Nasa Puso at Nananabik

By


Filipos 1:7 Gaya ng matuwid na aking isiping gayon tungkol sa inyong lahat, sapagka't kayo'y nasa aking puso, palibhasa'y, sa aking mga tanikala at pagsasanggalang at sa pagpapatunay naman sa evangelio, kayong lahat na kasama ko ay may bahagi sa biyaya. 8 Sapagka't saksi ko ang Dios, kung gaano ang pananabik ko sa inyong lahat sa mahinahong habag ni Cristo Jesus.

Sa v7-8, ipinakita ni Pablo kung gaano kalapit ang relasyon niya sa mga taga-Filipos. Matuwid lamang, ayon kay Pablo na magpasalamat siya sa Diyos kapag naaalala niya ang mga taga-Filipos. Nang sinabi niyang "inyong lahat," wala siyang hindi isinama sa kaniyang panalangin at pasasalamat sa Diyos. 

Bakit matuwid na magpasalamat siya sa Diyos? Sapagkat sila ay "nasa aking puso," puso ni Pablo. Ang puso ang pinakasentro ng isang tao, kung sino siya kapag walang ibang nakatingin maliban sa Diyos. Na ang mga taga-Filipos ay nasa kaniyang puso ay nagpapakita ng mataas niyang pananaw sa mga ito. 

Anong ginawa ng mga taga-Filipos, upang sila ay mapasapuso ni Pablo? Sila ay katuwang ni Pablo sa pagbabahagi ng evangelio. "Sa mga tanikala" ay naglalarawan ng pagkakulong ni Pablo para sa evangelio. Ang "pagsasanggalang" ay ang kaniyang matapat at matapang na pagdepensa sa evangelio sa harap ng oposisyon. Sa tanikala man o pagsasanggalang, ang mga taga-Filipos ay may bahagi sa biyayang ito. Ang "biyaya" ay tumutukoy sa pribilehiyong mabilanggo at ipagtanggol ang mensahe. Wala man sila sa personal, sila ay kabahagi ni Pablo sa pamamagitan ng kanilang panalangin at abuloy. 

Bilang bahagi ng kaniyang patotoo, nanawagan siya sa Diyos bilang saksi, "saksi ko ang Diyos." Sapagkat ang Kautusan ay nagbabawal sa paggamit ng pangalan ng Diyos sa walang kabuluhan, ang pahayag ni Pablo ay pinakamataas na uri ng pagpapatotoo. Kung nagsisinungaling si Pablo, siya ay mananagot hindi lamang sa pagpapaniwala sa mga taga-Filipos na sila ay nasa puso niya, mananagot din siya sa pagtawag sa Diyos na sumaksi sa isang kabulaanan. Sa diwa, tinatawagan niya ang Diyos nilang ikatlong partido sa relasyon niya sa Filipos. 

Ano ang sasaksihan ng Diyos? Na siya ay lubos na nananabik sa mga banal sa Filipos. Ang pananabik ay naglalarawan ng malapit na ugnayan sa pagitan ng apostol at mga Cristiano ng Filipos. Bagama't nahihiwalay sila ng distansiya, ang relasyon ay matatag at lalong tumatatag. Ang pananabik na ito ay hindi walang lamang emosyon kundi kumikilos sa "mahinahong habag ni Cristo." Bukod sa Ama, ang Panginoong Jesucristo y bahagi ng kanilang relasyon. Ito ang ideyal na larawan ng isang simbahan, may malapit na relasyon ang ministro at kongregasyon at ang Ama at ang Panginoong Jesucristo ay bahagi ng kanilang relasyon. Ito ang aking pangarap para sa PCBC. Isang buhay na relasyon at hindi isang patay na relihiyon. 

Kumusta ang inyong mga simbahan? Nakikita ba ang ganitong uri ng relasyon? 

Ituloy natin sa mga susunod na blogs. 

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)



Comments

Post a Comment

Popular posts from this blog

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

THE ONLY TRUE RACIAL RECONCILIATION

By
Image
THE ONLY TRUE RACIAL RECONCILIATION Ephesians 2:14-16 [14]For He Himself is our peace, who made both groups into one and broke down the barrier of the dividing wall, [15]by abolishing in His flesh the enmity, which is the Law of commandments contained in ordinances, so that in Himself He might make the two into one new man, thus establishing peace, [16]and might reconcile them both in one body to God through the cross, by it having put to death the enmity. (Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)
Read more