Memorizing Scriptures: Lukas 15:24

By


Lukas 15:24 Sapagka't patay na ang anak kong ito, at muling nabuhay; siya'y nawala, at nasumpungan. At sila'y nangagpasimulang mangagkatuwa.

Luke 15:24
[24]for this son of mine was dead and has come to life again; he was lost and has been found.' And they began to celebrate.

Narito ang isang pamilyar na kwento ng pagmamahal. Isang ama na may dalawang anak, isang panganay na disiplinado at isang bunso na bulagsak. Sa isang nakakahiyang hakbang, buhay pa ang kaniyang ama ay hiningi ng bunso ang kaniyang mana. Hindi na niya mahintay na mamatay ang kaniyang ama! Sa isang akto ng biyaya at pag-ibig, binigay ng ama ang kaniyang hinihingi at hindi nagpatumpik-tumpik ang anak na pumunta sa malayong lupain at magpakasasa sa kayamanan hanggang sa siya ay mabangkarote. Sa gitna ng paghihirap, naisip niyang bumalik sa ama at aminin ang kaniyang pagkakamali at handang maging alipin, tanggapin lamang ng ama. Alam nating naging mabiyaya ang ama sa kaniyang tratamento ng anak. 

Ito ang larawan ng ating Ama. Sa tuwing tayo ay nahuhulog sa kasalanan, Siya ay nag-aabang sa ating pagbabalik. Isang kumpisal, 1 Juan 1:9, ang naghihiwalay sa atin at sa Ama. Gaano man tayo mapalayo sa Ama, isang hakbang lang ang pagbalik- ihayag ang pagkakasala sa Kaniya. Hindi rito o ritwal kundi pagkumpisal ng kasalanan ang nagbabalik ng pakikisama. 

Sa ating sitas, ang mananampalatayang nasa kasalanan ay nasa sapatos ng alibughang anak. Habang sila ay nasa malayong lugar ng kasalanan, sila ay patay, hiwalay sa pakikisama sa Diyos. Ngunit sa sandaling ikumpisal ang pagkakasala, ang anak ay nabuhay at ito ay okasyon ng kasiyahan. Hindi ba't dapat tayong mapuno ng pasasalamat sa biyaya ng Diyos. Hindi na Niya tayo pinahirapan, ang tanging kundisyon ay pagkumpisal ng kasalanan. Ang dahilan ay ang kamatayan ni Cristo sa krus. Ito ang saligan ng kapatawaran sa lahat ng mga nagkasalang nagkumpisal. 

Ang sabi nila, ang ibong nabali ang pakpak ay hindi na makalilipad muling sintaas ng dati. Maaaring totoo ito sa mga ibon, ngunit sa biyaya ng Diyos, anumang kinumpisal ay pinatawad at nilinis at hindi makahahadlang sa espirituwal na buhay. Makalilipad ka muli na sintaas ng dati (spiritually speaking). 


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)




Comments

Post a Comment

Popular posts from this blog

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

Ang Sikreto ng Aming 17 Taong Pagsasama

By
Image
Ecclesiastes 4:12 At kung ang isang tao ay manaig laban sa kaniya na nagiisa, ang dalawa ay makalalaban sa kaniya; at ang panaling tatlong ikid ay hindi napapatid na madali. Sa araw na ito, Abril 30, 2024, pinagdidiwang naming mag-asawa, ang misis ko ay si Lerna I. Nieto para malaman ninyong wala nang iba, ang aming ikalabimpitong taong pagpapakasal. Sa loob ng labimpitong taong ito,  marami kaming naranasan, at patuloy pang nararanasang mga pagsubok, na sa biyaya ng Diyos ay aming nalagpasan. Gaya ng ibang buhay mag-asawa, humarap din kami sa mga personal, pinansiyal at espirituwal na mga problema. Sa tulong ng Diyos, na sa pasimula pa lang ng aming pag-aasawa ay ginawa naming sentro ng aming relasyon, nananatili kaming matatag, at nananalanging lalo pang tumatag.  Humarap kami sa mga iba't ibang isyu: mga isyung monetarya; pagdidisiplina sa mga bata; pagsasabay ng pag-aaral sa masteral, pagtuturo at pagtatapos ni misi ng bokasyunal; limang taong naranasan naming mamuhay na L...
Read more

Mga Halimbawa sa Cristianong Pamumuhay

By
Image
  Sa kabanatang ito makikita natin ang ilang Personang dapat nating gawing modelo sa Cristianong pamumuhay. Makikita natin si Cristo sa v5-11; makikita natin si Pablo at Timoteo sa v19-24 at si Epaproditus at Pablo sa v25-30. Makikita rin natin dito ang panawagan ni Pablo ng pagkakaisa dahil ang simbahan sa Filipos ay may pagkakahati (tingnan sa Fil 4:2). Makikita rin natin dito ang sikat na pasahe sa Cristolohiya. Bilang bahagi ng panawagan ni Pablo ng pagkakaisa, ibinigay niyang halimbawa si Cristo ng kapakumbabaang susi sa pagkakaisa ng lahat. Ang lahat ng ito ay bahagi ng ekshortasyon ni Pablo sa 1:27 na ang mga taga-Filipos ay dapat lumakad nang karapatdapat sa evangelio.  Simulan natin sa panawagan ni Pablo ng pagkakaisa na magtatapos sa paglalagay kay Cristi bilang modelong dapat gayahin ng mga Cristiano.  Filipos 2:1 Kaya nga kung mayroong anomang kasiglahan kay Cristo, kung mayroong anomang kaaliwan ng pagibig, kung mayroong anomang pakikisama ng Espiritu, kung m...
Read more