Parehong proud sa isa't isa

By


2 Corinto 1:14 Gaya naman ng inyong bahagyang pagkilala sa amin, na kami'y inyong kapurihan, gayon din naman kayo'y sa amin, sa araw ng Panginoong si Jesus.

Bagama't bahagya lamang ang pagkakilala ng mga taga-Corinto kay Pablo (imposibleng ganap na makilala ang isang tao sa buhay na ito; kahit ang matagal nang mag-asawa ay maraming nadidiskubre sa bawat isa), umaasa si Pablo na bahagi ng bahagyang kaalamang ito ang pagmamalaki kay Pablo sa araw ng Bema. 

Ang salitang ginamit ay KAUCHEMA na gaya ng nabanggit na ay ginamit sa KJV bilang "rejoicing, boasting, glorying." Umaasa si Pablo na ipagmamapuri o ipagmamalaki siya ng mga taga-Corinto sa Bema. Ito ay resiprokal na pagmamapuri dahil ang mga taga-Corinto ay ipagmamapuri ni Pablo sa harap ng Panginoong Jesus. Dito may kaso tayo nang pagmamapuri na tama at dapat iresiprokal. Gaya nang paulit-ulit nang nabanggit sa serye ng blogs na ito, hindi lahat ng pagmamapuri ay mali, maraming pagmamapuring binabanggit ang Kasulatan na dapat gawin, kabilang na ang sitas na ito.

Sa Bema, mahahayag ang gawa ng lahat at umaasa si Pablong pag nangyari ito, ipagmamapuri ng mga taga-Corinto si Pablo. Anong sarap pakinggang ipagmapuri ka ng mga taong iyong pinagtatrabahuhan. Ang masakit ay ang nag-aakala kang naglilingkod pero sa huling analysis ay hindi pala dapat. Ang mga inaakala mong dapat ikapuri ag nasumpungang hindi nakaabot sa pamantayan ng Diyos. 

Anong saya ng resiprokal na pagmamapuri. Pinagmamapuri ni Pablo ang mga taga-Corinto bilang sagana sa pananampalataya at kaloob. Kung ipagmapuri siya ng mga taga-Corinto, kumpleto na ang siklo para kay Pablo. 

Sa araw ng Bema, gantimpalaan ni Cristo ang pagpapagal ng mga taga-Corinto at ni Pablo, sa kabila ng hindi nila pagkakaunawaan; at gagantimpalaan Niya ang ating pagpapagal. Huwag magsawa at huwag sumuko. 


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)



Comments

Post a Comment

Popular posts from this blog

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

Bakit Kailangang Umawit ang Simbahan?

By
Image
  Tatlong mahahalagang bagay kung bakit kailangang umawit ang Simbahan. Una, ang pag-awit ay nakaluluwalhati sa Diyos.  Pahayag 5:9 At sila'y nangagaawitan ng isang bagong awit, na nagsasabi, Ikaw ang karapatdapat na kumuha ng aklat, at magbukas ng mga tatak nito: sapagka't ikaw ay pinatay, at binili mo sa Dios ng iyong dugo ang mga tao sa bawa't angkan, at wika, at bayan, at bansa. Sa pamamagitan ng pag-awit, hinahayag natin ang kadakilaan ng Diyos. Ito ang esensiya ng worship- hinahayag natin ang worth-ship mg Diyos.  Ikalawa, ang ating pag-awit ay paraan upang magturo sa kapatid. Efeso 5:19 Na kayo'y mangagusapan ng mga salmo at mga himno at mga awit na ukol sa espiritu, na nangagaawitan at nangagpupuri sa inyong mga puso sa Panginoon. Colosas 3:16 Manahanan nawang sagana sa inyo ang salita ni Cristo; ayon sa buong karunungan, kayo'y mangagturuan at mangagpaalalahanan sa isa't isa sa pamamagitan ng mga salmo at ng mga himno at mga awit na ukol sa espiritu, na...
Read more

Naghahanap ka ba ng kapahingahan?

By
Image
Naghahanap ka ba ng kapahingahan?  Pagod ka na sa buhay? Kahit saan ka pumunta pakiramdam mo kalaban mo ang lahat? Anumang hawakan ng iyong kamay ay napupunta sa abo at lahat ng iyong relasyon, nasisira? Hindi mo alam kung saan ka patutungo at hindi mo alam kung ano ang iyong gagawin?  Sinikap mong lumapit sa relihiyon ngunit lalo kang napagod dahil binigyan ka lang ng karagdagang trabaho na wala kahit sinong mkapasan, Gawa 15:10. Lumapit ka sa relihiyon ngunit walang ibang ginagawa ang ministro kundi bigyan ka ng mga gawaing sila mismo ay ayaw bumuhat o mga alituntuning sila mismo ay ayaw sumunod, Mateo 23:3-4. Pagod ka nang magpanggap na matuwid at banal, hindi mo alam ang gagawin, Mateo 23:5-7. May pag-asap pa ba? May kapahingahan pa ba? Ang sagot ay mayroon. Walang kapahingahan sa relihiyon pero may kapahingahan kay Cristo. Namatay si Cristo sa krus ng Kalbaryo sa isang layunin- ang bayaran ang iyong mga kasalanan upang ang mga kasalanang ito ay hindi maging hadlang sa rel...
Read more