You are responsible for your family's faith

 

Deuteronomio 6:6 At ang mga salitang ito, na aking iniuutos sa iyo sa araw na ito, ay sasa iyong puso; 7 At iyong ituturo ng buong sikap sa iyong mga anak, at iyong sasalitain tungkol sa kanila pagka ikaw ay nakaupo sa iyong bahay, at pagka ikaw ay lumakad sa daan, at pagka ikaw ay nahihiga at pagka ikaw ay bumabangon.

Children don't need a perfect parent. They need a present parent. 

Nakalulungkot na tayo ay masikap sa pag-aaruga ng ating mga anak except for the one area that matters the most- their spiritual life.

Binibigay natin ang kanilang physical and financial needs. Namumuhunan tayo sa tutor, camps at seminars para mas lalo silang gumaling. Pinasasali natin sila sa martial arts and science camps upang mapabuti ang kanilang social skills. 

Pero pinababayaan natin ang kanilang spiritual life. 

Inaasa natin sa iba ang pagpapalago ng kanilang mga espirituwal na buhay.

Nuong bata pa, pinasa natin ang espirituwal na pormasyon sa mga Sunday school o prep teachers. Noong teen-ager na pinasa sa youth president o sa choir trainer. At nang tumanda na umaasa na lang tayong sana manatili pa rin siya sa simbahan.

Pinalaki natin ang mga bata sa youth camps, choir practices, devotional meetings, prayer meetings at kung anu-anong substitute except sa pinakamahalaga at ang tanging nabanggit sa Biblia na paraan ng pagpapalaki ng anak- sa paanan ng sariling mga magulang. 

Bilang mga guro, tinuturuan natin ang ibang mga bata sa math o English. Bakit hindi natin gamitin ang parehong kasanayan upang turuan ng doktrina ang ating mga anak?

Hindi substitute ang relihiyon sa pagtuturo ng pamilya. After all ibinigay ng Diyos ang mga bata sa mga magulang; hindi sila tumubo sa pintuan ng simbahan. 

Gusto ninyong masigurong maipapasabang ating pananampalataya at pagpapahalaga? Simulan ninyo sa inyong mga hapag-kainan.

Manatiling nakapokus sa biyaya. Huwag ninyong hayaang nakawin ng mga huwad na guro ang inyong karapatang mag-isip ng doktrina. 

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, kada 1:00-3:00 pm. Sana manampalataya kayo at kita-kita tayo.

Isang mahalagang paalala: ang mga blogs na ito ay personal kong opinyon at eksposisyon; hindi ito opisyal na pananaw ng Partido Christian Bible Church. Kung nais ninyong malaman ang kanilang opisyal na posisyun, magtanong kayo sa mga matanda ng simbahan. Ang Nieto Bible Page ay isang hiwalay na ministri mula sa PCBC at independiyente rito. Nakikipagtipon ako sa PCBC, pero may personal akong kumbiksiyon sa mga bagay. Bagama't miyembro (muli) ako ng teaching and ruling leadership ng PCBC, anumang mabasa ninyo rito ay hiwalay sa kanila. Anumang nasusulat ay aking pananagutan. 

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)