamagitan ng mga gawa, upang ang sinoman ay huwag magmapuri. 1. Sa v1-3, nilarawan ni Pablo ang kalagayan ng mga taga-Efeso bago sila naligtas. Ayon sa v8 paano raw naligtas ang mga taga-Efeso? 2. Kapag sinabing biyaya, ito ay kagandahang-loob ng Diyos na walang tampat. Bakit ang biyaya at pananampalataya ang tamang kombinasyon upang ang tao ay maligtas at hindi ang gawa o Kautusan? (Basahin ang Roma 4:1-8; 11:6 at Gal 2:14-21 para sa karagdagang impormasyon.) 3. Ano raw ang kaloob ng Diyos sa v8? Bakit ang kaligtasan ay kailangang iregalo at hindi mapagtatrabahuhan? 4. Ang kaligtasan ba ay galing sa atin o regalo ng Diyos? Sa iyong palagay bakit ang mga palalo ay iniisip na matatamo nilang ang kaligtasan sa...
Read more

Panalangin sa Kapatiran

By
Image
  Isa sa pinakamalaking bagay na maaari mong gawin sa isang tao ay ang ipanalangin siya. Ang panalangin sa mga kapatid ay ekspresyon ng pag-ibig. Sa pamamagitan nito, nakikibahagi tayo sa kanilang mga buhay at nakikibuhat sa kanilang mga pasanin.  1. Tinuturo ng Biblia ang pangangailangang ipanalangin ang mga kapatid, San 5:16; Ef 6:18 2. Mahalaga ang panalangin dahil a) nagdadala ito ng lakas at pagkakaisa sa simbahan; b) nagdudulot ito ng kagalingan at restorasyon sa mga namimighati, 2 Cor 1:11; Col 2:2 3. Paano natin sila ipapanalangin? Para sa espirituwal na paglago at relasyon sa Diyos. Para sa kanilang pisikal at emosyonal na pangangailangan, Col 1:9-12. Sikapin nating maging tugon sa ating sariling panalangin, 1 Juan 3:16-18.  4. Ang kapangyarihan ng panalangin. Ang Espiritu Santo ay namamagitan para sa atin at nagbibigay kapangyarihan sa ating mga panalangin. Ito ay nagreresulta sa paglagong espirituwal at himalang pamamagitan ng Diyos, Roma 8:26-27. 5. Bakit kail...
Read more

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more