Talambuhay ng Kalooban ng Diyos

By

 


Santiago 1:18 Sa kaniyang sariling kalooban ay kaniya tayong ipinanganak sa pamamagitan ng salita ng katotohanan, upang tayo'y maging isang uri ng mga pangunahing bunga ng kaniyang mga nilalang.

Sa v13-16, nakita natin ang talambuhay ng kasalanan. Nagmula sa pita, naging kasalanan at ang bunga ay kamatayan. Sa v17 nakita natin ang kagandahang-loob ng Diyos bilang insentibo upang takasan ang kasalanan. Lahat ng mabuting bagay ay mula sa Diyos at sino ang nanaising ipagpalit ang kagandahang ito sa lumilipas na kasiyahan ng sanlibutan? 

Dito sa v18 makikita naman natin ang talambuhay ng kalooban ng Diyos. Bakit mas bentahe sa Cristiano ang piliin ang kalooban ng Diyos kaysa sa kasalanan? 

"Sa Kaniyang sariling kalooban." Sa kalooban ng Diyos, at hindi ng tao (Juan 1:12-13) tayo ay ipinanganak Niya. Sa bawat hakbang ng ating buhay, tayo ay nahaharap sa opsiyon- pita ng laman na ang bunga ay kasalanan o ang kalooban ng Diyos.

"Ay kaniya tayong ipinanganak sa pamamagitan ng salita ng katotohanan." Dahil sa kalooban ng Diyos tayo ay ipinanganak na muli sa pamamagitan ng katotohanan. Ang salitang "ipinanganak" ay ang parehong salita sa "namumunga" sa v15. Ang bunga ng kasalanan ay kamatayan; ang bunga o anak ng kalooban ng Diyos ay ang mga Cristiano mismo. Samakatuwid ang bunga ay buhay. 

Sa sandaling marinig natin ang salita ng katotohanan, ang evangelio ng kaligtasan at ito ay ating sampalatayahan (Ef 1:13), tayo ay ipinanganak na muli at sinelyuhan ng Espiritu ng pangako. Ang unang kapanganakan ay sa laman ngunit ang ikalawa ay sa Espiritu. Ang unang kapanganakan ay magtatapos sa kamatayan at kung namatay nang walang pananampalataya ay hahantong sa impiyerno. Ang ikalawang kapanganakan ay espirituwal na buhay na walang hanggan at eternidad sa kaluwalhatian ng Diyos. Nasa atin ang pagpili kung mananampalataya o hindi.

Sa parehong bagay, pagakatapos nating maligtas, tayo ay nahaharap sa desisyon: mananatili ba tayo sa kalooban ng Diyos na nagpanganak sa atin o makikinig tayo sa laman. Kung makikinig tayo sa laman, hindi mawawala ang kaligtasan pero ang bunga ay kamatayang pisikal. Kung mananatili tayo sa kalooban ng Diyos, mararanasan natin ang kabuuan ng Kaniyang pagpapala. 

"Upang tayo'y maging isang uri ng mga pangunahing bunga ng kaniyang mga nilalang." Ano ang dahilan kung bakit tayo inanak ng Diyos. Isang dahilan ay upang tayo ay maging pangunahing bunga ng Kaniyang mga nilalang. Sa kaisipang Judio, ang unang bunga ay kumakatawan sa kabuuan ng ani. Kung ang pangunahing bunga ay sa Diyos, ganuon din ang natitirang ani. Lahat ng pagpapalang espirituwal na nilaan ng Diyos para sa mga Cristiano ay mararanasan din ng sannilalang sa sandaling ang mga anak ng Diyos ay mahayag na (Roma 8). Hindi aksidenteng ang terminong ginamit upang ilarawan ang kapanganakang muli ng mga Cristiano ay ginamit din sa Mateo 19 para sa regeneration ng sanlibutan sa pagdating ng Kaharian. Mararanasan natin ngayon ang kalaunan ay mararanasan ng sanlibutan. Ito ay malaking pribilehiyong ating dapat lakaran. 

Hindi natin ito malalakaran kung pipiliin natin ang kasalanan. Kung tayo ay mamumuhay sa lumang kalalangan, hindi magiging realidad sa atin ang bagong nilalang. Ligtas tayo, oo, mga bagong nilalang, ngunit namumuhay sa lumang buhay. 

Manatiling nakapokus sa biyaya. Huwag ninyong hayaang nakawin ng mga huwad na guro ang inyong karapatang mag-isip ng doktrina.

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, kada 1:00-3:00 pm. Sana manampalataya kayo at kita-kita tayo.

Isang mahalagang paalala: ang mga blogs na ito ay personal kong opinyon at eksposisyon; hindi ito opisyal na pananaw ng Partido Christian Bible Church. Kung nais ninyong malaman ang kanilang opisyal na posisyun, magtanong kayo sa mga matanda ng simbahan. Ang Nieto Bible Page ay isang hiwalay na ministri mula sa PCBC at independiyente rito. Nakikipagtipon ako sa PCBC, pero may personal akong kumbiksiyon sa mga bagay. Dahil hindi ako miyembro ng teaching and ruling leadership ng PCBC, anumang mabasa ninyo rito ay hiwalay sa kanila. Anumang nasusulat ay aking pananagutan. 

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)




Comments

Post a Comment

Popular posts from this blog

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

THE ONLY TRUE RACIAL RECONCILIATION

By
Image
THE ONLY TRUE RACIAL RECONCILIATION Ephesians 2:14-16 [14]For He Himself is our peace, who made both groups into one and broke down the barrier of the dividing wall, [15]by abolishing in His flesh the enmity, which is the Law of commandments contained in ordinances, so that in Himself He might make the two into one new man, thus establishing peace, [16]and might reconcile them both in one body to God through the cross, by it having put to death the enmity. (Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)
Read more

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more