Magmapuri sa sariling gawa at hindi sa gawa ng iba

By


Galatia 6:4 Nguni't siyasatin ng bawa't isa ang kaniyang sariling gawa, at kung magkagayon ay magkakaroon siya ng kaniyang kapurihan tungkol sa kaniyang sarili lamang, at hindi tungkol sa kapuwa.

May mga taong mataas ang tingin sa kaniyang sarili at ang kanilang persepsiyon ay higit sa katotohanan. Kung minsan ito ay dahil naka- "angkla" sila sa iba. Malakas ang loob dahil may padrino. Nagbibigay ito ng false sense of self at nagreresulta sa pag-aakalang siya ay may kabuluhan kahit wala Sabi ni Pablo ito ay pandaraya sa sarili (v3).

Sa v4 sinasabi ni Pablo na sa halip na magkaroon ng false sense of importance, dapat siyasatin ng tao ang kaniyang sariling gawa. Hindi siya dapat umasa sa gawa ng iba. Kailangan niya ng objective na pagsiyasat upang malaman niya kung ano ang tunay na kalagayan ng kaniyang gawa at halaga. Ito ay magbibigay sa kaniya ng KAUCHEMA, "rejoicing, boasting, glorying." Hindi ito makasalanang arrogance kundi objective na pag-alam sa tunay na kalagayan ng kaniyang mga gawa. Ang salitang siyasatin ay DOKIMAZETO, mula sa DOKIMAZO, to approve after testing. Hindi ito simpleng paglista ng lahat ng gawa ng tao, kahit sinong relihiyonista ay kaya itong gawin. Ito ay pagsiyasat na tulad ng pagsusuri ng ginto. Kapag naalis ang mga latak, saka lang masasabing aprubado o puro ang ginto. Ganuon din, higit sa paglista ay ang meditasyon kung ano ang motibo sa mga ginagawa. Ito ba ay upang makakuha ng aprubal ng iba? O ito ay resulta ng utos ni Cristo (pag-ibig)? Saka lang ito masasabing aprubado kung ang motibo ay kasama sa pagsusuri.

Hindi nangangahulugang hindi ka magsasaya o magmamapuri sa gawa ng iba. Maraming ulit, nagmamapuri si Pablo para sa mga taga-Corinto, taga-Tesalonica at taga-Filipos. Pero ito ay objective na tawag upang suriin ang sariling gawa kung ito ay pasado sa pamantayan ng pag-ibig. Hindi natin dapat iangkla ang ating gawa sa iba. Huwag nating isiping dahil ang ating asawa o mga anak ay naglilingkod, hindi na natin kailangang maglingkod dahil siya na ang representante ng pamilya. Ang gawa ng asawa ay kaniya; ang saiyo ay iyo lamang. Pareho silang susuriin at sa mga ito manggagaling ang kapurihan. 

Kailan tayo magkakaroon ng kapurihan? Sa Bema. Haharap tayo nang may kumpiyansa na ang ating gawa ay kapuri-puri at tatanggap ng gantimpala. 

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)



Comments

Post a Comment

Popular posts from this blog

Ang Diyos ang Nagtatag ng Pamilya

By
Image
  Ang Diyos ang Awtor ng Pamilya. Sa Genesis 1 at 2 makikita natin kung paano nilalang ng Diyos si Adan at si Eva at binasbasan ang kanilang pag-iisang dibdib (si Eva ay literal na galing sa tadyang ni Adan). Ang kanilang marching orders ay magpakarami at punuin ang sanlibutan.  Nahulog man ang unang mag-asawa sa pagkakasala, hindi niya binawi ang Kaniyang basbas. Sa katotohanan, sa isang propesiya, isang binhi ni Eva ang tutubos sa kaniyang angkan at gagapi sa ahas. Dinisenyo Niya ang Kaniyang pamilya na panghabambuhay. Sa Kaniyang plano, magsasama ang lalaki at babae sa hirap at ginhawa, sa pag-ibig at pagpapasakop kung paanong iniibig ni Cristo at paano nagpapasakop ang Iglesia.  Ito rin ang ligtas na lugar upang palakihin ang mga anak sa pagkatakot sa Diyos. Ang layon ng Diyos ay lumikha ng mga kawangis ng Kaniyang Anak at ang mga magulang ang ahente Niya sa pagsasakatuparan ng layong ito. Kaya sa tuwing pinababayaan natin ang pagpapalaki ng ating mga anak sa pagkatakot sa Diyos, s
Read more

Hindi kami maaaring mag-Bible study dahil nakapambahay?

By
Image
  Sa sanlibutan, appearance is everything. Kaya maingat nating inaayos ang ating mga mukha at buhok, nagpapabango at nagsusuot ng magandang damit. Gusto nating maging kagalang-galang sa harap ng tao, sa maraming magagandang dahilan. Ang unang impresyon ay nagtatagal, sabi nga nga nila at mahalaga ito kung may panayam sa trabaho o promosyon.  Ngunit ibang bagay kapag ang ganitong kaisipan ay inimporta sa simbahan. Ito ay palatandaang ang sanlibutang pag-iisip ay pumasok kahit sa mga kinikilalang tapat at haligi ng simbahan. Sa sandaling makalimutan natin ang distinksiyon sa Kasulatan sa panlabas at panloob na pagkatao, matutukso tayong gumaya sa sanlibutan. Ito ang problema ng bansang Israel, gusto nilang maging katulad ng iba. Ito ang sinasabi ni Jesus- ang mga pinuno ng Gentil ay namamanginoon sa kanilang pinaghaharian ngunit ang mga alagad ni Jesus ay hindi dapat tumulad sa kanila. Ang sabi ni Pablo huwag nating hayaang hulmahin ng sanlibutan ang ating pag-iisip kundi baguhin ang isi
Read more

Ang Sikreto ng Aming 17 Taong Pagsasama

By
Image
Ecclesiastes 4:12 At kung ang isang tao ay manaig laban sa kaniya na nagiisa, ang dalawa ay makalalaban sa kaniya; at ang panaling tatlong ikid ay hindi napapatid na madali. Sa araw na ito, Abril 30, 2024, pinagdidiwang naming mag-asawa, ang misis ko ay si Lerna I. Nieto para malaman ninyong wala nang iba, ang aming ikalabimpitong taong pagpapakasal. Sa loob ng labimpitong taong ito,  marami kaming naranasan, at patuloy pang nararanasang mga pagsubok, na sa biyaya ng Diyos ay aming nalagpasan. Gaya ng ibang buhay mag-asawa, humarap din kami sa mga personal, pinansiyal at espirituwal na mga problema. Sa tulong ng Diyos, na sa pasimula pa lang ng aming pag-aasawa ay ginawa naming sentro ng aming relasyon, nananatili kaming matatag, at nananalanging lalo pang tumatag.  Humarap kami sa mga iba't ibang isyu: mga isyung monetarya; pagdidisiplina sa mga bata; pagsasabay ng pag-aaral sa masteral, pagtuturo at pagtatapos ni misi ng bokasyunal; limang taong naranasan naming mamuhay na LDR na
Read more