Kailangan ko bang mabautismuhan upang magkaroon ng buhay na walang hanggan?

By

 


Kailangan ba ng isang taong mabautismuhan upang magkaroon ng buhay na walang hanggan? 

Ang maikli at diretsang sagot ay hindi. Hindi mo kailangang mabautismuhan upang magkaroon ng buhay na walang hanggan. Ang tanging kundisyon upang magkaroon ng buhay na walang hanggan ay manampalataya kay Cristo, Juan 3:16-18, 36; 5:24; 6:47; Gawa 16:31. Ang sinumang nanampalataya kay Cristo ay may buhay na walang hanggan, mabautismuhan man siya o hindi. Ang tulisan na pinakong kasama ni Cristo sa krus ay pinangakuang ngayon din ay kasama siya sa Paraiso kahit hindi siya nabautismuhan. 

Nangangahulugan ba itong hindi mahalaga ang bautismo? Mahalaga ang bautismo bilang hakbang mg pagsunod bilang alagad, hindi upang magkaroon ng buhay na walang hanggan. Sa Bagong Tipan ang mga nanampalataya kay Cristo ay binautismuhan. Makikita natin ang halimbawa ni Cornelio na binautismuhan MATAPOS niyang manampalataya at maligtas, ni Lydia at ng kaniyang sambahayan, ng Philippian jailer at kaniyang sambahayan, ng mga taga-Corinto sa Gawa 18 at maraming pang halimbawa. Ang pattern ng Kasulatan ay kapag ang tao ay nanampalataya at nagkaroon ng buhay na walang hanggan, siya ay nagpapabautismo, hindi dahil requirement ito upang maligtas kundi dahil sa ito ay pagsunod bilang isang ligtas na nilalang. Ang bautismo ay larawan ng ginawa ng Espiritu Santo sa mananampalataya- kinuha siya ng Espiritu at nilublob kay Cristo. Ang mananampalataya ay nilublob sa tubig. 

Karamihan sa kalituhan sa bautismo ay nagmula sa Gawa 2:38 na inaakalang ang bautismo ay kailangan upang maligtas. Ngunit ang Gawa 2:38 ay binigay sa mga Judiong nanampalataya na. Nais nilang malaman kung ano ang dapat nilang gawin upang maligtas sa paghuhukom na darating sa mga tumakwil kay Cristo. Dahil sa ang bayang Israel ay tumakwil kay Cristo, isang kasalanang hindi mapapatawad, sila ay nakadestino sa paghuhukom. Ang mananampalatayang Judio ay kailangang mabautismuhan upang hindi siya makadamay sa paghuhukom. Kung hindi siya magpapabautismo, mayroon siyang buhay na walang hanggan at aakyat sa Langit pero madadamay sila sa paghuhukom na eventually dinala ni Tito noong 70 AD. 

Foreign sa Biblia ang ideya ng mananampalatayang hindi nabautismuhan. Foreign din ang ideya ng nanampalatayang naghintay ng ilang taon bago mabautismuhan. Kapag sila ay nanampalataya, binautismuhan agad sila. In fact sa 1 Corinto bahagi ng kanilang pagkakakampi-kampi ay kung sino ang nagbaustismo sa kanila. Hindi d-in-eny ni Pablo ang bautismo; nagpapasalamat siyang kaunti lang ang personal niyang binautismuhan upang walang dahilan ang sinuman na magmaturo sa kaniya. Hindi naman siya ang namatay para sa kanila. Incidentally, the fact na nagpasalamat si Pablong iilan lang ang kaniyang nabautismuhan ay patunay na hindi ito kailangang upang magkaroon ng buhay na walang hanggan- hindi niya ipagkakait sa sinuman ang bautismo kung ito ay kailangan sa kaligtasan. 

Manampalataya ka kay Cristo at ikaw ay may buhay na walang hanggan. 


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.


Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)




Comments

Post a Comment

Popular posts from this blog

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

Ang Sikreto ng Aming 17 Taong Pagsasama

By
Image
Ecclesiastes 4:12 At kung ang isang tao ay manaig laban sa kaniya na nagiisa, ang dalawa ay makalalaban sa kaniya; at ang panaling tatlong ikid ay hindi napapatid na madali. Sa araw na ito, Abril 30, 2024, pinagdidiwang naming mag-asawa, ang misis ko ay si Lerna I. Nieto para malaman ninyong wala nang iba, ang aming ikalabimpitong taong pagpapakasal. Sa loob ng labimpitong taong ito,  marami kaming naranasan, at patuloy pang nararanasang mga pagsubok, na sa biyaya ng Diyos ay aming nalagpasan. Gaya ng ibang buhay mag-asawa, humarap din kami sa mga personal, pinansiyal at espirituwal na mga problema. Sa tulong ng Diyos, na sa pasimula pa lang ng aming pag-aasawa ay ginawa naming sentro ng aming relasyon, nananatili kaming matatag, at nananalanging lalo pang tumatag.  Humarap kami sa mga iba't ibang isyu: mga isyung monetarya; pagdidisiplina sa mga bata; pagsasabay ng pag-aaral sa masteral, pagtuturo at pagtatapos ni misi ng bokasyunal; limang taong naranasan naming mamuhay na L...
Read more

Mga Halimbawa sa Cristianong Pamumuhay

By
Image
  Sa kabanatang ito makikita natin ang ilang Personang dapat nating gawing modelo sa Cristianong pamumuhay. Makikita natin si Cristo sa v5-11; makikita natin si Pablo at Timoteo sa v19-24 at si Epaproditus at Pablo sa v25-30. Makikita rin natin dito ang panawagan ni Pablo ng pagkakaisa dahil ang simbahan sa Filipos ay may pagkakahati (tingnan sa Fil 4:2). Makikita rin natin dito ang sikat na pasahe sa Cristolohiya. Bilang bahagi ng panawagan ni Pablo ng pagkakaisa, ibinigay niyang halimbawa si Cristo ng kapakumbabaang susi sa pagkakaisa ng lahat. Ang lahat ng ito ay bahagi ng ekshortasyon ni Pablo sa 1:27 na ang mga taga-Filipos ay dapat lumakad nang karapatdapat sa evangelio.  Simulan natin sa panawagan ni Pablo ng pagkakaisa na magtatapos sa paglalagay kay Cristi bilang modelong dapat gayahin ng mga Cristiano.  Filipos 2:1 Kaya nga kung mayroong anomang kasiglahan kay Cristo, kung mayroong anomang kaaliwan ng pagibig, kung mayroong anomang pakikisama ng Espiritu, kung m...
Read more