Hindi ka ba napapagod mag-share ng Biblical articles o memes e wala namang nagbabasa?

By

 


Paano ako mapapagod kung gusto ko ang aking ginagawa? Binigay ni Cristo ang Kaniyang buhay sa krus para sa kabayaran ng ating mga kasalanan, upang ang sinumang manampalataya ay hindi mapahamak kundi magkaroon ng buhay na walang hanggan. Ang buhay na ito ay libreng kaloob at ang tanging kundisyon ng Diyos ay pananampalataya. Hindi mga gawa, katapatan o relihiyon. Hindi Siya humingi ng malaking sakripisyo mula sa akin. Kahit si Naaman ay na-appreciate ang kasimplehan ng hinihingi ng Diyos (sa pamamagitan ni Eliseo), 2 Hari 5:13. Lahat gagawin niya upang gumaling, bakit hindi ang maniwala lang sa sinabi ni Eliseo? 

Malaking kagalakan at malalim na utang na loob ang nagtutulak sa akin para mag-share. Dahil nagagalak ako sa kaligtasang binigay ng Diyos kay Cristo Jesus, gusto kong malaman din ito ng aking mga kaibigan at kapamilya. Alam kong marami sa kanila ang gumagamit ng social media kaya sa pamamagitan ng pagpopost o pagse-share, gusto kong ma-expose rin sila sa evangelio. Ganuon din naman ang aking gratitude o utang na loob sa Diyos ay nagsasabing ginawa Niya ang lahat para sa iyo, hindi mo ba magawa ang simpleng bagay na ito? 

On a practical side, ang social media ang isa sa pinakamabilis na paraan upang magkalat ng ideya. Maraming kumukuha ng kanilang pilosopiya ng pamumuhay mula sa mga memes sa FB. Nakikigamit ako sa behikulong ito ng information dissemination. Bakit natin hahayaan ang sanlibutan na magkalat sa FB ng kaniyang paniniwala nang walang challenge? Umaasa akong sa pagbaha ng mga Biblical content sa FB, mababago nito ang algoritmo ng pinakapopyular na pinag-uusapan. Imagine kung ang trending sa FB ay Free Grace Salvation?!

Walang garantiyang may nagbabasa ng aking mga sinulat at pinost ay sin-share. And I don't care. Gusto ko lang siyang nasa internet dahil sino ang nakakaalam, gamitin ng Diyos ang impormasyong ito para manampalataya kay Cristo? O para magkaroon ng alternatibong pag-unawa sa mga bagay? Marahil may kabataang nabobored na nag-ii-scroll at maraanan ang mga mensaheng ito. O may nalilitong ama na "by chance" (Divine Providence) maraanan ang mga ito. O siguro may naghahanap lang ng minoryang posisyun dahil ang mga tao ay laging naghahanap ng underdogs. 

May magbasa man o wala, hindi ako magsasawang mag-share. Mostly, ito ay para sa aking sarili- ekspresyon ng aking pasasalamat sa Kaniyang binigay ang Kaniyang buhay para sa akin (at sa iyo kung masasampalatayahan mo ito). 


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.


Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)





Comments

Post a Comment

Popular posts from this blog

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

Ang Sikreto ng Aming 17 Taong Pagsasama

By
Image
Ecclesiastes 4:12 At kung ang isang tao ay manaig laban sa kaniya na nagiisa, ang dalawa ay makalalaban sa kaniya; at ang panaling tatlong ikid ay hindi napapatid na madali. Sa araw na ito, Abril 30, 2024, pinagdidiwang naming mag-asawa, ang misis ko ay si Lerna I. Nieto para malaman ninyong wala nang iba, ang aming ikalabimpitong taong pagpapakasal. Sa loob ng labimpitong taong ito,  marami kaming naranasan, at patuloy pang nararanasang mga pagsubok, na sa biyaya ng Diyos ay aming nalagpasan. Gaya ng ibang buhay mag-asawa, humarap din kami sa mga personal, pinansiyal at espirituwal na mga problema. Sa tulong ng Diyos, na sa pasimula pa lang ng aming pag-aasawa ay ginawa naming sentro ng aming relasyon, nananatili kaming matatag, at nananalanging lalo pang tumatag.  Humarap kami sa mga iba't ibang isyu: mga isyung monetarya; pagdidisiplina sa mga bata; pagsasabay ng pag-aaral sa masteral, pagtuturo at pagtatapos ni misi ng bokasyunal; limang taong naranasan naming mamuhay na L...
Read more

Mga Halimbawa sa Cristianong Pamumuhay

By
Image
  Sa kabanatang ito makikita natin ang ilang Personang dapat nating gawing modelo sa Cristianong pamumuhay. Makikita natin si Cristo sa v5-11; makikita natin si Pablo at Timoteo sa v19-24 at si Epaproditus at Pablo sa v25-30. Makikita rin natin dito ang panawagan ni Pablo ng pagkakaisa dahil ang simbahan sa Filipos ay may pagkakahati (tingnan sa Fil 4:2). Makikita rin natin dito ang sikat na pasahe sa Cristolohiya. Bilang bahagi ng panawagan ni Pablo ng pagkakaisa, ibinigay niyang halimbawa si Cristo ng kapakumbabaang susi sa pagkakaisa ng lahat. Ang lahat ng ito ay bahagi ng ekshortasyon ni Pablo sa 1:27 na ang mga taga-Filipos ay dapat lumakad nang karapatdapat sa evangelio.  Simulan natin sa panawagan ni Pablo ng pagkakaisa na magtatapos sa paglalagay kay Cristi bilang modelong dapat gayahin ng mga Cristiano.  Filipos 2:1 Kaya nga kung mayroong anomang kasiglahan kay Cristo, kung mayroong anomang kaaliwan ng pagibig, kung mayroong anomang pakikisama ng Espiritu, kung m...
Read more