Maling gamit ng mga sitas, part 2

By

 


Sa Filipos 4:10-20 masusumpungan ang pinansiyal na turo ni Pablo. Sa v10-13, makikita natin ang sikreto ng kakuntentuhan. Dito rin natin makikita kung paano laging inaabuso ang Filipos 4:13. Sa v14-20, makikita natin kung paano pinagpapala ng Diyos ang mga generosong tagaabuloy. Dito natin makikita ang ikalawang sitas na madalas abusuhin- ang Filipos 4:19. 

Ilang Cristiano ang inaangkin ang Filipos 4:19 na hindi tinitingnan ang konteksto. Marami ang inaangkin ito sa paraang name it and claim it ng prosperity gospel. Umano'y pupunan ng Diyos ang lahat ng kailangan ng Cristiano dahil mayaman ang Diyos. Totoong nangako ang Diyos na tutugunan ang pangangailangan ng mananampalataya, hindi ba't kahit masamang magulang ay nagbibigay ng mabubuting bagay sa mga anak? Sino ang magbibigay ng bato at ahas sa anak na humihingi ng tinapay at isda? Ngunit hindi ang tekstong ito.

Kung titingnan ang teksto, ang epistula sa Filipos ay sinulat bilang liham ng pagpapasalamat sa makatlong beses na tulong pinansiyal ng mga Filipos kay Pablo- makalawang beses sa Tesalonica at minsan sa Roma na dala ni Epafrodito. Dahil sa kanilang magenerosong pag-aabuloy, sinabi ni Pablong papalitan ("pupunan") ng Diyos ang anumang kanilang binigay mula sa kayamanan ng Diyos ayon sa Kaniyang biyaya. Sinasabi ni Pablo na dahil sila ay mabiyaya sa pagbibigay, ang Diyos sa biyaya ay ibabalik ang kanilang binigay. Hindi ito tumutukoy sa name it and claim it kundi pagkilala sa prinsipyong ang mapagkakatiwalaan sa kaunti ay pagkakatiwalaan nang higit pa upang hindi magkulang sa lahat ng mabuting gawa. 


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.


Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)




Comments

Post a Comment

Popular posts from this blog

Mangagtanggapan kayo

By
Image
Roma 15:7 Sa ganito'y mangagtanggapan kayo, gaya naman ni Cristo na tinanggap kayo sa kaluwalhatian ng Dios. Matapos talakayin ni Pablo ang isyu ng kalayaan ng mga Cristiano sa Roma 14, nagpatuloy si Pablo sa pagtalakay ng pangangailangang buhatin ng malakas ang mga mahihina. Sa konteksto ng kabanata, ang mahihina ay ang mga nasusugatan ang konsensiya ng mga pagbabawal sa pagkain o pangingilin ng mga araw. Sa madaling salita natatalian siya ng mga bagay na hindi naman pinagbabawal ng Kasulatan. Dahil sa kaniyang kahinaan, hindi malinis ang kaniyang budhi patungkol sa mga ito bagama't kapag siya ay lumakas, siya ay maaaring makalaya rito. Subalit sa sandaling siya ay magsimulang pasunurin ang iba sa mga pagbabawal na ito, iyan ay legalismo at dapat salungatin. Sa kabilang banda ang malakas ay ang mga nakakaunawa ng kalayaan kay Cristo. Dapat daw niyang buhatin ang mga mahihina, samakatuwid alalayan hanggang sa dumating ang panahon ay makalaya na rin siya sa mga pagbabawal na ito
Read more

Huwag mangaghatulan sa isa't isa

By
Image
Roma 14:13 Huwag na nga tayong mangaghatulan pa sa isa't isa: kundi bagkus ihatol ninyo ito, na ang sinoman ay huwag maglagay ng katitisuran sa daan ng kaniyang kapatid o kadahilanan ng ikararapa. Ang konteksto ng sitas ay patungkol sa mga hindi siguradong bagay (doubtful things). Ano ang mga hindi siguradong bagay? Ang mga hindi siguradong bagay ay mga bagay na hindi eksplisit na binabawal ng Kasulatan. Sa mga ganitong sitwasyon, sa halip na maglagay ng katitisuran sa mga kapatid, mas maiging huwag maghatulan sa bawat isa.  Anumang bagay na hindi direktang pinagbabawal ng Kasulatan ay mga bagay ng konsensiya o kalayaan sa mga Cristiano. Ang mga ito ay dapat harapin gamit ang karunungang nakamit sa patuloy na pag-aaral. Sa kapitulong ito ang mga isyu ay mga pagkain at mga araw ng pagsamba. May mga Cristianong may mga personal na isyu ng pagkain ng karne. Mayroon din silang isyu ng araw na dapat ipangilin. Sabi ni Pablo ang kumakain ng gulay lamang ay mahina ang pananampalataya ngun
Read more

Mangagibigan Kayo sa Isa't Isa, Part 2

By
Image
  Ituloy natin ang ikalawang bahagi ng "Mangagibigan Kayo sa Isa't Isa." Sa Galatia 5:13-15, makikita nating hindi tayo dapat magpasakop alin man sa legalismo o antinomianismo ngunit sa pamamagitan ng pag-ibig ay paglingkuran ang isa't isa. Ayon sa Gal 5:23-24, ang pag-ibig ay bunga ng Espiritu Santo at walang Kautusan laban dito. Ang alternatibo sa paglakad sa pamamagitan ng Espiritu ay ang lumakad sa laman o sa Kautusan.  Sa Ef 4:1-2 dapat daw tayong mangagbataan tayo sa isa't isa sa pag-ibig. Ang pagbabata sa iba ay pagpapakita ng tolerance sa mga bagay na hindi naman direktang binabawal ng Kasulatan at pagbibigay sa kapwa ng lugar para magkaroon ng ibang opinyon.  Sa 1 Tes 3:11-12, ipinalangin ni Pablo na ang mga taga-Tesalonica ay sumagana sa pag-ibig. (Sa 1 Tes 4:10-12, hihilingin ni Pablo sa nga taga-Tesalonica na sila ay managana sa  pamumuhay nang may kabanalan kaya sinasagot niya ang kaniyang sariling panalangin). Sa Hebreo 10:24-25, makikita nating ang
Read more