Ngunit hindi ko ramdam na ako ay ligtas

By

 


1 Juan 3:20 Sapagka't kung hinahatulan tayo ng ating puso, ang Dios ay lalong dakila kay sa ating puso, at nalalaman niya ang lahat ng mga bagay. 21 Mga minamahal, kung tayo'y hindi hinahatulan ng ating puso, ay may pagkakatiwala tayo sa Dios...

Nitong nakaraang Mayo 15, nag-house-to-house evangelism at tracts distribution kami sa Gimaga. May nakausap kaming mga born again. Mabilis naming natuklasang ang mga born again na ito ay walang katiyakan ng buhay na walang hanggan. 

Isa sa pagtutol na inalok ay hindi niya ramdam na siya ay ligtas. 

Ngunit ang buhay na walang hanggan (o kaligtasan) ay hindi nakabatay sa ating nararamdaman. Ang buhay na walang hanggan ay nakakundisyon sa pananampalataya kay Cristo lamang, Juan 3:16; Gawa 16:31. Hindi pinag-uusapan ang nararamdaman.

Maaaring malungkot ka at nanampalataya o masaya at nanampalataya. Anuman ang iyong nararamdaman, ang mahalaga ay nanampalataya ka. Ang pangako ni Jesus mismo ay ang nanampalataya (hindi ang may nararamdaman) ay may buhay na walang hanggan. 

Kung ang pakiramdam ay kailangan upang magkaroon ng buhay na walang hanggan, walang pag-asang maligtas ang mga paralisado o mga manhid. 

Ang nag-iisang kundisyon upang magkaroon ng buhay na walang hanggan ay pananampalataya kay Jesus. 

Ang ating nararamdaman ay hindi barometro ng ating espirituwal na kalagayan at buhay. Maraming salik na nakakaapekto sa ating nararamdaman gaya ng nutrisyon, stress sa trabaho at pamilya o kundisyong medikal. Kung aasa tayo sa nararamdaman, tayo ay tila nakasakay sa roller coaster at walang estabilidad sa buhay.

Ang 2x2 ay nananatiling 4 anuman ang iyong nararamdaman. Hindi mababago ng emosyon ang matematika. Ang mga espirituwal na katotohanan ng Biblia ay ganuon din. Ang nanampalataya ay may buhay na walang hanggan anuman ang iyong nararamdaman. Hindi mababago ng iyong nararamdaman ang katotohanan ng pangako ni Jesus. 

Ituon ang puso sa pangako ni Jesus at hindi sa ating nararamdaman. Manatiling nakapokus sa biyaya. Huwag ninyong hayaang nakawin ng mga huwad na guro ang inyong karapatang mag-isip ng doktrina. 

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, kada 1:00-3:00 pm. Sana manampalataya kayo at kita-kita tayo.

Isang mahalagang paalala: ang mga blogs na ito ay personal kong opinyon at eksposisyon; hindi ito opisyal na pananaw ng Partido Christian Bible Church. Kung nais ninyong malaman ang kanilang opisyal na posisyun, magtanong kayo sa mga matanda ng simbahan. Ang Nieto Bible Page ay isang hiwalay na ministri mula sa PCBC at independiyente rito. Nakikipagtipon ako sa PCBC, pero may personal akong kumbiksiyon sa mga bagay. Dahil hindi ako miyembro ng teaching and ruling leadership ng PCBC, anumang mabasa ninyo rito ay hiwalay sa kanila. Anumang nasusulat ay aking pananagutan. 

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)



Comments

Post a Comment

Popular posts from this blog

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

THE ONLY TRUE RACIAL RECONCILIATION

By
Image
THE ONLY TRUE RACIAL RECONCILIATION Ephesians 2:14-16 [14]For He Himself is our peace, who made both groups into one and broke down the barrier of the dividing wall, [15]by abolishing in His flesh the enmity, which is the Law of commandments contained in ordinances, so that in Himself He might make the two into one new man, thus establishing peace, [16]and might reconcile them both in one body to God through the cross, by it having put to death the enmity. (Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)
Read more

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more