Kayo'y Nasa Aking Puso

By

 


Filipos 1:7 Gaya ng matuwid na aking isiping gayon tungkol sa inyong lahat, sapagka't kayo'y nasa aking puso, palibhasa'y, sa aking mga tanikala at pagsasanggalang at sa pagpapatunay naman sa evangelio, kayong lahat na kasama ko ay may bahagi sa biyaya.8 Sapagka't saksi ko ang Dios, kung gaano ang pananabik ko sa inyong lahat sa mahinahong habag ni Cristo Jesus.

Malinaw na malapit kay Pablo ang mga taga-Filipos. Sinabi niyang ang mga ito raw ay nasa kaniyang puso. Ito ay nagpapakita ng pag-ibig mula sa pinakakaibuturan ni Pablo dahil ang puso ang pinakasentro ng tao, ang puso ay nagpapakita kung sino ka kung walang ibang nakatingin. 

Ang pag-ibig ang langis na nagpapadulas ng makinarya ng espirituwal na buhay. Paano ipinakita ni Pablo ang kaniyang pag-ibig?

1. Siya ay nagdusa para sa kanila. Ef 3:1. Dahil sa pag-ibig at pagnanais na maipalaganap ang evangelio at ang misterio ng pananampalataya, siya ay naging bilanggo, hindi ng Roma kundi ni Jesucristo. Para sa kaniya, ang kaniyang pagkabilanggo ay hindi dahil nasupil siya ng Roma, kundi dahil bilang alipin ni Jesus, handa siyang magturo kahit natatanikalahan. 

2. Si Pablo ay nagmamalasakit sa mga Cristiano. Filipos 2:25-28; 1 Juan 3:18. Ang kanilang mutual na pagmamalasakit sa bawat isa ay makikita sa pag-aalala nila sa bawat isa at sa pagsagot sa mga alalahaning ito. Bagama't makatutulong sa kaniyang ministri si Epaproditus, pinauuwi niya ito upang hindi na mag-alala ang mga taga-Filipos at sa ganuon mabawasan din ang pag-alala ni Pablo sa mga nag-aalalang taga-Filipos. 

3. Isa pang tanda ng pag-ibig ay ang pagpapatawad. Isang layon ng kaniyang sulat ay pagbatiin ang nag-aaway na Euodias at Synteche, Fil 4 at sa ganitong paraan mapanatili ang pagkakaisa ng simbahan, Fil 2. Ang pagpapatawad ay ekspresyon ng pag-ibig, 1 Ped 4:8; 1 Cor 13:5. 

4. Ang pag-ibig ay may hatid na kasiyahan, isang mayor na tema ng sulat, Gal 5:22. Magkakaroon lamang ng tumatagal na kasiyahan, kasiyahang hindi nakabase sa sirkumstansiya, kung pag-ibig ang naghahari sa simbahan. 

Ang pag-ibig ni Pablo sa mga taga-Filipos ang nagtulak sa kaniya para ipanalangin ang mga ito. 

(Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)




Comments

Post a Comment

Popular posts from this blog

Nangungulila sa isang Ama

By
Image
Nangungulila ka sa pagmamahal ng isang ama. Maaaring hindi mo ito maramdaman dahil siya ay pumanaw na o marahil ay nasa malayo dahil nagtatrabaho. O siguro siya ay sumakabilang bahay at winasak ang inyong pamilya. O nandiyan siya sa bahay ngunit milya-milya ang pagitan dahil sa sobrang lamig niya sa pamilya.  Alam mo bang may isang Persona na nais na maging Ama sa iyo kung Siya ay iyong pagbibigyan? Na maibibigay Niya ang pagkalinga at pag-aaruga na marahil ay iyong hinahanap?  Sa laki ng pagsinta ng Diyos sa sanlibutan, sa mga taong kagaya mo, sinugo Niya ang Kaniyang bugtong na Anak, si Jesus, upang tubusin ka sa mga kasalanan at gawing posible ang isang relasyon sa Kaniya. Sa krus, binayaran Niya ang kasalanan ng buong sanlibutan, Siya ang naging pampalubag-loob sa kasalanan ng kahat, upang walangaging hadlang sa sinumang nais magkaroon ng relasyon sa Kaniya.  Ang pangako ng Biblia ay posible kang magkaroon ng relasyon sa Diyos sa pamamagitan ng pananampalataya sa Kani...
Read more

Mahirap mamangka sa dalawang ilog

By
Image
Mateo 6:24 Sinoma'y hindi makapaglilingkod sa dalawang panginoon: sapagka't kapopootan niya ang isa, at iibigin ang ikalawa: o kaya'y magtatapat siya sa isa, at pawawalang halaga ang ikalawa. Hindi kayo makapaglilingkod sa Dios at sa mga kayamanan. Ang Mateo 6:24 ay bahagi ng Sermon sa Kabundukan kung saan tinuruan ng Panginoong Jesus ang mga alagad ng mga prinsipyo ng pamumuhay sa liwanag ng nalalapit na Kaharian. Bagama't ang Kaharian ay tinanggihan ng Israel, o mas accurate sabihing tinanggihan nila ang Hari, may mga prinsipyo sa Sermong ito na magagamit natin sa ating dispensasyon.  Sa Mateo 6:24 pinaalala ng Panginoon na ang daan ng isang alagad ay ekslusibo at nag-iisa (alone). Hindi lahat ay magagawa ito sapagkat ito ay humihingi ng extreme loyalty. Hindi ito kundisyon para magkaroon mg buhay na walang hanggan. Ang buhay na walang hanggan ay natatamo ng taong nanampalataya kay Jesus. Ito ay kundisyon kung paano maisapamuhay nang may kapunuan ang buhay na iyan sa ...
Read more

THE ONLY TRUE RACIAL RECONCILIATION

By
Image
THE ONLY TRUE RACIAL RECONCILIATION Ephesians 2:14-16 [14]For He Himself is our peace, who made both groups into one and broke down the barrier of the dividing wall, [15]by abolishing in His flesh the enmity, which is the Law of commandments contained in ordinances, so that in Himself He might make the two into one new man, thus establishing peace, [16]and might reconcile them both in one body to God through the cross, by it having put to death the enmity. (Kung gusto ninyo ng karagdagang impormasyon, bisitahin ninyo kami. May pagtitipon kami sa Dahat, kada Linggo, alas 8:30-10:30 am. Sa Amoguis, 1:00-3:00 pm. Sana manampalataya kayo at kita-kita tayo.)
Read more