Kailangan ba ang sinless perfection para magkaroon ng buhay na walang hanggan?

By

 


Una sa lahat good luck in advance kung inaakala mong maaari mong abutin ang sinless perfection sa buhay na ito. Ikalawa, condolences, dahil kung iniisip mong ito ang paraan upang magkaroon ng buhay na walang hanggan, you will never have it. 

Ang nag-iisang kundisyon upang magkaroon ng buhay na walang hanggan ay ang pananampalataya kay Cristo, Juan 3:16-18,36: 5:24; 6:47; Gawa 16:31. Ang nag-iisang kundisyon upang magkaroon ng buhay na walang hanggan ay ang pananampalataya kay Cristo, hindi ang sinless perfection. In the first place, deluded ang taong nag-aakalang maaabot niya ang sinless perfection sa kaniyang buhay. Ikalawa, deceived siya kung iniisip niyang ito ang kailangan upang magkaroon ng buhay na walang hanggan. 

May mga banggit sa Biblia na nagsasabing ang mga Cristiano ay perfected forever gaya ng Hebreo 10:14 pero hindi sinless perfection ang issue dito. Ang issue ay ang nanampalataya kay Cristo ay ligtas kailan pa man kaya hindi niya kailangan ang Kautusan upang kumpletuhin ang kaligtasan. Hindi niya kailangang mag-offer nang paulit-ulit dahil minsang na-offer si Cristo, hindi na mauulit at ang nanampalataya ay mayroong complete benefits mula rito. 

Sa Mat 5:48, ang mga mananampalataya kay Cristo ay sinabihang magpakasakdal kung paanong ang Diyos ay sakdal. Muli hindi ito sinless perfection kundi kasangkapan sa kabutihan. Ang Diyos ay mabuti sa Gentil at Judio, mananampalataya o hindi; ganun din ang Cristiano, siya dapat ay maging kumpleto, maturo, sangkap, sakdal sa kabutihan. 

Kung sinless perfection ang requirement upang maligtas, walang taong maliligtas. Kahit ang mga mananampalataya ay nagkakasala, 1 Juan 1:7-2:2. Kaya nga mayroon tayong 1 Juan 1:9 upang maging sabong panlinis ng ating mga kasalanan matapos maligtas. 

Kung manampalataya ka kay Cristo ngayon may kasiguruhan ka ng buhay na walang hanggan. Hindi mo kailangang pukpukin ang iyong sarili sa pagnanais na maging perpekto. 

Maraming tao ang biktima ng sakit ng perfectionism. Ng performance mentality. Imagine kung ito ay iimport mo sa spiritual life. Siyento por siyentong ikaw ay madi-discouraged. 

Ngunit ang mananampalataya kay Cristo ay malaya sa sakit na ito. Alam niyang hindi siya kailan man magiging perpekto sa buhay na ito, alam niyang hindi niya maaabot ang pamantayan ng Diyos kaya sumampalataya siya sa Cristong perpekto. 

Ang sumampalataya ay may buhay na walang hanggan, perpekto ka man o hindi, feeling perpekto ka man o hindi. Huwag nating ilayo tayo ng delusyon ng ating perpeksiyon mula kay Cristo. Mananampalataya ka na ngayon, Gawa 16:30-31. 


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.


Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)




Comments

Post a Comment

Popular posts from this blog

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

Ang Sikreto ng Aming 17 Taong Pagsasama

By
Image
Ecclesiastes 4:12 At kung ang isang tao ay manaig laban sa kaniya na nagiisa, ang dalawa ay makalalaban sa kaniya; at ang panaling tatlong ikid ay hindi napapatid na madali. Sa araw na ito, Abril 30, 2024, pinagdidiwang naming mag-asawa, ang misis ko ay si Lerna I. Nieto para malaman ninyong wala nang iba, ang aming ikalabimpitong taong pagpapakasal. Sa loob ng labimpitong taong ito,  marami kaming naranasan, at patuloy pang nararanasang mga pagsubok, na sa biyaya ng Diyos ay aming nalagpasan. Gaya ng ibang buhay mag-asawa, humarap din kami sa mga personal, pinansiyal at espirituwal na mga problema. Sa tulong ng Diyos, na sa pasimula pa lang ng aming pag-aasawa ay ginawa naming sentro ng aming relasyon, nananatili kaming matatag, at nananalanging lalo pang tumatag.  Humarap kami sa mga iba't ibang isyu: mga isyung monetarya; pagdidisiplina sa mga bata; pagsasabay ng pag-aaral sa masteral, pagtuturo at pagtatapos ni misi ng bokasyunal; limang taong naranasan naming mamuhay na L...
Read more

Mga Halimbawa sa Cristianong Pamumuhay

By
Image
  Sa kabanatang ito makikita natin ang ilang Personang dapat nating gawing modelo sa Cristianong pamumuhay. Makikita natin si Cristo sa v5-11; makikita natin si Pablo at Timoteo sa v19-24 at si Epaproditus at Pablo sa v25-30. Makikita rin natin dito ang panawagan ni Pablo ng pagkakaisa dahil ang simbahan sa Filipos ay may pagkakahati (tingnan sa Fil 4:2). Makikita rin natin dito ang sikat na pasahe sa Cristolohiya. Bilang bahagi ng panawagan ni Pablo ng pagkakaisa, ibinigay niyang halimbawa si Cristo ng kapakumbabaang susi sa pagkakaisa ng lahat. Ang lahat ng ito ay bahagi ng ekshortasyon ni Pablo sa 1:27 na ang mga taga-Filipos ay dapat lumakad nang karapatdapat sa evangelio.  Simulan natin sa panawagan ni Pablo ng pagkakaisa na magtatapos sa paglalagay kay Cristi bilang modelong dapat gayahin ng mga Cristiano.  Filipos 2:1 Kaya nga kung mayroong anomang kasiglahan kay Cristo, kung mayroong anomang kaaliwan ng pagibig, kung mayroong anomang pakikisama ng Espiritu, kung m...
Read more