Mayamang nalanta sa pagsubok

By

 


Santiago 1:11 Sapagka't sumisikat ang araw na may hanging nakakasunog, at naluluoy ang damo; at nangalalagas ang bulaklak nito, at nawawala ang karikitan ng kaniyang anyo: gayon din naman ang taong mayaman na malalanta sa lahat ng kaniyang mga paglakad.

Sa Santiago 1:9-11, nagbigay si Santiago ng grapikong larawan ng nararapat na tugon ng mga Cristiano sa gitna ng pagsubok. 

Ang mababang kapatid, samakatuwid ay mahirap, ay kailangang magmapuri (hindi lahat ng pagmamapuri ay masama) sa kaniyang mataas na kalagayan kay Cristo. Mahirap man siya sa mundong ito, mataas ang kaniyang kalagayan kay Cristo. 

Ang mayamang kapatid naman ay dapat ding magmapuri sa kaniyang pagdurusa sapagkat siya ay pinababa nito. Ang pagdurusa dahil sa pagsubok ay nagbigay sa kaniya ng oportunidad upang magtiwala sa Diyos. 

"Sapagka't sumisikat ang araw na may hanging nakakasunog, at naluluoy ang damo; at nangalalagas ang bulaklak nito, at nawawala ang karikitan ng kaniyang anyo." Kapag ang hanging silanganang nagmumula sa disyerto ng Arabia ay umihip, ang init na dala nito ay nakasusunog at nakaluluoy ng damo. Anumang ganda ng isang halaman, gaano man kakulay ang kaniyang bulaklak, maluluoy siya sa init ng hanging silanganan. 

"Gayon din naman ang taong mayaman na malalanta sa lahat ng kaniyang mga paglakad." Ang pagluoy na ito ay kinumpara sa kalagayan ng mayamang kapatid na nalalanta sa kaniyang mga paglakad, samakatuwid sa kaniyang pamumuhay. Marahil, bilang bahagi ng kaniyang pananampalataya, siya ay nabiktima ng ostrasismo o konspirasiya at nawala ang kaniyang kayamanan. Marahil, gumawa ng paraan ang kaniyang mga kaaway upang nakawin ang kaniyang kayamanan. Ayon kay Santiago, dapat niyang yakapin ang pagsubok na ito nang may kagalakan, dapat siyang magmapuri dahil sa pagsubok na ito. Ang pagbaba sa kaniya ay oportunidad upang makita niya ang katotohanang hindi ka maliligtas ng salapi at tanging ang Diyos ang magbibigay ng kaligtasan ng buhay. Ang sabi nga ng isang marunong, "Kapag sinubok ka ng Diyos, pagkakataon mo upang subukin ang katapatan ng Diyos na nangakong hindi ka Niya iiwanan." Kung hindi dumaan sa pagsubok ang mayaman, hindi niya mararanasan ang pagliligtas ng Diyos. Iisipin niyang pera ang solusyon sa lahat ng bagay. 

Manatiling nakapokus sa biyaya. Huwag ninyong hayaang nakawin ng mga huwad na guro ang inyong karapatang mag-isip ng doktrina.


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, kada 1:00-3:00 pm. Sana manampalataya kayo at kita-kita tayo.

Isang mahalagang paalala: ang mga blogs na ito ay personal kong opinyon at eksposisyon; hindi ito opisyal na pananaw ng Partido Christian Bible Church. Kung nais ninyong malaman ang kanilang opisyal na posisyun, magtanong kayo sa mga matanda ng simbahan. Ang Nieto Bible Page ay isang hiwalay na ministri mula sa PCBC at independiyente rito. Nakikipagtipon ako sa PCBC, pero may personal akong kumbiksiyon sa mga bagay. Dahil hindi ako miyembro ng teaching and ruling leadership ng PCBC, anumang mabasa ninyo rito ay hiwalay sa kanila. Anumang nasusulat ay aking pananagutan. 

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)





Comments

Post a Comment

Popular posts from this blog

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

THE ONLY TRUE RACIAL RECONCILIATION

By
Image
THE ONLY TRUE RACIAL RECONCILIATION Ephesians 2:14-16 [14]For He Himself is our peace, who made both groups into one and broke down the barrier of the dividing wall, [15]by abolishing in His flesh the enmity, which is the Law of commandments contained in ordinances, so that in Himself He might make the two into one new man, thus establishing peace, [16]and might reconcile them both in one body to God through the cross, by it having put to death the enmity. (Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)
Read more

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more