Maling gamit ng mga sitas, part 1

By


Filipos 4:10 Datapuwa't ako'y totoong nagagalak sa Panginoon, na ngayon sa kahulihulihan ay inyong binuhay ang inyong pagmamalasakit sa akin; na dito'y katotohanang nangagkaroon kayo ng malasakit, nguni't kayo'y nagkulang ng mabuting pagkakataon.11 Hindi sa sinasabi ko ang tungkol sa kailangan: sapagka't aking natutuhan ang masiyahan sa anomang kalagayang aking kinaroroonan.

Sa Filipos 4:10ss magbibigay si Pablo ng dalawang pangunahing turong pinansiyal. Oo, kahit mga "ordinaryong isyu" gaya ng pinansiyal ay may sinasabi ang Biblia. Sa v10-13, tuturuan ni Pablo ang mga taga-Filipos ng sikreto ng kakuntentuhan. Sa v14-20, ituturo ni Pablo ang resiprokasyon ng Diyos sa generosidad ng mga mananampalataya. Ang kakatuwa ay makikita sa dalawang pasaheng ito ang dalawa sa pinakainaabusong sitas ng Biblia: ang Filipos 4:13 at Filipos 4:19.

Madalas gamitin ang Filipos 4:13 bilang pangkalahatang pangako sa lahat ng Cristiano na harapin ang lahat ng uri ng sitwasyon. Kung ikaw ay na kay Cristo, siya ang solusyon sa pag-aaral, sa isport, sa negosyo, atbp. Kahit hindi ka mag-aral, magagawa mong makapasa dahil ikaw ay na kay Cristo. Kung ikaw ay nasa isport, kahit hindi ka magsanay ikaw ay gagaling dahil ikaw ay na kay Cristo. Kung ikaw ay nasa negosyo, ikaw ay tutubo kahit hindi ka gumawa ng istratehikong plano o gumawa ng mahusay na produkto, dahil ikaw ay na kay Cristo. Kahit magsigarilyo at magbisyo, ikaw ay lulusog dahil ikaw ay na jay Cristo. Naging pasangkalan ang ating posisyun kay Cristo upang maging tamad at palaasa. 

Sa konteksto ng Filipos, ito ay hindi justification para magkaroon ng mga bentahe nang walang paghahanda o responsabilidad na kumilos. Malinaw na ang Filipos 4:13 ay nasa konteksto ng pinansiyal na kalagayan. Ang sinasabi ni Pablo ay natuto siyang maging kontento sa anumang kalagayang pinansiyal dahil siya ay kumikilos kay Cristo. Kapag sagana, siya ay nabubuhay sa kasaganahan dahil kay Cristo. At kapag mag kasalatan, hindi siya nagrereklamo o nagpapaawa kung kani-kanino dahil siya ay kumikilos kay Cristo. Alam niya ang sikreto ng prosperidad adversidad. Hindi ito pangako na kahit ikaw ay 3'11, makakadakdak ka sa ring dahil ikaw ay na kay Cristo; o ikaw ay papasa kahit hindi ka nag-aral dahil ikaw ay na kay Cristo. Ilang tao ang nahulog sa pananampalataya dahil sa maling gamit na ito. 


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.


Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)



Comments

Post a Comment

Popular posts from this blog

Ang Diyos ang Nagtatag ng Pamilya

By
Image
  Ang Diyos ang Awtor ng Pamilya. Sa Genesis 1 at 2 makikita natin kung paano nilalang ng Diyos si Adan at si Eva at binasbasan ang kanilang pag-iisang dibdib (si Eva ay literal na galing sa tadyang ni Adan). Ang kanilang marching orders ay magpakarami at punuin ang sanlibutan.  Nahulog man ang unang mag-asawa sa pagkakasala, hindi niya binawi ang Kaniyang basbas. Sa katotohanan, sa isang propesiya, isang binhi ni Eva ang tutubos sa kaniyang angkan at gagapi sa ahas. Dinisenyo Niya ang Kaniyang pamilya na panghabambuhay. Sa Kaniyang plano, magsasama ang lalaki at babae sa hirap at ginhawa, sa pag-ibig at pagpapasakop kung paanong iniibig ni Cristo at paano nagpapasakop ang Iglesia.  Ito rin ang ligtas na lugar upang palakihin ang mga anak sa pagkatakot sa Diyos. Ang layon ng Diyos ay lumikha ng mga kawangis ng Kaniyang Anak at ang mga magulang ang ahente Niya sa pagsasakatuparan ng layong ito. Kaya sa tuwing pinababayaan natin ang pagpapalaki ng ating mga anak sa pagkatakot sa Diyos, s
Read more

Hindi kami maaaring mag-Bible study dahil nakapambahay?

By
Image
  Sa sanlibutan, appearance is everything. Kaya maingat nating inaayos ang ating mga mukha at buhok, nagpapabango at nagsusuot ng magandang damit. Gusto nating maging kagalang-galang sa harap ng tao, sa maraming magagandang dahilan. Ang unang impresyon ay nagtatagal, sabi nga nga nila at mahalaga ito kung may panayam sa trabaho o promosyon.  Ngunit ibang bagay kapag ang ganitong kaisipan ay inimporta sa simbahan. Ito ay palatandaang ang sanlibutang pag-iisip ay pumasok kahit sa mga kinikilalang tapat at haligi ng simbahan. Sa sandaling makalimutan natin ang distinksiyon sa Kasulatan sa panlabas at panloob na pagkatao, matutukso tayong gumaya sa sanlibutan. Ito ang problema ng bansang Israel, gusto nilang maging katulad ng iba. Ito ang sinasabi ni Jesus- ang mga pinuno ng Gentil ay namamanginoon sa kanilang pinaghaharian ngunit ang mga alagad ni Jesus ay hindi dapat tumulad sa kanila. Ang sabi ni Pablo huwag nating hayaang hulmahin ng sanlibutan ang ating pag-iisip kundi baguhin ang isi
Read more

Ang Sikreto ng Aming 17 Taong Pagsasama

By
Image
Ecclesiastes 4:12 At kung ang isang tao ay manaig laban sa kaniya na nagiisa, ang dalawa ay makalalaban sa kaniya; at ang panaling tatlong ikid ay hindi napapatid na madali. Sa araw na ito, Abril 30, 2024, pinagdidiwang naming mag-asawa, ang misis ko ay si Lerna I. Nieto para malaman ninyong wala nang iba, ang aming ikalabimpitong taong pagpapakasal. Sa loob ng labimpitong taong ito,  marami kaming naranasan, at patuloy pang nararanasang mga pagsubok, na sa biyaya ng Diyos ay aming nalagpasan. Gaya ng ibang buhay mag-asawa, humarap din kami sa mga personal, pinansiyal at espirituwal na mga problema. Sa tulong ng Diyos, na sa pasimula pa lang ng aming pag-aasawa ay ginawa naming sentro ng aming relasyon, nananatili kaming matatag, at nananalanging lalo pang tumatag.  Humarap kami sa mga iba't ibang isyu: mga isyung monetarya; pagdidisiplina sa mga bata; pagsasabay ng pag-aaral sa masteral, pagtuturo at pagtatapos ni misi ng bokasyunal; limang taong naranasan naming mamuhay na LDR na
Read more