Mga Ipinanganak na Walang Buhay?

By

 


Isang nakalulungkot na trahedya ang makuhanan. Ilang buwan mong dinala sa sinapupunan pero hindi naipanganak na buhay. 

Something spiritually is happening. Maraming nagki-claim na sila ay born again ngunit kung tanungin mo kung may buhay na walang hanggan, ang sagot ay wala. 

Para sa mga taong ito, ang born again ay relihiyon (religious born again), hindi kapanganakang espirituwal (tunay na born again).

Sa Juan 3, sinabihan ni Jesus si Nicodemong kailangan niyang ipanganak na muli. Hindi ko tiyak kung sarkastiko si Nicodemo o genuinely curious siya, nagtanong siya kung paano siya makababalik sa sinapupunan ng kaniyang ina? Jesus chides him dahil bilang guro ng Israel dapat alam niya ang kapanganakang muli dahil ito ay binanggit ni Ezekiel. 

Pinaliwanag ni Jesus na ang bagong kapanganakan ay espirituwal. Kahit bumalik pa si Nicodemo sa sinapupunan ng kaniyang ina, ang laman ay manganganak lamang ng laman, ang ipinanganak ng Espiritu ay espiritu rin. Pinaliwanag din Niyang ito ay hindi nauunawaan ng tao kung paanong hindi alam ng tao kung saan galing ang hangin at kung saan ito patutungo.

Ipinaliwanag ni Jesus ang mekanismo ng kapanganakang muli: ang sumampalataya kay Jesus ay hindi mapapahamak kundi mayroong buhay na walang hanggan. 

Juan 3:16 Sapagka't gayon na lamang ang pagsinta ng Dios sa sanglibutan, na ibinigay niya ang kaniyang bugtong na Anak, upang ang sinomang sa kaniya'y sumampalataya ay huwag mapahamak, kundi magkaroon ng buhay na walang hanggan.

Sa liwanag ng pahayag ni Jesus nakapagtatakang marami kaming nakausap na mga born again kapag kami ay nag-house-to-house evangelism na walang buhay na walang hanggan. Kapag tinanong sila kung paano ma-born again, sinasabi nilang kailangan mong magsisi at bumalik sa Diyos, mga pamamaraang hindi binanggit ni Jesus sa Juan 3, kung saan kinuha ang pangalang "born again."

Sa mata ng marami, ang born again ay miyembro ng relihiyong mahilig at masayahing kumanta (very commendable in my opinion), maiikli ang sermong devotional type rather than expositional (15 minutes?) at moralista. Ngunit sa Kasulatan, ito ay termino para sa mga nanampalataya kay Cristo at ipinanganak nang muli. 

May mga panahong ayaw kong gamitin ang born again bilang panlarawan sa sarili dahil sa negatibong asosasyon sa mga "thorn again," o "burn against." Ironically maraming nagpapakilalang born again ang hindi born again (hindi sila nanampalataya kay Cristo para sa buhay na walang hanggan kundi umaasa sa kanilang mga gawa upang iligtas sila) at maraming hindi tinatawag ang sariling "born again" ( gaya ng mga Baptist, Presbyterian, nondenom o Bible Church Christians) ang tunay na born again. 

Born again is not a religion. It is a spiritual status of people who believe in Jesus for eternal life. 

Ang Espiritu ay hindi baog. Ang Kaniyang ipinanganak na muli (born again) ay may buhay na walang hanggan. Walang miscarriage o spontaneous abortion sa Espiritu. Ang tunay na born again (hindi religious born again) ay may buhay na walang hanggan. 

Be born again by faith alone in Christ alone. Don't be a religious born again. Walang taong maliligtas ng dahil sa relihiyon. Ang nag-iisang kundisyon upang magkaroon ng buhay na walang hanggan ay manampalataya kay Cristo. At ang buhay na ito ay hindi maiwawala kailan man. 

