Kailangan ko bang parawarin ang aking kapwa upang magkaroon ng buhay na walang hanggan?

By

 


Sa dami ng taong nagkasala sa akin, at sigurado akong mas marami ang bilang kung saan ako ay nagkasala sa kanila, good luck kung magawa kong patawarin silang lahat at kung kaya nilang lahat na patawarin ako. Kung ang pagkakaroon ng buhay na walang hanggan ay nakasalalay sa pagpapatawad sa ating kapwa, walang sinuman ang magkakaroon ng buhay na walang hanggan. 

I don't want to be cynical but hindi parte ng human nature ang mag-forgive. Our natural inclination is to get even, even if only in our heads. I am sure marami ang makaka-relate how they right every injustice in their own imaginations, especially since it is not possible in the real world. 

Kung ang pagpapatawad sa kapwa ang kailangan upang magkaroon ng buhay na walang hanggan, I am positive na wala kahit isang magkakamit nito. Even if someone is inclined to forgive anyone who injure him, it takes omniscience to know them all. Even if we forgive some of those who injure us, there will be others that will miss our awareness, and having failed to forgive, we won't have life. 

Ang nag-iisang kundisyon upang magkaroon ng buhay na walang hanggan ay ang manampalataya sa Kaniya, Juan 3:16-18,36; 5:24; 6:47; 11:25-27; Gawa 16:31. Lahat ng tao ay may kakayahang manampalataya, at ang tao ay aware kung siya ay nanampalataya o hindi. Dahil dito, unlike sa pagpapatawad ng lahat ng nagkasala sa iyo, ang pananampalataya ay doable. Fair ang Diyos na gawin itong requirement dahil lahat ay may kakayahang gawin ito- ang manampalataya. Samakatuwid ang sinumang manampalataya kay Cristo ay may buhay na walang hanggan, patawarin man niya ang kaniyang kapwa o hindi. 

Paano pala ang Mat 6:14 kung saan malinaw na nakakundisyon ang kapatawaran ng tao mula sa Diyos sa kaniyang willingness na patawarin ang kaniyang kapwa? Ang susi ay konteks. Sa Mateo 6, ang kausap ni Cristo ay ang kaniyang mga alagad. Tinuturuan Niya sila kung paano mamuhay sa liwanag ng nalalapit na Kaharian. Sa Kaharian, mahalaga ang pakikisama sa Diyos, at ang pakikisama ay nakadepende sa kawalan ng personal na kasalanan. Ang taong hindi marunong magpatawad sa kaniyang kapwa ay nagkakasala sa Diyos at hindi matatamasa ang pakikisama sa Diyos. Wala siyang matatamong kapatawaran din. Ang kapatawaran dito ay hindi patungkol sa pagkakaroon ng buhay na walang hanggan kundi kung paano matamasa ang pakikisama sa Diyos sa Kaharian. 

Ang Mateo 6:14 ay hindi nagtuturong kailangan nating patawarin ang ating kapwa upang patawarin ng Diyos at magkaroon ng buhay na walang hanggan. Ang Mateo 6:14 ay nagtuturo sa mga taong may buhay na walang hanggan kung paano nila mapapanatili ang pakikisama sa Diyos. Kapag sila ay nagkakasala, wala silang pakikisama (walang kapatawaran ng Diyos). Kahit ligtas na sila, hindi nila mae-enjoy ang kaligtasang ito. Sa pagpatawad sa kapwa, mae-enjoy niya ang kapatawaran (pakikisama ng Diyos). Pakikisama o fellowship, hindi kaligtasan, ang isyu sa Mateo 6:14. 

Manampalataya ka sa Panginoong Jesucristo at ikaw ay maliligtas. Pangako iyan sa Gawa 16:31. Pangako iyan ni Jesus, Juan 3:16.

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.


Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)










Comments

Post a Comment

Popular posts from this blog

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

Ang Sikreto ng Aming 17 Taong Pagsasama

By
Image
Ecclesiastes 4:12 At kung ang isang tao ay manaig laban sa kaniya na nagiisa, ang dalawa ay makalalaban sa kaniya; at ang panaling tatlong ikid ay hindi napapatid na madali. Sa araw na ito, Abril 30, 2024, pinagdidiwang naming mag-asawa, ang misis ko ay si Lerna I. Nieto para malaman ninyong wala nang iba, ang aming ikalabimpitong taong pagpapakasal. Sa loob ng labimpitong taong ito,  marami kaming naranasan, at patuloy pang nararanasang mga pagsubok, na sa biyaya ng Diyos ay aming nalagpasan. Gaya ng ibang buhay mag-asawa, humarap din kami sa mga personal, pinansiyal at espirituwal na mga problema. Sa tulong ng Diyos, na sa pasimula pa lang ng aming pag-aasawa ay ginawa naming sentro ng aming relasyon, nananatili kaming matatag, at nananalanging lalo pang tumatag.  Humarap kami sa mga iba't ibang isyu: mga isyung monetarya; pagdidisiplina sa mga bata; pagsasabay ng pag-aaral sa masteral, pagtuturo at pagtatapos ni misi ng bokasyunal; limang taong naranasan naming mamuhay na L...
Read more

Mga Halimbawa sa Cristianong Pamumuhay

By
Image
  Sa kabanatang ito makikita natin ang ilang Personang dapat nating gawing modelo sa Cristianong pamumuhay. Makikita natin si Cristo sa v5-11; makikita natin si Pablo at Timoteo sa v19-24 at si Epaproditus at Pablo sa v25-30. Makikita rin natin dito ang panawagan ni Pablo ng pagkakaisa dahil ang simbahan sa Filipos ay may pagkakahati (tingnan sa Fil 4:2). Makikita rin natin dito ang sikat na pasahe sa Cristolohiya. Bilang bahagi ng panawagan ni Pablo ng pagkakaisa, ibinigay niyang halimbawa si Cristo ng kapakumbabaang susi sa pagkakaisa ng lahat. Ang lahat ng ito ay bahagi ng ekshortasyon ni Pablo sa 1:27 na ang mga taga-Filipos ay dapat lumakad nang karapatdapat sa evangelio.  Simulan natin sa panawagan ni Pablo ng pagkakaisa na magtatapos sa paglalagay kay Cristi bilang modelong dapat gayahin ng mga Cristiano.  Filipos 2:1 Kaya nga kung mayroong anomang kasiglahan kay Cristo, kung mayroong anomang kaaliwan ng pagibig, kung mayroong anomang pakikisama ng Espiritu, kung m...
Read more