Mabuhay ang Bansang Pilipinas!

By

Ngayong araw ang ika-126 na taon ng kasarinlan ng Pilipinas. Iwan na natin sa mga iskolar ang debate kung talagang malaya nga ba ang Pilipinas sa panahong ito (sumunod na dumating ang mga Amerikano at Hapon, at ayon sa ilan, nananatiling alipin ang Pilipinas ng Kanluranin), walang dudang ito ang unang organisadong paghahayag ng determinasyong magsarili. At dahil dito patuloy ko itong kikilalaning araw ng kasarinlan. 


Alam ng mga mag-aaral ang nangyari. Noong Hunyo 12, 1898, hinayag ni Heneral Emilio Aguinaldo ang kasarinlan ng bansa, habang nilaladlad ang watawat na tinahi nila Marcela Agoncillo, ng kaniyang anak na si Lorenza at ng pamangkin ni Dr. Jose Rizal na si Delfina Herbosa de Natividad. Dito rin unang napakinggan ang Marcha Filipino Magdalo ni Julian Felipe, na naging Marcha Nacional Filipina. Noong 1899 ang tulang Patria Adorada ni Jose Palma ang naging liriko ng awit. Sumalin ito sa ilang pagbabago bago naging kasalukuyang Lupang Hinirang. 


Hindi lahat ay nakakaalam at iilan din ang nakakaalala ng nakalipas. Nakalulungkot ito dahil higit kailan man, mas kailangan nating magkaroon ng isang pambansang diwa sa harap ng ating probemang domestiko at internasyonal. Ang sigalot laban sa Tsina ay maaaring maging hudyat na minsan pa, ang kasarinlan ay kailangang ipaglaban. 


Ngunit ano ang obligasyon ng isang Cristianong Filipino sa kaniyang bansa at sa pamahalaang kumakatawan dito?


Ayon sa Biblia, ang mga Cristiano ay may obligasyon sa pamahalaan:


1. Magpasakop sa kinauukulan. Ang pamahalaan ay tinatag ng Diyos at dapat igalang ng mga Cristiano. Kabilang na dito ang pagsunod sa mga batas (na hindi direktang lumalabag sa Biblia) at pagsunod sa mga pinuno. Roma 13:1-2; 1 Ped 2:13-14.


2. Ipanalangin ang mga pinuno ng bayan. Kailangang ipanalangin ng mga Cristiano ang kanilang mga pinuno. Hindi ito pakiusap kundi isang utos mula mismo sa Biblia. 1 Tim 2:1-2. Ang dahilan ay upang makapamuhay tayo ng tahimik at payapang mga buhay sa kabanalan.


3. Paggawa ng mabuti. Sa Tito 3:1-2, ang mga Cristiano ay dapat maging modelong mamamayan, nagpapasakop sa kinauukulan, gumagawa nang mabuti at namumuhay nang payapa. 


4. Magbayad nang buwis. Ang mga Cristiano ay dapat magbayad ng buwis at anupamang pinansiyal na obligasyon sa pamahalaan, Roma 13:6-7. Maging si Jesus ay nagbayad ng buwis, Mat 17:24-25. 


5. Maging makatarungan lalo sa mga nangangailangan, Kaw 31:9; Is 1:17. Makikita sa Gawa 6 kung paano pinagsikapan ng unang simbahang gawin ito. 


Bilang mamamayan ng langit, Fil 3:20, at ng bansang ating kinabibilangan, obligasyon nating mahalin pareho. Siyempre bilang Cristiano ang ating pangunahing katapatan ay sa Diyos. Kung saan walang salungatan sa pagitan ng Diyos at ng pamahalaan, obligasyon nating sundin ang pamahalaan bilang ekspresyon ng ating pagka-Cristiano. Pasalamat tayo na ang bansang Pilipinas ay malaya. Hindi tayo gaya ng ibang bansa kung saan krimen ang maging Cristiano o kaya naman kahit legal ay may mga pag-uusig. Alang alang na lang sa katotohanang ito, kailangan nating mahalin ang ating bayan at ipaglaban ang kalayaan nito.


Mabuhay ang bansang Pilipinas! Mabuhay ang malayang Cristianismo sa Pilipinas!


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)




Comments

Post a Comment

Popular posts from this blog

Isang Pag-aaral sa Efeso 2:8-9

By
Image
Basahin ang mga sitas sa ibaba (kung maaari ay basahin ang buong kapitulo) at sagutin ang mga sumusunod na tanong. Efeso 2:8 Sapagka't sa biyaya kayo'y nangaligtas sa pamamagitan ng pananampalataya; at ito'y hindi sa inyong sarili, ito'y kaloob ng Dios; 9 Hindi sa pamamagitan ng mga gawa, upang ang sinoman ay huwag magmapuri. 1. Sa v1-3, nilarawan ni Pablo ang kalagayan ng mga taga-Efeso bago sila naligtas. Ayon sa v8 paano raw naligtas ang mga taga-Efeso? 2. Kapag sinabing biyaya, ito ay kagandahang-loob ng Diyos na walang tampat. Bakit ang biyaya at pananampalataya ang tamang kombinasyon upang ang tao ay maligtas at hindi ang gawa o Kautusan? (Basahin ang Roma 4:1-8; 11:6 at Gal 2:14-21 para sa karagdagang impormasyon.) 3. Ano raw ang kaloob ng Diyos sa v8? Bakit ang kaligtasan ay kailangang iregalo at hindi mapagtatrabahuhan? 4. Ang kaligtasan ba ay galing sa atin o regalo ng Diyos? Sa iyong palagay bakit ang mga palalo ay iniisip na matatamo nilang ang kaligtasan sa...
Read more

Panalangin sa Kapatiran

By
Image
  Isa sa pinakamalaking bagay na maaari mong gawin sa isang tao ay ang ipanalangin siya. Ang panalangin sa mga kapatid ay ekspresyon ng pag-ibig. Sa pamamagitan nito, nakikibahagi tayo sa kanilang mga buhay at nakikibuhat sa kanilang mga pasanin.  1. Tinuturo ng Biblia ang pangangailangang ipanalangin ang mga kapatid, San 5:16; Ef 6:18 2. Mahalaga ang panalangin dahil a) nagdadala ito ng lakas at pagkakaisa sa simbahan; b) nagdudulot ito ng kagalingan at restorasyon sa mga namimighati, 2 Cor 1:11; Col 2:2 3. Paano natin sila ipapanalangin? Para sa espirituwal na paglago at relasyon sa Diyos. Para sa kanilang pisikal at emosyonal na pangangailangan, Col 1:9-12. Sikapin nating maging tugon sa ating sariling panalangin, 1 Juan 3:16-18.  4. Ang kapangyarihan ng panalangin. Ang Espiritu Santo ay namamagitan para sa atin at nagbibigay kapangyarihan sa ating mga panalangin. Ito ay nagreresulta sa paglagong espirituwal at himalang pamamagitan ng Diyos, Roma 8:26-27. 5. Bakit kail...
Read more

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more