I can't keep all the rules but grace keeps me safe

By

 


We all have the tendency to equate being a good Christian with keeping all the rules. Ganito tayo mag-isip nang tayo ay unbelievers pa- iniisip nating maililigtas natin ang ating mga sarili sa pamamagitan ng ating mga gawa. At ngayong nanampalataya na tayo at may kaligtasan, malibang baguhin ng doktrina ang ating isipan, nakaasa pa rin tayo sa mga gawa. Iniisip nating ang espirituwalidad ay serye ng gawang panrelihiyon - Bible studies, prayer meetings, devotionals. 

Mahalaga ang mga gawa sapagkat ang mga ito ang sumasakdal sa pananampalataya. Ngunit hindi ito dapat maging substitute sa biyaya at pananampalataya.

Hindi natin dapat akalaing ang buhay Cristiano ay walang tigil na gawa at pagsunod sa mga alituntunin. Kahit mga unbelievers kayang gawin iyan. In fact, maraming unbelievers ang mas masipag at masikap sa pagsunod sa mga alituntunin at sa mabubuting gawa dahil dito nila inaasa ang kanilang kaligtasan. Anumang kayang gawin ng hindi mananampalataya ay hindi ang espirituwal na buhay. 

Sa halip ang basehan ng paglago ay ang pagkahalintulad kay Cristo. Tanungin natin ang ating mga sarili- ang ating buhay ba ay mas hawig sa mga Fariseo (legalista at mapanghusga) o kay Cristo (puno ng katotohanan at biyaya)? 

Kung kaya nating sumunod sa mga alituntunin, hindi natin kakailanganin ang biyaya. Kailangan natin ang biyaya dahil hindi natin masunod ang mga alituntunin even on our best day. 

Kaya nga tayo inalis sa Kautusan at nilagay sa biyaya. Upang magkaroon tayo ng kalayaang maglingkod at hindi mapilitan dahil sa takot na mawala ang kaligtasan kapag nagkulang. Bakit natin ipapailalim ang ating mga sarili sa kautusang pantao? 

Habang lumalago ako sa pananampalataya, mas lalo kong nakikitang on my own I cannot obey. I love to pero may prinsipiyo sa aking lamang lumalaban sa prinsipiyo sa aking isipan at hindi ko magawa ang gusto kong gawin at ang hindi ko dapat gawin ay siya kong ginagawa. Kailangan ko ang Espiritu upang makalakad sa Kaniyang harapan. 

Hindi mo mae-equate ang espirituwal na buhay bilang serye ng mga alituntunin at gawa. Ito ay paglago sa pagkakilala sa Kaniya. At pagnanais na gawin ang gusto Niya, hindi ang magpakalango sa gawang panrelihiyon. 

Manatiling nakapokus sa biyaya. Huwag ninyong hayaang nakawin ng mga huwad na guro ang inyong karapatang mag-isip ng doktrina. 

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, kada 1:00-3:00 pm. Sana manampalataya kayo at kita-kita tayo.

Isang mahalagang paalala: ang mga blogs na ito ay personal kong opinyon at eksposisyon; hindi ito opisyal na pananaw ng Partido Christian Bible Church. Kung nais ninyong malaman ang kanilang opisyal na posisyun, magtanong kayo sa mga matanda ng simbahan. Ang Nieto Bible Page ay isang hiwalay na ministri mula sa PCBC at independiyente rito. Nakikipagtipon ako sa PCBC, pero may personal akong kumbiksiyon sa mga bagay. Bagama't miyembro (muli) ako ng teaching and ruling leadership ng PCBC, anumang mabasa ninyo rito ay hiwalay sa kanila. Anumang nasusulat ay aking pananagutan. 

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)




Comments

Post a Comment

Popular posts from this blog

Isang Pag-aaral sa Efeso 2:8-9

By
Image
Basahin ang mga sitas sa ibaba (kung maaari ay basahin ang buong kapitulo) at sagutin ang mga sumusunod na tanong. Efeso 2:8 Sapagka't sa biyaya kayo'y nangaligtas sa pamamagitan ng pananampalataya; at ito'y hindi sa inyong sarili, ito'y kaloob ng Dios; 9 Hindi sa pamamagitan ng mga gawa, upang ang sinoman ay huwag magmapuri. 1. Sa v1-3, nilarawan ni Pablo ang kalagayan ng mga taga-Efeso bago sila naligtas. Ayon sa v8 paano raw naligtas ang mga taga-Efeso? 2. Kapag sinabing biyaya, ito ay kagandahang-loob ng Diyos na walang tampat. Bakit ang biyaya at pananampalataya ang tamang kombinasyon upang ang tao ay maligtas at hindi ang gawa o Kautusan? (Basahin ang Roma 4:1-8; 11:6 at Gal 2:14-21 para sa karagdagang impormasyon.) 3. Ano raw ang kaloob ng Diyos sa v8? Bakit ang kaligtasan ay kailangang iregalo at hindi mapagtatrabahuhan? 4. Ang kaligtasan ba ay galing sa atin o regalo ng Diyos? Sa iyong palagay bakit ang mga palalo ay iniisip na matatamo nilang ang kaligtasan sa...
Read more

Panalangin sa Kapatiran

By
Image
  Isa sa pinakamalaking bagay na maaari mong gawin sa isang tao ay ang ipanalangin siya. Ang panalangin sa mga kapatid ay ekspresyon ng pag-ibig. Sa pamamagitan nito, nakikibahagi tayo sa kanilang mga buhay at nakikibuhat sa kanilang mga pasanin.  1. Tinuturo ng Biblia ang pangangailangang ipanalangin ang mga kapatid, San 5:16; Ef 6:18 2. Mahalaga ang panalangin dahil a) nagdadala ito ng lakas at pagkakaisa sa simbahan; b) nagdudulot ito ng kagalingan at restorasyon sa mga namimighati, 2 Cor 1:11; Col 2:2 3. Paano natin sila ipapanalangin? Para sa espirituwal na paglago at relasyon sa Diyos. Para sa kanilang pisikal at emosyonal na pangangailangan, Col 1:9-12. Sikapin nating maging tugon sa ating sariling panalangin, 1 Juan 3:16-18.  4. Ang kapangyarihan ng panalangin. Ang Espiritu Santo ay namamagitan para sa atin at nagbibigay kapangyarihan sa ating mga panalangin. Ito ay nagreresulta sa paglagong espirituwal at himalang pamamagitan ng Diyos, Roma 8:26-27. 5. Bakit kail...
Read more

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more