Isipin ninyo ang mga bagay na ito

By


Filipos 4:8 Katapustapusan, mga kapatid, anomang bagay na katotohanan, anomang bagay na kagalanggalang, anomang bagay na matuwid, anomang bagay na malinis, anomang bagay na kaibigibig, anomang bagay na mabuting ulat; kung may anomang kagalingan, at kung may anomang kapurihan, ay isipin ninyo ang mga bagay na ito.

Marami ang walang kapayapaan sa isipan at buhay dahil pinakakain nila ang kanilang kaluluwa ng mga bagay na nagdadala ng pag-aalinlangan at takot. Sa halip na punuin ang isipan ng mga negatibong bagay, narito ang mga bagay na dapat nating isipin. Maraming nakapuna na ang mga bagay na ito ay naglalarawan ng mga katangian ni Cristo. Ang pagninilay kay Cristo ay magdadala sa atin ng kapayapaan ng isipan. 
Marami ring nakapansing ito ay halos kapareho ng paglalarawan ng Salita ng Diyos sa Awit 19 at 119.

"Katapustapusan, mga kapatid." Malapit nang matapos ni Pablo ang kaniyang mga habilin. 

"Anomang bagay na katotohanan." Ang doktrina ay katotohanan at si Cristo ay katotohanan. Ang pagninilay sa Salita ng Katotohanan, Juan 17:17, at sa Katotohanan, Juan 14:6, ay magbibigay ng kapayapaan ng isipan. Sisiguruhin iyan ng Espiritu ng Katotohanan, Juan 14:17; 15:26; 16:33. 

"Anomang bagay na kagalanggalang." Anumang bagay na honorable. Muli si Cristo iyan. Gayon din ang Salita ng Diyos ay kagalanggalang. Walang kasamaan o kamaliang makikita rito. 

 "Anomang bagay na matuwid." Si Cristo ay Matuwid, 1 Juan 2:1-2. Ang Salita ay katuwiran, Heb 5:13. 

"Anomang bagay na malinis." Ang Salita ay dalisay, 1 Ped 2:2. Si Cristo ay dalisay, 1 Juan 3:3. 

"Anomang bagay na kaibigibig." Pinatotohanan ito ni Job, Job 23:12. At sino ang kaibig-ibig higit kay Cristo, Mat 3:17? Ang Ama na mismo ang nagpatotoo niyan. 

"Anomang bagay na mabuting ulat." Hindi pinaniniwalaan pero ang Salita ay mabuting ulat, Roma 10:16. Ang tanong ni Cristo ay kung mayroong makaaakusa sa Kaniya ng kasalanan at wala ni isa mang nag-ulat nang masama tungkol sa Kaniya, Juan 18:23. 

"Kung may anomang kagalingan." Ang Salita ay ekselente, Fil 1:10. Si Cristo ay may ekselenteng pangalan kaysa mga anghel, Heb 1:4.

 "At kung may anomang kapurihan." Kailangan pa ba nating patotohanan ito? 

"Ay isipin ninyo ang mga bagay na ito." Ang mga bagay na ito ang dapat laging laman ng ating isipan. 

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)




Comments

Post a Comment

Popular posts from this blog

Ang Diyos ang Nagtatag ng Pamilya

By
Image
  Ang Diyos ang Awtor ng Pamilya. Sa Genesis 1 at 2 makikita natin kung paano nilalang ng Diyos si Adan at si Eva at binasbasan ang kanilang pag-iisang dibdib (si Eva ay literal na galing sa tadyang ni Adan). Ang kanilang marching orders ay magpakarami at punuin ang sanlibutan.  Nahulog man ang unang mag-asawa sa pagkakasala, hindi niya binawi ang Kaniyang basbas. Sa katotohanan, sa isang propesiya, isang binhi ni Eva ang tutubos sa kaniyang angkan at gagapi sa ahas. Dinisenyo Niya ang Kaniyang pamilya na panghabambuhay. Sa Kaniyang plano, magsasama ang lalaki at babae sa hirap at ginhawa, sa pag-ibig at pagpapasakop kung paanong iniibig ni Cristo at paano nagpapasakop ang Iglesia.  Ito rin ang ligtas na lugar upang palakihin ang mga anak sa pagkatakot sa Diyos. Ang layon ng Diyos ay lumikha ng mga kawangis ng Kaniyang Anak at ang mga magulang ang ahente Niya sa pagsasakatuparan ng layong ito. Kaya sa tuwing pinababayaan natin ang pagpapalaki ng ating mga anak sa pagkatakot sa Diyos, s
Read more

Hindi kami maaaring mag-Bible study dahil nakapambahay?

By
Image
  Sa sanlibutan, appearance is everything. Kaya maingat nating inaayos ang ating mga mukha at buhok, nagpapabango at nagsusuot ng magandang damit. Gusto nating maging kagalang-galang sa harap ng tao, sa maraming magagandang dahilan. Ang unang impresyon ay nagtatagal, sabi nga nga nila at mahalaga ito kung may panayam sa trabaho o promosyon.  Ngunit ibang bagay kapag ang ganitong kaisipan ay inimporta sa simbahan. Ito ay palatandaang ang sanlibutang pag-iisip ay pumasok kahit sa mga kinikilalang tapat at haligi ng simbahan. Sa sandaling makalimutan natin ang distinksiyon sa Kasulatan sa panlabas at panloob na pagkatao, matutukso tayong gumaya sa sanlibutan. Ito ang problema ng bansang Israel, gusto nilang maging katulad ng iba. Ito ang sinasabi ni Jesus- ang mga pinuno ng Gentil ay namamanginoon sa kanilang pinaghaharian ngunit ang mga alagad ni Jesus ay hindi dapat tumulad sa kanila. Ang sabi ni Pablo huwag nating hayaang hulmahin ng sanlibutan ang ating pag-iisip kundi baguhin ang isi
Read more

Ang Sikreto ng Aming 17 Taong Pagsasama

By
Image
Ecclesiastes 4:12 At kung ang isang tao ay manaig laban sa kaniya na nagiisa, ang dalawa ay makalalaban sa kaniya; at ang panaling tatlong ikid ay hindi napapatid na madali. Sa araw na ito, Abril 30, 2024, pinagdidiwang naming mag-asawa, ang misis ko ay si Lerna I. Nieto para malaman ninyong wala nang iba, ang aming ikalabimpitong taong pagpapakasal. Sa loob ng labimpitong taong ito,  marami kaming naranasan, at patuloy pang nararanasang mga pagsubok, na sa biyaya ng Diyos ay aming nalagpasan. Gaya ng ibang buhay mag-asawa, humarap din kami sa mga personal, pinansiyal at espirituwal na mga problema. Sa tulong ng Diyos, na sa pasimula pa lang ng aming pag-aasawa ay ginawa naming sentro ng aming relasyon, nananatili kaming matatag, at nananalanging lalo pang tumatag.  Humarap kami sa mga iba't ibang isyu: mga isyung monetarya; pagdidisiplina sa mga bata; pagsasabay ng pag-aaral sa masteral, pagtuturo at pagtatapos ni misi ng bokasyunal; limang taong naranasan naming mamuhay na LDR na
Read more