Prayer is the secret

By

 


Naiinggit ako sa mga Cristianong kahit anong pagsubok ang dumaraan sa kanilang buhay ay hindi nagagalaw. Kalamidad, economic problems, karamdaman, kahit anong dumating sa kanilang buhay, tila lagi silang kalmado. Napapatanong ako kung ano ang sikreto sa kanilang lakas.

Minsan natanong ko ang aking biyenan kung ano ang sikreto ng kanilang espirituwal na lakas. Binanggit niya ang pagtitiwala sa Diyos, pag-aaral ng Kaniyang Salita at pananalangin. Aaminin kong weakness ko ang pananalangin.

Ang sikreto sa nakikitang lakas ay ang hindi nakikitang buhay panalangin. Kaya pala may lakas silang harapin ang problema ng buhay ay dahil kumukuha sila ng lakas hindi mula sa kanilang sarili kundi mula sa Diyos.

Sa tagong silid, ang mga malalakas na Cristiano ay lumuluhod at humihingi ng lingap mula sa Diyos. Sabi nga ng matatanda, ang layo ng Cristiano sa espirituwal na tagumpay ay ang distansiya sa pagitan ng kaniyang tuhof at sahig. Ang Cristianong laging nasa paanan ng Panginoon sa panalangin ay may sikreto ng espirituwal na tagumpay.

Ang tagumpay na ito ay hindi makukuha sa pisikal na lakas, sosyal na impluwensiya o materyal na yaman. Ito ay panloob na lakas na nagagawang harapin ang anumang panlabas na pagsubok nang may kagalakan dahil ang bawat pagsubok ay demonstrasyon ng pag-iingat ng Diyos.

Christians, ang mundo ay pasama nang pasama. Ang ating kaaway ay nag-o-overtime para ma-distract tayo sa kung ano ang mahalaga. Gagamitin niya ang mga tao sa ating paligid (mga kapitbahay, katrabaho, kaibigan, kasimbahan, atbp) upang tayo ay ilayo sa Diyos. Gagamitin niya ang mga sirkumstansiya (problemang ekonomikal, kalamidad, depresyon, atbp) upang tayo ay manghina o upang maghanap ng ibang malalapitan. Gagamitin niya ang ating kalusugan (o kawalan nito) upang tayo ay ibagsak. In other words, gaya ng isang magaling na boksingero, hahanapin niya ang ating kahinaan at doon tayo aatakehin.

Mas matalino at mas malakas si Satanas pero ang Diyos ay omnisiyente at omnipotente. Lumapit tayo sa Kaniya upang mapaglabanan ang masama.

Manatiling nakapokus sa biyaya. Huwag ninyong hayaang nakawin ng mga huwad na guro ang inyong karapatang mag-isip ng doktrina.

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, kada 1:00-3:00 pm. Sana manampalataya kayo at kita-kita tayo.

Isang mahalagang paalala: ang mga blogs na ito ay personal kong opinyon at eksposisyon; hindi ito opisyal na pananaw ng Partido Christian Bible Church. Kung nais ninyong malaman ang kanilang opisyal na posisyun, magtanong kayo sa mga matanda ng simbahan. Ang Nieto Bible Page ay isang hiwalay na ministri mula sa PCBC at independiyente rito. Nakikipagtipon ako sa PCBC, pero may personal akong kumbiksiyon sa mga bagay. Bagama’t miyembro (muli) ako ng teaching and ruling leadership ng PCBC, anumang mabasa ninyo rito ay hiwalay sa kanila. Anumang nasusulat ay aking pananagutan.

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)



Comments

Post a Comment

Popular posts from this blog

Isang Pag-aaral sa Efeso 2:8-9

By
Image
Basahin ang mga sitas sa ibaba (kung maaari ay basahin ang buong kapitulo) at sagutin ang mga sumusunod na tanong. Efeso 2:8 Sapagka't sa biyaya kayo'y nangaligtas sa pamamagitan ng pananampalataya; at ito'y hindi sa inyong sarili, ito'y kaloob ng Dios; 9 Hindi sa pamamagitan ng mga gawa, upang ang sinoman ay huwag magmapuri. 1. Sa v1-3, nilarawan ni Pablo ang kalagayan ng mga taga-Efeso bago sila naligtas. Ayon sa v8 paano raw naligtas ang mga taga-Efeso? 2. Kapag sinabing biyaya, ito ay kagandahang-loob ng Diyos na walang tampat. Bakit ang biyaya at pananampalataya ang tamang kombinasyon upang ang tao ay maligtas at hindi ang gawa o Kautusan? (Basahin ang Roma 4:1-8; 11:6 at Gal 2:14-21 para sa karagdagang impormasyon.) 3. Ano raw ang kaloob ng Diyos sa v8? Bakit ang kaligtasan ay kailangang iregalo at hindi mapagtatrabahuhan? 4. Ang kaligtasan ba ay galing sa atin o regalo ng Diyos? Sa iyong palagay bakit ang mga palalo ay iniisip na matatamo nilang ang kaligtasan sa...
Read more

Panalangin sa Kapatiran

By
Image
  Isa sa pinakamalaking bagay na maaari mong gawin sa isang tao ay ang ipanalangin siya. Ang panalangin sa mga kapatid ay ekspresyon ng pag-ibig. Sa pamamagitan nito, nakikibahagi tayo sa kanilang mga buhay at nakikibuhat sa kanilang mga pasanin.  1. Tinuturo ng Biblia ang pangangailangang ipanalangin ang mga kapatid, San 5:16; Ef 6:18 2. Mahalaga ang panalangin dahil a) nagdadala ito ng lakas at pagkakaisa sa simbahan; b) nagdudulot ito ng kagalingan at restorasyon sa mga namimighati, 2 Cor 1:11; Col 2:2 3. Paano natin sila ipapanalangin? Para sa espirituwal na paglago at relasyon sa Diyos. Para sa kanilang pisikal at emosyonal na pangangailangan, Col 1:9-12. Sikapin nating maging tugon sa ating sariling panalangin, 1 Juan 3:16-18.  4. Ang kapangyarihan ng panalangin. Ang Espiritu Santo ay namamagitan para sa atin at nagbibigay kapangyarihan sa ating mga panalangin. Ito ay nagreresulta sa paglagong espirituwal at himalang pamamagitan ng Diyos, Roma 8:26-27. 5. Bakit kail...
Read more

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more