Sumuko sa Panginoon

By

Juan 3:16 Sapagka't gayon na lamang ang pagsinta ng Dios sa sanglibutan, na ibinigay niya ang kaniyang bugtong na Anak, upang ang sinomang sa kaniya'y sumampalataya ay huwag mapahamak, kundi magkaroon ng buhay na walang hanggan.

Nitong Mayo 15, 2025 naglibot kami at nag-house-to-house evangelism at tracts distribution sa Gimaga. Sa aming paglibot may nakausap kaming mga born again.

Ngunit nang tanungin namin kung mayroong buhay na walang hanggan, ang sagot nila ay wala pa. 

Isa sa aming kinausap ay nagsabing siya ay na-born again nang isuko niya ang kaniyang sarili sa Panginoon. Nang hingan namin siya ng paglilinaw kung anong ibig niyang sabihin, sinabi niyang dati ay hindi siya nagsisimba ngunit ngayon ay oo. Dati ang prioridad niya ay ang kaniyang sarili ngunit ngayon ay ang Panginoon. Hindi niya nabanggit na siya ay nanampalataya kay Cristo at siya ay may katiyakan ng buhay na walang hanggan. In fact ng tanungin namin patungkol dito, hindi raw siya sigurado dahil nagkakasala pa. Para sa kaniya, nagkakasala=walang buhay na walang hanggan (sasagutin ko ito sa hiwalay na blog). 

Ngunit hindi ito ang sinasabi ni Jesus sa Juan 3, ang pasahe kung saan masusumpungan ang born again. Nang humingi si Nicodemo ng paglilinaw kung paano mangyayari ito (paano ang tao ipapanganak na muli), ang paliwanag ni Jesus ay masusumaryo sa Juan 3:16. 

Pansining ang nag-iisang kundisyon upang magkaroon ng buhay na walang hanggan (katumbas ng pagiging born again, katumbas ng kapanganakan ng Espiritu mula sa itaas) ay ang manampalataya kay Cristo. Mahalaga ang pagsuko ng ating mga sarili kay Cristo, pero hindi sa pagtamo ng buhay na walang hanggan. Ang tanging kundisyon upang magtamo ng buhay na walang hanggan ay ang manampalataya kay Cristo para rito. 

Kapag ligtas ka na, ipinanganak ka nang muli, saka ka mag-aaral ng Salita ng Diyos upang mabago ang iyong pagiisip at maisuko mo ang iyong isipan, plano, at buhay sa Diyos, Roma 12:1-2. 

Huwag natin pagpalitin ng pwesto ang kabayo at karwahe. Mapipilay ang kabayo at hindi aandar ang karwahe. Ganuon din hindi makapagliligtas ang ating mga gawa bagama't mahalaga ito kapag ikaw ay ligtas na. Sa kaligtasan ang kundisyon ay pananampalataya hindi ang pagsuko ng buhay. 

Manatiling nakapokus sa biyaya. Huwag ninyong hayaang nakawin ng mga huwad na guro ang inyong karapatang mag-isip ng doktrina.

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, kada 1:00-3:00 pm. Sana manampalataya kayo at kita-kita tayo.

Isang mahalagang paalala: ang mga blogs na ito ay personal kong opinyon at eksposisyon; hindi ito opisyal na pananaw ng Partido Christian Bible Church. Kung nais ninyong malaman ang kanilang opisyal na posisyun, magtanong kayo sa mga matanda ng simbahan. Ang Nieto Bible Page ay isang hiwalay na ministri mula sa PCBC at independiyente rito. Nakikipagtipon ako sa PCBC, pero may personal akong kumbiksiyon sa mga bagay. Dahil hindi ako miyembro ng teaching and ruling leadership ng PCBC, anumang mabasa ninyo rito ay hiwalay sa kanila. Anumang nasusulat ay aking pananagutan. 

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)





Comments

Post a Comment

Popular posts from this blog

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more

THE ONLY TRUE RACIAL RECONCILIATION

By
Image
THE ONLY TRUE RACIAL RECONCILIATION Ephesians 2:14-16 [14]For He Himself is our peace, who made both groups into one and broke down the barrier of the dividing wall, [15]by abolishing in His flesh the enmity, which is the Law of commandments contained in ordinances, so that in Himself He might make the two into one new man, thus establishing peace, [16]and might reconcile them both in one body to God through the cross, by it having put to death the enmity. (Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)
Read more