Manatiling nakapokus sa biyaya. Huwag ninyong hayaang nakawin ng mga huwad na guro ang inyong karapatang mag-isip ng doktrina. 




(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, kada 1:00-3:00 pm. Sana manampalataya kayo at kita-kita tayo.

Isang mahalagang paalala: ang mga blogs na ito ay personal kong opinyon at eksposisyon; hindi ito opisyal na pananaw ng Partido Christian Bible Church. Kung nais ninyong malaman ang kanilang opisyal na posisyun, magtanong kayo sa mga matanda ng simbahan. Ang Nieto Bible Page ay isang hiwalay na ministri mula sa PCBC at independiyente rito. Nakikipagtipon ako sa PCBC, pero may personal akong kumbiksiyon sa mga bagay. Bagama't miyembro (muli) ako ng teaching and ruling leadership ng PCBC, anumang mabasa ninyo rito ay hiwalay sa kanila. Anumang nasusulat ay aking pananagutan. 

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)

Download for free: https://faithalone.org/ebooks/santiago/




Comments

Post a Comment

Popular posts from this blog

Isang Pag-aaral sa Efeso 2:8-9

By
Image
Basahin ang mga sitas sa ibaba (kung maaari ay basahin ang buong kapitulo) at sagutin ang mga sumusunod na tanong. Efeso 2:8 Sapagka't sa biyaya kayo'y nangaligtas sa pamamagitan ng pananampalataya; at ito'y hindi sa inyong sarili, ito'y kaloob ng Dios; 9 Hindi sa pamamagitan ng mga gawa, upang ang sinoman ay huwag magmapuri. 1. Sa v1-3, nilarawan ni Pablo ang kalagayan ng mga taga-Efeso bago sila naligtas. Ayon sa v8 paano raw naligtas ang mga taga-Efeso? 2. Kapag sinabing biyaya, ito ay kagandahang-loob ng Diyos na walang tampat. Bakit ang biyaya at pananampalataya ang tamang kombinasyon upang ang tao ay maligtas at hindi ang gawa o Kautusan? (Basahin ang Roma 4:1-8; 11:6 at Gal 2:14-21 para sa karagdagang impormasyon.) 3. Ano raw ang kaloob ng Diyos sa v8? Bakit ang kaligtasan ay kailangang iregalo at hindi mapagtatrabahuhan? 4. Ang kaligtasan ba ay galing sa atin o regalo ng Diyos? Sa iyong palagay bakit ang mga palalo ay iniisip na matatamo nilang ang kaligtasan sa...
Read more

Panalangin sa Kapatiran

By
Image
  Isa sa pinakamalaking bagay na maaari mong gawin sa isang tao ay ang ipanalangin siya. Ang panalangin sa mga kapatid ay ekspresyon ng pag-ibig. Sa pamamagitan nito, nakikibahagi tayo sa kanilang mga buhay at nakikibuhat sa kanilang mga pasanin.  1. Tinuturo ng Biblia ang pangangailangang ipanalangin ang mga kapatid, San 5:16; Ef 6:18 2. Mahalaga ang panalangin dahil a) nagdadala ito ng lakas at pagkakaisa sa simbahan; b) nagdudulot ito ng kagalingan at restorasyon sa mga namimighati, 2 Cor 1:11; Col 2:2 3. Paano natin sila ipapanalangin? Para sa espirituwal na paglago at relasyon sa Diyos. Para sa kanilang pisikal at emosyonal na pangangailangan, Col 1:9-12. Sikapin nating maging tugon sa ating sariling panalangin, 1 Juan 3:16-18.  4. Ang kapangyarihan ng panalangin. Ang Espiritu Santo ay namamagitan para sa atin at nagbibigay kapangyarihan sa ating mga panalangin. Ito ay nagreresulta sa paglagong espirituwal at himalang pamamagitan ng Diyos, Roma 8:26-27. 5. Bakit kail...
Read more

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more