Isang Pag-aaral sa Roma 5:2

Basahin ang sitas at sagutin ang mga sumusunod na tanong.

Roma 5:2 Sa pamamagitan din naman niya'y nangagkaroon tayo ng ating pagpasok sa pamamagitan ng pananampalataya sa biyayang ito na diyan ay nagsisilagi tayo; at nangagagalak tayo sa pagasa ng kaluwalhatian ng Dios.

1. Sa Roma 5 sinusumaryo ni Pablo ang kaniyang argumento sa Roma 4 na ang tao ay inaring matuwid sa pamamagitan ng pananampalataya, hiwalay sa mga gawa at inihahanda ang sunod niyang paksa, ang espirituwal na buhay. Ano nga ulit, ayon sa v1, ang taglay ng nanampalataya kay Jesus?

2. Sa v2, ano pa ang mga karagdagang benepisyo ng pananampalataya kay Jesus?

3. Paano ang tao nagkaroon ng pagpasok (access) sa biyaya ng Diyos?

4. Sa sandaling makapasok ka rito, makaaalis ka pa ba? Pansinin ang banghay ng "nagsisilagi tayo." Ito ay nagtuturo ng eternal na seguridad. 

5. Ano ang nag-iisang kundisyon upang makapasok sa biyaya ng Diyos at manatili rito magpakailan man, ayon sa tekstong ito?

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)