Pagkakaroon ng isang kaisipan

By

Filipos 2:2 Ay lubusin ninyo ang aking katuwaan, upang kayo'y mangagkaisa ng pagiisip, mangagtaglay ng isa ring pagibig, na mangagkaisa ng akala, at isa lamang pagiisip;

Sa Filipos 2:2, sinabi ni Pablo na ang mga Cristiano ay dapat mangagkaisa ng pag-iisip, magkaroon ng kapareho o iisang kaisipan. Lumalabas na may pagkakahati sa Filipos at sa Fil 4:2, sila ay pinangalanan. 

Ito ay panawagan ng pagkakaisa sa gitna ng sitwasyong pinaghaharian ng pagkakahati. 

Ang parehong mga pananalita ay makikita sa 1 Cor 1:10-13 kung saan ang pagkakabahabahagi ay umiikot sa mga personalidad. Sinabi ni Pablo na hindi ito nararapat dahil si Cristo ay hindi nababahagi o nahahati. Sa 2 Cor 13:11, pinayuhan niya ang mga taga-Corinto na "mangagpakasakdal kayo; mangaaliw kayo; mangagkaisa kayo ng pagiisip; mangabuhay kayo sa kapayapaan." Ang resulta ay "ang Dios ng pagibig at ng kapayapaan ay sasa inyo." 

Bakit mahalaga ang pagkakaisa sa kapatiran. Ang dahilan ay ang ating pagkakaisa ay isa sa mga patunay ng pagka-Diyos ni Cristo. Ang ating pakikiisa sa isa't isa at sa Ama ay patotoo kay Cristo, Juan 17:20-21. Isang dahilan ng pagtutol ng mga tao sa Cristianismo ay ang pagkakahati-hati nito kaya madalas nilang sabihin, "Kung totoo ang Cristianismo bakit may 20, 000 sekta nito? Alin sa mga ito ang totoo?" Bagama't hindi lahat ng sektang ito ay "Cristianismo," huwag na tayong dumagdag sa bilang. 

Ano ang kailangan upang magkaroon ng isang kaisipan? Dito sa Filipos at sa Roma 12:16, ang solusyon ay pareho- kapakumbabaan. Huwag magpakapalalo. Huwag mag-isip nang higit sa nararapat patungkol sa sarili. Sa halip dapat ituring ang iba na mas maigi kaysa sa kaniyang sarili. Ikinakabit ni Pablo ang pagkakaisa sa kapakumbabaan. 

Ngunit ang pagkakaisa ay kapakinabangan lamang kung may kapakumbabaan. Tingnan ninyo ang Tore ni Babel sa Gen 11. Ang kanilang pagkakaisa ay walang kapakumbabaan dahil sila ay makasarili. Sinabi ng Diyos na sila ay mangalat matapos ang baha ngunit ang inisip nila ay kabaligtaran: magkakaisa lang sila sa isang lugar, magtatayo ng mataas na toreng matataguan sa baha (hindi nila pansin ang pangako ng Diyos na hindi na babahain ang mundo) at gagawa sila ng toreng aabot sa langit at magtatanyag sa kanila. Wala silang kapakinabangan dito at direktang naging dahilan ng pagkakahati ng mga tao sa iba't ibang wika, tribo at nasyonalidad. Ang aral ay ang pagkakaisang walang kapakumbabaan ay hindi epektibo at madalas ay kontraproduktibo. 

Sa Filipos 2, nilagay ni Pablo ang Panginoong Jesucristo bilang halimbawa ng kapakumbabaan. Siya ang dapat nating takbuhan upang magkaroon ng tunay na pagkakaisa. 


(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.

Kung nakatulong sa inyo ang mga blogs na ito, mangyaring pasubscribe at pashare sa iba. Ibahagi natin at ikalat ang mga Salita ni Cristo at ang libreng biyaya ng Diyos sa lahat ng dakong Filipino ay lenggwahe. Salamat po.)



Comments

Post a Comment

Popular posts from this blog

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

THE ONLY TRUE RACIAL RECONCILIATION

By
Image
THE ONLY TRUE RACIAL RECONCILIATION Ephesians 2:14-16 [14]For He Himself is our peace, who made both groups into one and broke down the barrier of the dividing wall, [15]by abolishing in His flesh the enmity, which is the Law of commandments contained in ordinances, so that in Himself He might make the two into one new man, thus establishing peace, [16]and might reconcile them both in one body to God through the cross, by it having put to death the enmity. (Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)
Read more