Proud ako sa simbahang tinuturuan ko

By

2 Tesalonica 1:4 Ano pa't kami sa aming sarili ay nangagkakapuri sa inyo sa mga iglesia ng Dios dahil sa inyong pagtitiis at pananampalataya sa lahat ng mga paguusig sa inyo at sa mga kapighatiang inyong tinitiis;

Nang unang sinulatan ni Pablo ang mga Tesalonica, nagkomento siya kung paanong ang pananampalataya ng mga taga-Tesalonica ay batid ng lahat na hindi na ito kailangang banggitin pa, 1 Tes 1:8-10. Hindi na ito kailangang banggitin pa dahil alam ng lahat na ang pananampalataya ng mga taga-Tesalonica ay buhay at tinalikuran nila ang mga diyus-diyusan upang maglingkod sa tunay at buhay na Diyos. Anong ganda na marami ang nagpapatotoo sa pananampalatayang ito.

Makalipas ang ilang panahon, muli siyang sumulat upang itama at sagutin ang ilang tanong eskatolohikal. Hindi lamang na ang pananampalataya ng mga taga-Tesalonica ay nanatili, ito ay lalo pang lumago. Anupat sabi ni Pablong pinagmamapuri (ENKAUCHASTAI mula sa pamilyar na KAUCHAOMAI) niya ito saan mang iglesia siya magtungo. Malaki ang kagalakan ni Pablo sa pananampalatayang ito na kaniya itong pinagmamapuri at kinukwento sa iba. Gaya ng magulang na walang sawang ibida sa iba ang kagalingan ng anak, si Pablo ay walang tigil sa pagmamapuri sa mga taga-Tesalonica saan mang iglesia siya pumunta. 

Ano ang saligan ng pagmamapuri ni Pablo? Ang laki ba o yaman ng simbahan? Ang kanilang magandang pananamit o magandang lokasyon ng gusali? Ang bagong pag-aari at sasakyan? Hindi! Nagmamapuri siya sa sa pagtitiis at pananampalataya sa gitna ng pag-uusig at kapighatiang kanilang pinagdaraanan. Ang personal nilang espirituwalidad ay nakikita sa kanilang pang-araw-araw na buhay! Ilang Cristiano ang nagpupuri sa Diyos sa araw ng kasaganaan ngunit unang kumakalas kapag nasa kapighatian? Hindi sila sunny weather faith kundi pananampalatayang naka-angkla sa Kaniyang hindi matitinag.

Ang reaksiyon ni Pablo sa kalagayang ito ng mga taga-Tesalonica ay magmapuri. Wala palang masama na magalak at magmapuri at magluwalhati sa paglago sa pananampalataya ng simbahang iyong pinaglilingkuran. Sa Filipos, kampante si Pablong sa Bema, maraming gantimpalang tatamuhin ang mga Cristiano. Ang isyu ay ang saligan ng pagmamapuri. Kung ang pagmamapuri natin ay sa mga bagay ng laman (laki at yaman ng simbahan, mga asosasyon at propridades), oo makasalanan ang pagmamapuri. Ngunit ang ipagmapuri ang paglago ng pananampalataya ay isang bagay na dapat tularan.

Proud ka ba sa simbahan mong kinaaaniban? 


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.


Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)



Comments

Post a Comment

Popular posts from this blog

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

Ang Sikreto ng Aming 17 Taong Pagsasama

By
Image
Ecclesiastes 4:12 At kung ang isang tao ay manaig laban sa kaniya na nagiisa, ang dalawa ay makalalaban sa kaniya; at ang panaling tatlong ikid ay hindi napapatid na madali. Sa araw na ito, Abril 30, 2024, pinagdidiwang naming mag-asawa, ang misis ko ay si Lerna I. Nieto para malaman ninyong wala nang iba, ang aming ikalabimpitong taong pagpapakasal. Sa loob ng labimpitong taong ito,  marami kaming naranasan, at patuloy pang nararanasang mga pagsubok, na sa biyaya ng Diyos ay aming nalagpasan. Gaya ng ibang buhay mag-asawa, humarap din kami sa mga personal, pinansiyal at espirituwal na mga problema. Sa tulong ng Diyos, na sa pasimula pa lang ng aming pag-aasawa ay ginawa naming sentro ng aming relasyon, nananatili kaming matatag, at nananalanging lalo pang tumatag.  Humarap kami sa mga iba't ibang isyu: mga isyung monetarya; pagdidisiplina sa mga bata; pagsasabay ng pag-aaral sa masteral, pagtuturo at pagtatapos ni misi ng bokasyunal; limang taong naranasan naming mamuhay na L...
Read more

Mga Halimbawa sa Cristianong Pamumuhay

By
Image
  Sa kabanatang ito makikita natin ang ilang Personang dapat nating gawing modelo sa Cristianong pamumuhay. Makikita natin si Cristo sa v5-11; makikita natin si Pablo at Timoteo sa v19-24 at si Epaproditus at Pablo sa v25-30. Makikita rin natin dito ang panawagan ni Pablo ng pagkakaisa dahil ang simbahan sa Filipos ay may pagkakahati (tingnan sa Fil 4:2). Makikita rin natin dito ang sikat na pasahe sa Cristolohiya. Bilang bahagi ng panawagan ni Pablo ng pagkakaisa, ibinigay niyang halimbawa si Cristo ng kapakumbabaang susi sa pagkakaisa ng lahat. Ang lahat ng ito ay bahagi ng ekshortasyon ni Pablo sa 1:27 na ang mga taga-Filipos ay dapat lumakad nang karapatdapat sa evangelio.  Simulan natin sa panawagan ni Pablo ng pagkakaisa na magtatapos sa paglalagay kay Cristi bilang modelong dapat gayahin ng mga Cristiano.  Filipos 2:1 Kaya nga kung mayroong anomang kasiglahan kay Cristo, kung mayroong anomang kaaliwan ng pagibig, kung mayroong anomang pakikisama ng Espiritu, kung m...
Read more