Mangagbatahan kayo (Tolerate One Another)

By


Efeso 4:1 Namamanhik nga sa inyo akong bilanggo sa Panginoon, na kayo'y magsilakad ng nararapat sa pagkatawag na sa inyo'y itinawag, 2 Ng buong kapakumbabaan at kaamuan, na may pagpapahinuhod, na mangagbatahan kayo-kayo sa pagibig...

Ang pagbabatahan ng bawat isa ay isang praktikal na aplikasyon ng ating posisyun sa kalangitan kasama ni Cristo (co-session with Christ). Bilang mga nakaupo sa kalangitan, tayo ay dapat na lumakad nang ayon sa ating espirituwal na kalagayan. Dapat tayong lumakad nang karapatdapat sa pagkatawag sa atin, na may kapakumbabaan, kaamuan at pagpapasensiya. Ang pasensiyang ito ay makikita sa ating pagbabata sa bawat isa. 

Bilang kalipunan ng mga taong may iba't ibang personahe na pinagbigkis ng pananampalataya kay Cristo, hindi maiiwasang ang mga personaheng ito ay magbanggaan. Dito papasok ang pagbabata sa bawat isa. Ang pagbabatahan ay naglalarawan ng pagkakaroon ng mahabang pisi (upang hindi agad sumabog sa galit o pagkainis) at hindi pagiging reaksiyonaryo (konting dutdot lang, sabog agad). Ito ay tutulong upang mapanatili ang pagkakaisa sa Espiritu. Kapag wala ang pagbabatahan, mawawala ang pagkakaisa sa Espiritu. 

Ngunit ang nakalulungkot ay hindi tayo nagbabatahan ng bawat isa. Ang obserbasyon ko ay mas binabata natin ang mga hindi mananampalataya (marahil dahil gusto natin silang ma-"recruit") kaysa kapwa mananampalataya. Hindi dapat ganito. Bilang bahagi ng iisang Katawang magkakasamang gugugol ng eternidad kasama ni Cristo, ngayon pa lang matuto tayong mabuhay kasama ang bawat isa.


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.


Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)





Comments

Post a Comment

Popular posts from this blog

Ang Diyos ang Nagtatag ng Pamilya

By
Image
  Ang Diyos ang Awtor ng Pamilya. Sa Genesis 1 at 2 makikita natin kung paano nilalang ng Diyos si Adan at si Eva at binasbasan ang kanilang pag-iisang dibdib (si Eva ay literal na galing sa tadyang ni Adan). Ang kanilang marching orders ay magpakarami at punuin ang sanlibutan.  Nahulog man ang unang mag-asawa sa pagkakasala, hindi niya binawi ang Kaniyang basbas. Sa katotohanan, sa isang propesiya, isang binhi ni Eva ang tutubos sa kaniyang angkan at gagapi sa ahas. Dinisenyo Niya ang Kaniyang pamilya na panghabambuhay. Sa Kaniyang plano, magsasama ang lalaki at babae sa hirap at ginhawa, sa pag-ibig at pagpapasakop kung paanong iniibig ni Cristo at paano nagpapasakop ang Iglesia.  Ito rin ang ligtas na lugar upang palakihin ang mga anak sa pagkatakot sa Diyos. Ang layon ng Diyos ay lumikha ng mga kawangis ng Kaniyang Anak at ang mga magulang ang ahente Niya sa pagsasakatuparan ng layong ito. Kaya sa tuwing pinababayaan natin ang pagpapalaki ng ating mga anak sa pagkatakot sa Diyos, s
Read more

Hindi kami maaaring mag-Bible study dahil nakapambahay?

By
Image
  Sa sanlibutan, appearance is everything. Kaya maingat nating inaayos ang ating mga mukha at buhok, nagpapabango at nagsusuot ng magandang damit. Gusto nating maging kagalang-galang sa harap ng tao, sa maraming magagandang dahilan. Ang unang impresyon ay nagtatagal, sabi nga nga nila at mahalaga ito kung may panayam sa trabaho o promosyon.  Ngunit ibang bagay kapag ang ganitong kaisipan ay inimporta sa simbahan. Ito ay palatandaang ang sanlibutang pag-iisip ay pumasok kahit sa mga kinikilalang tapat at haligi ng simbahan. Sa sandaling makalimutan natin ang distinksiyon sa Kasulatan sa panlabas at panloob na pagkatao, matutukso tayong gumaya sa sanlibutan. Ito ang problema ng bansang Israel, gusto nilang maging katulad ng iba. Ito ang sinasabi ni Jesus- ang mga pinuno ng Gentil ay namamanginoon sa kanilang pinaghaharian ngunit ang mga alagad ni Jesus ay hindi dapat tumulad sa kanila. Ang sabi ni Pablo huwag nating hayaang hulmahin ng sanlibutan ang ating pag-iisip kundi baguhin ang isi
Read more

Ang Sikreto ng Aming 17 Taong Pagsasama

By
Image
Ecclesiastes 4:12 At kung ang isang tao ay manaig laban sa kaniya na nagiisa, ang dalawa ay makalalaban sa kaniya; at ang panaling tatlong ikid ay hindi napapatid na madali. Sa araw na ito, Abril 30, 2024, pinagdidiwang naming mag-asawa, ang misis ko ay si Lerna I. Nieto para malaman ninyong wala nang iba, ang aming ikalabimpitong taong pagpapakasal. Sa loob ng labimpitong taong ito,  marami kaming naranasan, at patuloy pang nararanasang mga pagsubok, na sa biyaya ng Diyos ay aming nalagpasan. Gaya ng ibang buhay mag-asawa, humarap din kami sa mga personal, pinansiyal at espirituwal na mga problema. Sa tulong ng Diyos, na sa pasimula pa lang ng aming pag-aasawa ay ginawa naming sentro ng aming relasyon, nananatili kaming matatag, at nananalanging lalo pang tumatag.  Humarap kami sa mga iba't ibang isyu: mga isyung monetarya; pagdidisiplina sa mga bata; pagsasabay ng pag-aaral sa masteral, pagtuturo at pagtatapos ni misi ng bokasyunal; limang taong naranasan naming mamuhay na LDR na
Read more