Ako Ay Isang Bantay

By

 


Ezekiel 33:6 Nguni't kung makita ng bantay na dumarating ang tabak, at hindi humihip ng pakakak, at ang bayan ay hindi napagbigyang alam, at ang tabak ay dumating, at maghiwalay ng sinoman mula sa gitna nila; siya'y nahiwalay sa kaniyang kasamaan, nguni't ang kaniyang dugo ay sisiyasatin ko sa kamay ng bantay.

Ako ay isang bantay. Trabaho ko ang magbigay ng babala sa kongregasyon upang maiwasan nila ang kamatayang dala ng kasalanan, San 1:15. Tungkulin kong ituro sa kanila ang buong panukala ng Diyos upang kanila itong matupad at hindi dalhin ng kasalanan sa kamatayan. 

Ako ay isang bantay. Nakasalalay sa agarang pagbabalita ang kaligtasan ng aking binabantayan. Kung sila ay makikinig sa babala, matatamo nila ang kapunuan ng buhay. 

Ako ay isangg bantay. Ang aking trabaho ay magbabala. Ang obligasyong makinig ay nasa mga tao. Gustuhin ko mang pilitin silang makinig, wala akong magagawa kung ayaw nila. 

Ako ay isang bantay. Alam kong hindi popyular ang aking posisyun. May mga mag-aakalang ginagamit ko ang posisyun upang manipulahin ang mga tao- nagbibigay ng babala kahit wala namang panganib at nananahimik kapag mayroon. Tanggap ko na bahagi ito ng pagiging bantay.

Ako ay isang bantay. Minsan ang aking babala ay salungat sa ibang bantay. Hindi maiiwasang magkaroon ng pagtatalo sa tamang babala. Pero kung ang ibang bantay ay may pagnanasang protektahan ang kongregasyon, handa akong makipagtulungan sa kahit na sinong bantay. 

Ako ay isang bantay. Trabaho kong makipaglaban kung kinakailangan upang magkaroon ng panahon ang kongregasyon ng maghanda. Ako ang unang sasagupa at pinakahuling aatras. Tanggap kong nangangahulugan itong magkakasugat ako, at kung kulang sa palad, mapapatay.

Ako ay isang bantay. Hindi ako papayag na may mapahamak sa aking pagbabantay. Magalit man ang iba, itataboy ko sila sa palayo sa kapahamakan. 

Ako ay isang bantay. Hindi ako umaasang pasasalamatan ako ng aking binabantayan. Ang makita silang ligtas ay sapat nang kabayaran. 

Ako ay isang bantay. Alam kong ito ay isang nagsosolong trabaho. Hindi ka nila maintindihan, sadya ka nilang hindi iintindihin, walang gustong umintindi sa iyo. Ang mahalaga ay naiintindihan ko ang aking trabaho. 

Ako ay isang bantay at ako ay napapagod. Gusto kong magpahinga pero hindi pa tapos ang trabaho. Hanggang walang papalit na bagong bantay.

Ako ay isang bantay. Iyon lang ako. Wala akong pangarap na pagkilala. Magbabantay ako. At magbabantay. Bahala ang ibang maghanap ng rekognisyon. Pag natapos ang aking pagbabantay, uuwi ako at magpapahinga upang muling magbantay. 

Ako ay isang bantay. Hindi glamoroso. Walang magarang panlabas na damit. Pero mapagmatyag sa loob. 

Ako ay isang bantay. Hanggang kailan ba ako magbabantay?

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)



Comments

Post a Comment

Popular posts from this blog

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

Ang Sikreto ng Aming 17 Taong Pagsasama

By
Image
Ecclesiastes 4:12 At kung ang isang tao ay manaig laban sa kaniya na nagiisa, ang dalawa ay makalalaban sa kaniya; at ang panaling tatlong ikid ay hindi napapatid na madali. Sa araw na ito, Abril 30, 2024, pinagdidiwang naming mag-asawa, ang misis ko ay si Lerna I. Nieto para malaman ninyong wala nang iba, ang aming ikalabimpitong taong pagpapakasal. Sa loob ng labimpitong taong ito,  marami kaming naranasan, at patuloy pang nararanasang mga pagsubok, na sa biyaya ng Diyos ay aming nalagpasan. Gaya ng ibang buhay mag-asawa, humarap din kami sa mga personal, pinansiyal at espirituwal na mga problema. Sa tulong ng Diyos, na sa pasimula pa lang ng aming pag-aasawa ay ginawa naming sentro ng aming relasyon, nananatili kaming matatag, at nananalanging lalo pang tumatag.  Humarap kami sa mga iba't ibang isyu: mga isyung monetarya; pagdidisiplina sa mga bata; pagsasabay ng pag-aaral sa masteral, pagtuturo at pagtatapos ni misi ng bokasyunal; limang taong naranasan naming mamuhay na L...
Read more

Mga Halimbawa sa Cristianong Pamumuhay

By
Image
  Sa kabanatang ito makikita natin ang ilang Personang dapat nating gawing modelo sa Cristianong pamumuhay. Makikita natin si Cristo sa v5-11; makikita natin si Pablo at Timoteo sa v19-24 at si Epaproditus at Pablo sa v25-30. Makikita rin natin dito ang panawagan ni Pablo ng pagkakaisa dahil ang simbahan sa Filipos ay may pagkakahati (tingnan sa Fil 4:2). Makikita rin natin dito ang sikat na pasahe sa Cristolohiya. Bilang bahagi ng panawagan ni Pablo ng pagkakaisa, ibinigay niyang halimbawa si Cristo ng kapakumbabaang susi sa pagkakaisa ng lahat. Ang lahat ng ito ay bahagi ng ekshortasyon ni Pablo sa 1:27 na ang mga taga-Filipos ay dapat lumakad nang karapatdapat sa evangelio.  Simulan natin sa panawagan ni Pablo ng pagkakaisa na magtatapos sa paglalagay kay Cristi bilang modelong dapat gayahin ng mga Cristiano.  Filipos 2:1 Kaya nga kung mayroong anomang kasiglahan kay Cristo, kung mayroong anomang kaaliwan ng pagibig, kung mayroong anomang pakikisama ng Espiritu, kung m...
Read more