Mangagaliwan kayo sa isa't isa

By


1 Tesalonica 4:18 Kaya't mangagaliwan kayo sa isa't isa ng mga salitang ito.

Sa 1 Tesalonica 4:13 at sumusunod, tinuro ni Pablo ang katotohanan ng rapture. Sinabi niya sa v13 na ang mga Cristiano ay hindi dapat mangalumbay (o magdalamhati) na gaya ng ibang walang pag-asa. Hindi niya sinasabing masama ang malungkot, mangalumbay o magdalamhati sa pagkamatay ng minamahal. Sinasabi niyang huwag nating gayahin ang mga hindi mananampalataya na namimighating walang pag-asa. Mangalumbay tayo na may pag-asa.

Bakit tayo may pag-asa? Ang sagot ay nasa v14. May pag-asa at kumpiyansa tayo ng reunion kasama ng mga mahal sa buhay na namatay kay Cristo (mga mananampalataya). Darating ang panahon na ang mga patay kay Cristo ay bubuhayin muli, at sila at tayong buhay pa ay aagawin ni Cristo mula sa mundong ito patungo sa langit upang iwasan ang dakilang kapighatiang inihanda sa mundong ito. Samakatuwid, nauunawaan nating ang paghihiwalay ay pansamantala lamang. Muling magkakasama ang mga mananampalatayang magkakamag-anak upang kay Cristo ay hindi na muling magkawalay. Ito ang katotohanang sinasabi ni Pablong dapat maging kaaliwan ng isa't isa. Paano natin aaliwin ang Cristianong namatayan ng minamahal sa buhay? Ipaalala natin ang Rapture. 

Ayon sa 2 Cor 1:3-5, inaaliw tayo ng Diyos upang aliwin din natin ang iba na nakaranas ng parehong pinagdaraanan. Kung nakatulong sa iyo ang rapture, ibahagi mo rin ito sa iba. 


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)




Comments

Post a Comment

Popular posts from this blog

Mangagtanggapan kayo

By
Image
Roma 15:7 Sa ganito'y mangagtanggapan kayo, gaya naman ni Cristo na tinanggap kayo sa kaluwalhatian ng Dios. Matapos talakayin ni Pablo ang isyu ng kalayaan ng mga Cristiano sa Roma 14, nagpatuloy si Pablo sa pagtalakay ng pangangailangang buhatin ng malakas ang mga mahihina. Sa konteksto ng kabanata, ang mahihina ay ang mga nasusugatan ang konsensiya ng mga pagbabawal sa pagkain o pangingilin ng mga araw. Sa madaling salita natatalian siya ng mga bagay na hindi naman pinagbabawal ng Kasulatan. Dahil sa kaniyang kahinaan, hindi malinis ang kaniyang budhi patungkol sa mga ito bagama't kapag siya ay lumakas, siya ay maaaring makalaya rito. Subalit sa sandaling siya ay magsimulang pasunurin ang iba sa mga pagbabawal na ito, iyan ay legalismo at dapat salungatin. Sa kabilang banda ang malakas ay ang mga nakakaunawa ng kalayaan kay Cristo. Dapat daw niyang buhatin ang mga mahihina, samakatuwid alalayan hanggang sa dumating ang panahon ay makalaya na rin siya sa mga pagbabawal na ito
Read more

Huwag mangaghatulan sa isa't isa

By
Image
Roma 14:13 Huwag na nga tayong mangaghatulan pa sa isa't isa: kundi bagkus ihatol ninyo ito, na ang sinoman ay huwag maglagay ng katitisuran sa daan ng kaniyang kapatid o kadahilanan ng ikararapa. Ang konteksto ng sitas ay patungkol sa mga hindi siguradong bagay (doubtful things). Ano ang mga hindi siguradong bagay? Ang mga hindi siguradong bagay ay mga bagay na hindi eksplisit na binabawal ng Kasulatan. Sa mga ganitong sitwasyon, sa halip na maglagay ng katitisuran sa mga kapatid, mas maiging huwag maghatulan sa bawat isa.  Anumang bagay na hindi direktang pinagbabawal ng Kasulatan ay mga bagay ng konsensiya o kalayaan sa mga Cristiano. Ang mga ito ay dapat harapin gamit ang karunungang nakamit sa patuloy na pag-aaral. Sa kapitulong ito ang mga isyu ay mga pagkain at mga araw ng pagsamba. May mga Cristianong may mga personal na isyu ng pagkain ng karne. Mayroon din silang isyu ng araw na dapat ipangilin. Sabi ni Pablo ang kumakain ng gulay lamang ay mahina ang pananampalataya ngun
Read more

Mangagibigan Kayo sa Isa't Isa, Part 2

By
Image
  Ituloy natin ang ikalawang bahagi ng "Mangagibigan Kayo sa Isa't Isa." Sa Galatia 5:13-15, makikita nating hindi tayo dapat magpasakop alin man sa legalismo o antinomianismo ngunit sa pamamagitan ng pag-ibig ay paglingkuran ang isa't isa. Ayon sa Gal 5:23-24, ang pag-ibig ay bunga ng Espiritu Santo at walang Kautusan laban dito. Ang alternatibo sa paglakad sa pamamagitan ng Espiritu ay ang lumakad sa laman o sa Kautusan.  Sa Ef 4:1-2 dapat daw tayong mangagbataan tayo sa isa't isa sa pag-ibig. Ang pagbabata sa iba ay pagpapakita ng tolerance sa mga bagay na hindi naman direktang binabawal ng Kasulatan at pagbibigay sa kapwa ng lugar para magkaroon ng ibang opinyon.  Sa 1 Tes 3:11-12, ipinalangin ni Pablo na ang mga taga-Tesalonica ay sumagana sa pag-ibig. (Sa 1 Tes 4:10-12, hihilingin ni Pablo sa nga taga-Tesalonica na sila ay managana sa  pamumuhay nang may kabanalan kaya sinasagot niya ang kaniyang sariling panalangin). Sa Hebreo 10:24-25, makikita nating ang
Read more