Kapag naging Cristiano ka, lahat ng problema mo ay hindi ka na mamomroblema kailan man

By

 


Gawa 14:22 Na pinatitibay ang mga kaluluwa ng mga alagad, at inaaralan sila na magsipanatili sa pananampalataya, at sa pamamagitan ng maraming mga kapighatian ay kinakailangang magsipasok tayo sa kaharian ng Dios.

Ang isa sa pinakamalaking kasinungalingang pinangako sa ngalan ng Cristianismo ay ang ideyang kapag ikaw ay nanampalataya kay Cristo, hindi ka na mamomroblema kailan man. Marahil pinangako ito ng "soul-winner" o "evangelist" upang makahikayat ng recruit. Ngunit ito ay kasinungalingan at nagiging dahilan kung bakit maraming Cristianong natitisod sa pananampalataya, "Mula nang maging Cristiano ako, puro na lang problema ang buhay ko. Hindi siguro ako Cristiano?"

Ang katotohanan ay ang pananampalataya kay Cristo ay hindi garantiya ng problem-free life. Ito ay garantiya na dahil ikaw ay may buhay na walang hanggan at ang Espiritu ay nananahan sa mananampalataya, hindi ka haharap sa problema ng buhay nang nag-iisa. Andiyan ang Diyos kasama mo. Ayon kay Pablo, tayo ay kailangang dumaan sa kapighatian patungo sa kaharian ng Diyos. Hindi ito nangangahulugang requirement ng buhay na walang hanggan ang pagdaan sa kapighatian; malinaw sa Bibliang ang nag-iisang kundisyon upang magkaroon ng buhay na walang hanggan ay manampalataya kay Cristo. Nangangahulugan itong hangga't hindi pa dumarating ang kaharian, ang ating bahagi sa buhay na ito ay ang mamuhay para kay Cristo, na may kaakibat na kapighatian. Tandaan nating tinakwil ng sanlibutang ito si Cristo, pinako Siya sa krus, at kung ang Panginoon ay tinrato nila nang ganito, ganito rin ang ating kapalaran. Ang trabaho natin ay ang gamitin ang mga espirituwal na probisyon ng Diyos upang makatindig sa araw ng kapighatian. 

2 Timoteo 3:12 Oo, at lahat na ibig mabuhay na may kabanalan kay Cristo Jesus ay mangagbabata ng paguusig.

Kaakibat nang pamumuhay para kay Cristo ang kapighatian. Uusigin ang namumuhay nang may kabanalan kay Cristo Jesus. Ang Cristianong pamumuhay ay hindi para sa mahina ang puso o sa may ilusyon ng "they live happily ever after." Ngunit ang Diyos ay may probisyon upang mapagtagumpayan ang buhay na ito, at nasa atin kung gagamitin natin ang kapangyarihang ito sa pamamagitan ng Espiritu Santo. Ang pangako sa magtatagumpay ay,

2 Timoteo 2:12 Kung tayo'y mangagtiis, ay mangaghahari naman tayong kasama niya: kung ating ikaila siya, ay ikakaila naman niya tayo.

Ang makatiis ay maghaharing kasama Niya at ang hindi ay ipagkakaila sa karapatang maghari. Ang maikling panahon ng paghihirap sa buhay na ito ay nangangahulugan ng eternal na paghahari kasama ni Cristo. Ipagkakaila ba natin si Cristo para sa panandaliang aliw sa buhay na ito kung alam nating ipagkakaila Niya tayo sa hinaharap? Ewan ko sa inyo pero hindi baleng magdusa ngayon kung katumbas nito ang karapatang maghari kasama ni Cristo. Mas masarap ang gantimpala kapag pinaghirapan. 



(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.


Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)






Comments

Post a Comment

Popular posts from this blog

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

Ang Sikreto ng Aming 17 Taong Pagsasama

By
Image
Ecclesiastes 4:12 At kung ang isang tao ay manaig laban sa kaniya na nagiisa, ang dalawa ay makalalaban sa kaniya; at ang panaling tatlong ikid ay hindi napapatid na madali. Sa araw na ito, Abril 30, 2024, pinagdidiwang naming mag-asawa, ang misis ko ay si Lerna I. Nieto para malaman ninyong wala nang iba, ang aming ikalabimpitong taong pagpapakasal. Sa loob ng labimpitong taong ito,  marami kaming naranasan, at patuloy pang nararanasang mga pagsubok, na sa biyaya ng Diyos ay aming nalagpasan. Gaya ng ibang buhay mag-asawa, humarap din kami sa mga personal, pinansiyal at espirituwal na mga problema. Sa tulong ng Diyos, na sa pasimula pa lang ng aming pag-aasawa ay ginawa naming sentro ng aming relasyon, nananatili kaming matatag, at nananalanging lalo pang tumatag.  Humarap kami sa mga iba't ibang isyu: mga isyung monetarya; pagdidisiplina sa mga bata; pagsasabay ng pag-aaral sa masteral, pagtuturo at pagtatapos ni misi ng bokasyunal; limang taong naranasan naming mamuhay na L...
Read more

Mga Halimbawa sa Cristianong Pamumuhay

By
Image
  Sa kabanatang ito makikita natin ang ilang Personang dapat nating gawing modelo sa Cristianong pamumuhay. Makikita natin si Cristo sa v5-11; makikita natin si Pablo at Timoteo sa v19-24 at si Epaproditus at Pablo sa v25-30. Makikita rin natin dito ang panawagan ni Pablo ng pagkakaisa dahil ang simbahan sa Filipos ay may pagkakahati (tingnan sa Fil 4:2). Makikita rin natin dito ang sikat na pasahe sa Cristolohiya. Bilang bahagi ng panawagan ni Pablo ng pagkakaisa, ibinigay niyang halimbawa si Cristo ng kapakumbabaang susi sa pagkakaisa ng lahat. Ang lahat ng ito ay bahagi ng ekshortasyon ni Pablo sa 1:27 na ang mga taga-Filipos ay dapat lumakad nang karapatdapat sa evangelio.  Simulan natin sa panawagan ni Pablo ng pagkakaisa na magtatapos sa paglalagay kay Cristi bilang modelong dapat gayahin ng mga Cristiano.  Filipos 2:1 Kaya nga kung mayroong anomang kasiglahan kay Cristo, kung mayroong anomang kaaliwan ng pagibig, kung mayroong anomang pakikisama ng Espiritu, kung m...
Read more